دوري عبداللطيف جميل للمحترفين 2013 - 2014 - الاسبوع الثامن عشر [ الهلال Vs الأهلي ] [ هدف المباراة - HD - ملخص - تصاريح ] - نادي الهلال السعودي - شبكة الزعيم

نادي البطولات · #1 17/01/2014, 05:07 AM

مبروك الفوز الصعب جداً لاننا لعبنا تحت ضغط كبير جداً ..

الفريق بدأ المباراة بشكل جيد جداً وقدرنا نسجل هدف في الشوط الاول وفي الشوط الثاني المفروض نخلص المباراة من بدري بعد ما لعب الطحلب بـ 3-5-2 كان فيه مساحات كبيرة ما قدرنا نستغلها لاننا نلعب بدون تركيز كبير جتنا كذا فرصة محققه لكن عدم التركيز والجدية ضيعت هـ الاهداف والحمد لله ما ضاعت الثلاث نقاط معها ..!!!

الزلزال يا ليتك في الهلال من 3 الى 5 سنوات كان الهلال بخير اكثر من اول هـ الاعب يوم بعد يوم احس انه ولد النادي روح وثقه وتسجيل اهداف وصناعة هذا والله اللي يستاهل التشجيع والدفع المعنوي من الجمهور مب مثل اللي يتسدح واجد وماخذ خانه على حسب لاعب جديد عنده طموح ورغبة في العمل من اجل اسعاد الكيان اتوقع سامي عطاه فرصته وزياده اتمنى ما يجامله سامي من جديد ونشوف السالم مكانه ..

اليوم كورتين اهداف ضاعت بسبب التريقه والاستعراض الاولى كورة سلمان الفرج ما حولك احد ولا احد ضايقك وجاي تستعرض فيها والدقيقة 85 والنتيجة 1/0 وتخلي الفريق في ضغط رهيب اخر 5 دقايق ..!!!!!

الزلزال في اخر كورة في المباراة جنبك نيفيز العبها باص راح يكون نيفيز وجه لـ وجه مع الحارس و ( ممكن ) يلعبها باص ثاني لك وتسجل لكن تتأنن بـ هالشكل لا والف لا لاننا شفنا نيفيز كيف ( عصب ) واللي في الملعب شاف نيفيز كيف كانت اعصابه بعد انانية ناصر ..!!!!

ديقاو من اول ظهور وبـ جاهزيه 80% قدم مباراة ممتازة جداً و روووووووح عاليه اللي في الملعب شاف كيف التفت على الجمهور مرتين ويطلب الجمهور يأزر الفريق هذي الروح اللي نبيها هذا الاجنبي اللي نبيه يعمل الفارق اتوقع مستقبل الدفاع بتواجد ديقاو وكواك راح يكون خط قوي جداً جداً جداً ..

الشهراني اليوم قدم مباراة ممتازة جداً وافضل مباراة له كـ ظهير ايمن اتمنى يواصل على هـ الاداء ومن احسن لـ احسن ان شاء الله ..

اخيراً عدينا مرحلة قوية جداً وان شاء الله نواصل حصد النقاط وفالنا الدوري بإذن الله ..