فضيحة ... لو انت مكان سمو الامير اللي انفضح كيف راح تصرفهـا ؟؟
كــلـكم تعرفون اسير الشوق الشاعـر .. يقولون شاعر ومدري هو يكتب شعر ولا يساعدونه بعض الشعار 
..
المهم هذي فضـيحه في قصيده كتبها في مجلة فواصل آخر عدد ..
اسمعوا وشي القصيده .. وعنوان القصيده (( آمـري )) ..
صاحبك غير الملا والناس فنّة
-------- الهوى في ناظره نار وجنّة
وأنتي أجمل من تولع في هواها
-------- وغيرك من الحور...لا..ماولعنه
أمرؤ القيس اعذريه بحب ليلى
-------- واعذريني لو أحبك زود عنه
سامريني...نوري دنياي...ضوي
-------- والله أني لاطربك ونة بونة
غردي ..طيري...بجنحاني وجوي
-------- واسألي عن عاشقك عن طول حزنه
القمر كم زار وياه الليالي
-------- والنجوم الساهره كم ساهرنه
آمري ولاغيرك اللي بس يآمر
-------- ومن تعلق في رموشك يآمرنه
آمري ياحلوتي والآمر بيدك
-------- آمري ولابين هالقلبين منه
ولايخيب الظن في عبدك وسيدك
-------- يامناه وغايته وياحسن ظنه
----- تـــمــــت -----
طيب وين الفـــضــــيحة ؟
الفضيحة هنا...
وهي في هالبيت...
أمرؤ القيس اعذريه بحب ليلى
-------- واعذريني لو أحبك زود عنه أمرؤ القيس ماله علاقه نهائيا بليلى !! انا قريت هالقصيدة في العدد الأخير في فواصل وانصدمت بصراحة !
في نواف وفي مجلة فواصل !
يعني بس علشانه أمير مايقدرون يقولون له شي ؟
على فكرة أمرؤ القيس اشتهر بحب بنت من ابناء عمومته وهي عنيزة الكندية ...ويذكرها في اشعاره باسم فاطمه
مثل يوم انه يقول في معلقته الشهيرة :
أفاطم مهلا بعض هذا التدلل ...وان كنت قد ازعت هجري فأجملي
أغرك مني أن حبك قاتلي ...وأنك مهما تأمري القلب يفعلِ
وقيس ابن الملـــوح هو اللي اشتهر بحب ليلى العامرية ...!!!!
وش رأيكم هل اتـضحت اللعبه ام يوجد شيء خلف الكواليس 
؟
بس زي عنوان الموضوع وش بتــسوي وش بتصرفها ؟
* من الاي ميل وبتصريف مني 
<== واحد قاعد يصرف له
الوضع العادي
