مساكم الله بالخير أيها الزعماء في الحقيقة أنا مقصر في المشاركة في المنتدى بسبب ظروفي العملية والدراسية بالجامعة ولأكن إخواني الزعماء فيهم الخير والبركة ..
أبداء في موضوعي اللي يخص المحترف كاستيلو مستواه عادي جدا وخلاص وقعنا مع سعود كريري مشكلة المحور محلوله وكان ممكن نتعاقد مع لاعب اجنبي برازيلي في الهجوم او صانع لعب برازيلي وممكن استشارة النجم نيفيز اذ كان يعرف لاعبين من البرازيل مميزين ويكون بدل كاستيلوا لان فيه مباريات قوية في الأيام القادمة في آسيا وكاس الملك وولي العهد وتحتاج لاعبيين من طراز فيكتور سيموس في ظل انخفاض مستوى بعض اللعيبه وبإذن الله نحقق بطولات والله يوفق الهلال بقيادة الاسطوره سامي
أخيرا : شكرا لسامي على الصفقات الناجحة لاحضارة ناصر الشمراني وكريري والكوري كواك واللاعب البرازيلي الجديد ولو تكتمل صفقة حسن معاذ ياسلام أحلى وأحلى كذا ..
ومبروك لسامي التقدم في مركز ترتيب المدربين على مستوى العالم والقادم أجمل بإذن الله ونلتقي على المجد والبطولات واعتذر من الجميع ارجوا ان تتقبلوا وجهة نظري تحياتي لكم !!!!

لانعلم مافائده صفقه كريري بوجود كاستيلوا ( نقطه ضعف بالفريق )
الهلال اذا يبي بطولات واسيا لابد من قلوب دفاع اقويا وهجوم كاسح هدافين
الدليل تحقيق الاتحاد للبطولات وماحققه السد القطري
دفاعهم وهجوم قوي
كاستيلوا ضايع بالفريق لايوجد عنده قطع كور ولأ توصيل صح للكور
ضايع باالملعب
خانه المحور ليست اشكاليه بوجود كريري وكم نجم منتطرين الفرصه
حتى سلطان الدعيع يلعب بخانه المحور
من الظلم 3 خانت اجانب لقلوب دفاع ومحور!!!
وهجوميا تعتمد على نيغيز والشمراني!!
لو قدر الله اصيب احدهم فالفريق سيواجه مشاكل بالمقدمه.
حتى القحطاني مستواه نازل وبقوه

فعلا كلامكم صحيح وفيه لاعبيين في المحور الغنام ممكن يرجع وعبدالله عطيف والفرج يقدم مستوى جيد في المحور

الهلال بحاجة ماسة لأجنبي وسط يمين متحرك ، يفيد الفريق ويفك الخناق والضغط الكبير على نيفيز ....

أتمنى إستبدآله ب لآعب وسط أيمن برآزيلي ,

( كآستيلو ) أقسم بالله أنه نقطة ضعف ويقتل اللعب

( كريري ) أتمنى توآجد ( سلمآن الفرج ) بجوآره في المحور

شفنآ الفرق الوآضح لمآ دخل ( سلمآن الفرج ) واللعب السريع بعد دخوله وكرآت متنآقله بشكل جميل ,

والله يكتب لنآ مآفيه الخير

المشكله مافيش فلوس كما يقول الرئيس أتمنى معك ايلانو بديلا لكاستيلو يصير صواريخ يمين ويسار واي فاول هدف لكن ما أتوقع
محليا نحتاج ظهير ايمن ومدرب حراس وتصعيد ومشاركة البريك كعبي عبدالكريم الفضل الواكد
الغنام والقرني والبيشي يعارون بدلا من قتلهم بالاحتياط وعدم لعبهم
شكرا

يلعن ام الذكاء الخارق.... طيب لو انصاب كريري؟ او جاله ايقاف؟؟ وش بتسوي اذا مشيت الاكوادوري؟ بترجع للغنام والقرني؟
إذا بيستبدلون كاستيلو لابد من احضار من هو احسن منه في نفس المركز

كاستيلو بإختصار نقطه ضعف في وسط الهلال ،،،،،،،،،،،،

الهلال بحاجة ماسة لأجنبي وسط يمين متحرك ، يفيد الفريق ويفك الخناق والضغط الكبير على نيفيز ....

إقتباس الرسالة الأصلية كتبت بواسطة عاطف السناني أتمنى إستبدآله ب لآعب وسط أيمن برآزيلي , ( كآستيلو ) أقسم بالله أنه نقطة ضعف ويقتل اللعب ( كريري ) أتمنى توآجد ( سلمآن الفرج ) بجوآره في المحور شفنآ الفرق الوآضح لمآ دخل ( سلمآن الفرج ) واللعب السريع بعد دخوله وكرآت متنآقله بشكل جميل , والله يكتب لنآ مآفيه الخير

نعم كاستيلوا زيادة عدد فقط
مطلوب مهاجم هداف لو سمح الله ويصيب ناصر الشمراني
من راح يكون ياسر اللي كل يوم اصابة او يوسف السالم ؟؟؟
الهلال مقبل على عدة مسابقات الدوري واسيا وكاس ولي العهد وكاس الملك

الحمد لله ان اللاعب مايعرف عربي
دخلت اكثر المواضيع كلها تتكلم عن كاستيلو
ياجماعة خفوا علينا يالمحللين حسستوني انكم محللين
وعارفين كل شئ في الفريق لا وصرتوا تخططون للفريق
انا احترم وجهت نظركم بس مو لهالدرجة
ياجماعة افهموا الفريق يحتاج دعمكم وبس
املاؤا المدرجات بعدين تعالوا حللوا وغيروا وطالبوا
بعدين المدرب يشوف ان وجود كاستيلو مهم ومفيد للفريق

لا تكونون افضل من سامي في التدريب
هذا النصر صبر على فريقه مع المدري كارينيو وشف وش سوى

اتركوا الفريق بقيادة الكوتش
وبتشوفون فريق لايقهر
فقط ساندوا نبغى فعل مو كلام

ولكم تحياتي

ليش المهاجم وانت عندك 3 مهاجمين نخب اول في السعودية
وبعدين فريقك اقوى هجوم بالدوري واثنين هدافين الدوري
واذا تبغى وسط يمين راحت على سالم
كاستيلو مستواه لا بأس ويبغالك ظهير ايمن بس
وبالنهاية يكفي فلسفة وضغوط على اللاعبين
شيلوا الضغط عنهم حتى يعطوا كل ماعندهم بالملعب

اتوقع انك لم تصب برأيك الذي جانب الصواب كثيراً وانت تطالب بمهاجم

الهلال لا ينقصه مهاجم بوجود الرائع الشمراني الذي ارى انه تطور كثيراً منذ قدومه للزعيم خصوصاً في امر الانانية الذي كان عيب ناصر الوحيد بالضافة لياسر و السالم


ارى من وجهة نظري وجود لاعب طرف اجنبي سوف يدعم الهلال بطريقة افضل من جلب مهاجم ، ليقوم بفك الحصار الدائم عن القوة الضاربه بصفوف الهلال تياقو نيفيز ، لإيجاد حلول كثيرة للفريق