# ملاحظآت بخصوص الجماهير وسامي وبعض اللآعبين خلال الفترة السابقة .. - نادي الهلال السعودي - شبكة الزعيم

احساس جداوي · #1 11/01/2014, 10:12 PM

السلام عليكم ورحمة الله وبركاته

اللهم صل وسلم على أشرف الخلق . . . .

أتمنى من كل شخص يفهم كورة أنه يناقشني وأبعدو عن التعصب والنقد غير الهآدف اللي مآشفنا شي منه لحد الآن...

----

اولاً : بخصوص سامي الجآبر ...

لا أخفيكم أني كنت من اكثر الأشخاص تفاؤل بقدوم الكابتن سامي للجهآز الفني للهلال لانه متفهم لآوضاع اللاعبين ونفسياتهم وايضاً خبرة بالدوري السعودي ...

لكن بعد مشاهدتي له ونظرتي لطريقة لعبه وتكتيكه ، لحد الآن انا ماشفت ان الكبتن القدير سامي أضآف شي فني على الهلال من الناحية التكتيكية على آرض الملعب

رآح يجيني شخص ويقول احنا الوصيف ونسبة الاهدآف عالية ..

أنا اقولك انك وصيف لأفضل نادي حالياً بالدوري السعودي يعني الأندية الاخرى متهالكة والاخرى قابلة للهبوط والباقي ينافسون على المناطق الباردة لحفاظ مكانهم ,
يعني الاكثرية ماتفكر بالدوري لسوء الاوضاع

اما بخصوص التهديف فأنا اقول ان تكتيك ولعب الهلال واضح لعب على الاطراف وايضاً كرات ثابته يعني اللآعبين مساعدين سامي وليس العكس ،،

أتمني من أي شخص يريني مبآراة فيها من التكتيك واللعب الواضح على ارض الملعب غير مبارآة الفتح ...؟

سامي بخصوص تدريبه للهلآل اشوفه امر بدري . المفروض كان الامر تدريجي ، اولمبي ثم الاول عشان ياخذ الخبرة .. ولنا في كارينيو عبرة .. كون فريقين قوية وتنافس على البطولات ،،

لكن حالياً اشوف انه مافي الا منافستنا على الدوري بأمل تآخر الجار وهزيمته في قادم الايام وايضاً بطولة الكآس .. ولكل حادث حديث ..

ثانيا ً : بخصوص بعض اللآعبين ..

ياسر القحطاني :

بدون أي مجاملة ، ياسر ماعنده اي شي يقدمه ، حتى لو كان الدكة ، ما اشوف انه المكان المناسب له . ياليت كان بديل ناصر هو يوسف السالم واعطاءه الفرصة ، او دخوله معه بنفس المباراه كمهاجم ثاني ..

اللآعب انتهى وصعب صعب صعب جداً يرجع لمستواه .. اما جماهير ياسر فهم يطبلون على ماضيه ، ياسر لاعب كبير مااختلفنا لكن مستواه ليس على حساب الهلال حالياً ..

كاستيلو ..

هذا اللاعب تفائلت فيه كثير وقلت يارب يطلع بمستوى قريب من رادوي ( ماقلت بنفس مستوى رادوي ) لكن من أول مباراه واللآعب ما اظهر مستوى جيد وكان وصمة عار وطريق مفتوح لدفاع الهلال الضعيف ..
ومن بعد اول مباراة قمت بمتابعة الهجمات على الهلال واركز خصوصا على هذا اللاعب في التغطية والتمركز الصحيح ،، لكن لاحياة لمن تنادي ,

انا لاحظتها في اكثر من مباراة ومستعد اثبت هذا الكلام ،
لكن راح اجيب مقطع يثبت صحة كلامي من آخر مباراة امام الاتحاد

‫ملخص مبارة الاتحاد 2-2 الهلال تعليق عامر عبدالله HD‬‎ - YouTube

تابع من الدقيقة 1:12 في بداية الهجمة وركز على كاستيلو ..

المحور آهم خانة بالفريق ، ولو نلاحظ تميز رادوي وكريري وابراهيم غالب والجبرين وكثير من اللاعبين بالعالم بهذي الخانه لهم شهرة .

فايز السبيعي

اعتقد الكل يوآفقني انه حارس ما اظهر مستواه المعروف للآن في الهلال

هل التغطية الدفاعية هي السبب؟ او هناك مشاكل ثانية؟

شفنا ارتباكه امام الاتحاد كيف . وخروجه المتكرر في كثير من المباريات ,
الحارس بوجهة نظري ممتاز ، لكن هفواته راح تكلف الفريق الكثير

قدامنا منافسات قوية جداً والدوري على الجولات النارية ، اتمنى ان هاللاعب يركز تمام ولايستعجل بالخروج خصوصا بالكرات العرضية لاني مو شايف اي بديل بنفس مستواه بالهلال ..

كلمتي الاخيرة بخصوص جمآهير آهل الرياض ..

مع احترامي للجمآهير العزيزة على قلبي ، لكن وانا نتابع المباراة بالتلفزيون والله أحس بخمول بعض الاحيان ، فما بالك باللاعبين .

والله الجماهير ماتقصر وتحضر بكثرة لكن مافي هذاك التفاعل والاهازيج الي تحمس اللاعبين ، على كثرتهم ماشوف انه في فائدة غير الصياح على الكباري وياهلال .....؟

أتمنى ان نوقف مع الهلال في الفترة القادمة ونسانده في كل الاحوال والنقد يا اخوان يختلف عن اظهار العيوب .

اتمنى انكم تاخذون بكلامي من قلب مشجع هلالي عآيش بوسط جماهير اتحادية واهلاوية يكرهون الهلال

هذا ما عندي فإن أحسنت فمن الله، وإن أسأت أو أخطأت فمن نفسي والشيطان

DBLOMASE · #2 11/01/2014, 11:05 PM

السلام عليكم

اولا
ترا الهلال مافقد الدوري بس تعادل مع الاتحاد
وسامي اعترف انه اخطاء ب الشوط الاول

ثانيا
فيه مواضيع اشوفها هذا يسب لاعب
كل واحد يسب لاعب
ي حلوين انتم قدامكم 3 بطولات غير هذي
ادعمو لاعبينكم شجعوهم
انتقاد
مو اكرش لاعب وخل لاعب
واذا على كاستيلو
لو نفرط فيه
من بتحصل مافي ا نادي يفرط بلاعب مبدع عنده ف هالوقت
خلونا على كاستيلو لايجينا مثل جستافو

ثالثا والاهم
المباراة الجاية ف الدرة
نبيها فل
نبي تشجيع مو اذا جاء هدف فينا كلن يسكت
نبي بركان
الكل يحضر يوم خميس ماحد عنده عذر
تطلع من الدوام تنام لين المغرب و على الدرة

#نبيها_فل_يالزعيم

ثائرالهميجان · #3 12/01/2014, 12:50 AM

ياخي حاولت اتقبل وجهة نظرك لكن ما قدرت السبيعي الجميع شاهد مستواه امام الاتحاد انقذ كرات خطره وصعبه على أي حارس هذا أولا
ثانيا ان تلعب كل يوم بمدافع والظهير الأيمن يلعب بقدمه اليسرى ويحاول والمحور قلب دفاع والظهير قلب دفاع وكريري لعب مباراه واحده مع الفريق وتطالب بمستوى جيد.
اذا لعب الفريق كم مباراه بتشكيله ثابته وكل لاعب بمركزه عندها نستطيع انتقاد مستوى اللاعبين
اما ياسر فمستواه جيد وهو يلعب كبديل يعني ليس اللاعب الأساسي وأيضا راجع من أصابه ولم يلعب مباراه كامله الى الان
مشكلة الفريق عدم اعتراف مسيريه بمراكز اللاعبين الشهراني تم القضى على مستواه باللعب باليمين وهو ظهير ووسط ايسر . الفرج (ضاع) بمسمى جوكر وهو لاعب وسط ايسر مميز . عزوز مهاجم ثاني تم اضعافه باللعب بالوسط ومساندة الاظهره . يعني ثلاثه لاعبين توظيفهم غلط 30% من الفريق يلعبون في غير أماكنهم
أتمنى التعاقد مع ظهير ايمن يحل عقدة هذا المركز وبعدها تضبط الأمور
وشكرا