صباح / مساء الخير على الامة الهلالية

في مواضيع تقرأها بالمنتدى وردود من البعض تسد النفس صراحة
واحنا اللي قاعدين نضغط على الجهاز الفني واللاعبين قبل غيرنا
اتركوا سامي يشتغل وبلاش فلسفة
ناس يقولولك الهﻻل محتاج مهاجم قناص ومن هالكلام .. طيب شوف فريقك كم هدف مسجل هالسنة ومين هداف الدوري وخلي الكلام عندك
وﻻ يطلعوا ناس طيروا كاستيلو وﻻعب فاشل من جميع النواحي .. انت افهم من الجهاز الفني؟؟ وﻻ خلاص غلط غلطة اللاعب نقص راسه؟
وﻻ ناس يجوا يتكلموا على الحراسة .. طيب طالبتوا بازاحة السديري ومشاركة السبيعي وصار الكلام والسبيعي للان شغال صح وكل الفرق يتسجل فيها اهداف ايش الغلط؟وﻻ بس موضوع ينطرح عشان نضغط فيه على اللاعبين ويأثر على مستواهم؟؟
خلاااااص المحترفين اكتملوا وهذا شكل الفريق
اوقفوا مع الفريق بلا انتقادات اذا غلط ﻻعب نشجعه حتى يحسن خطؤه مو نحاربه وكأنه ارتكب جريمة
خلونا نساند الكتيبة الزرقاء بلا انتقادات واقتراحات وفلسفة ورح نشوف النتيجة اللي ترضي الجمهور قبل ما ترضي الادارة
اللاعبين فيهم الخير واليوم الزوري صاحب الانتقادات ظهر بمستوى رائع
ليش ما نشجعه عالاستمرار على هالمستوى ونشجع بقية اللاعبين كذلك
لا يأثر عليكم الاعلام وتمشوا وراهم
احنا جمهور للهلال نوقف معه عالحلوة والمرة وماعلينا من اللي ورانا

اخيرا ما اقصد احد بكلامي والكلام لنا جميعا واعتذر عن الاطالة
بالتوفيييييق للزعيم اللي اسعدنا كثييييير وان شاء الله يسعدنا ببطولات وبطولات بإذن الله

أخي الفاضل: كواخي ...

كلامك عين الصواب .. ولابد الجميع يفرق بين النقد الهادف والهادم ..

البعض محب ومجنون في الهلال لكن ينتقد في حالة غضب فيكون غير منصف .. ويأجج عواطف جمهور ..

الأمور الفنيه مفروض تترك للكوتش سامي ..

البعض تلقاه حتى منزل التشكيله اللي مفروض يلعب فيها سامي : ) , وجيب فلان وشيل فلان ..

عودونا قيادات الهلال أنه مرحب بالنقد الهادف دائماً لكن بإنصاف ...


بالتوفيق للهلال ...

احسنت هالكلام عين العقل اتمنى من البعض انه قبل ينتقد يسال هل انتقاده صحيح ومفيد ام مجرد انتقاد

أوافقكـ ع فكرهـ الموضوع لكن بنفس الوقت من حق الجمهور يقول رأيهـ من غير

تجريح أو إساءهـ لأحد ،، ولا ننسى إن الجهاز الفني والإدارهـ بعد بشر ممكن
تغلط فـ الجمهور يوم يقول رأيهـ قد يساهم بـ تصحيح هالأخطاء !!

وأخالف الرأي بـ هالجزئيهـ :

إقتباس الرسالة الأصلية كتبت بواسطة كواخي فيا اوقفوا مع الفريق بلا انتقادات اذا غلط ﻻعب نشجعه حتى يحسن خطؤه مو نحاربه وكأنه ارتكب جريمة

اللاعب يوم يغلط مطلوب نعاتبهـ وننتقدهـ نقد بناء وليس هدام !!

لان لو ما عاتبناهـ وعلمناهـ أنهـ غلط ،، كيف رح يتعلم من أخطائهـ ؟!

وكيف أصلا بيعرف إنهـ غلط ؟! الواحد ما يشوف أخطائهـ بل الآخريين هم من

يراها فـ عشان كذا أنا مع النقد البناي ع أي لاعب أخطاء بالمباراهـ ~

وضد النقد اللي فيهـ تجريح وسب للاعب !! لان مهمها حصل هذي كرهـ قدم


لعبهـ جماعيهـ ولابد من وجود أخطاء فيها !!

اللهـ يوووفقهم ويتابعون سلسلهـ الإنتصارات ،، عوافي ع الطرح ~

صح الكلام بس والله ماينلامون الهلال هو حياتهم

إقتباس الرسالة الأصلية كتبت بواسطة سعودية كوووول اللاعب يوم يغلط مطلوب نعاتبهـ وننتقدهـ نقد بناء وليس هدام !! لان لو ما عاتبناهـ وعلمناهـ أنهـ غلط ،، كيف رح يتعلم من أخطائهـ ؟! وكيف أصلا بيعرف إنهـ غلط ؟! الواحد ما يشوف أخطائهـ بل الآخريين هم من يراها فـ عشان كذا أنا مع النقد البناي ع أي لاعب أخطاء بالمباراهـ ~ وضد النقد اللي فيهـ تجريح وسب للاعب !ح ~

المشكلة في البعض بيحارب مو بينتقد وهالعينات اخطر من الاعلام ومن المشجعين للفرق الاخرى على الهلال
والجهاز الفني اكيد بيوضح الاخطاء اللي يرتكبوها اللاعبين

إقتباس الرسالة الأصلية كتبت بواسطة Katmy صح الكلام بس والله ماينلامون الهلال هو حياتهم

لان الهلال هو حياتهم لازم يوقفوا معه بدون تجريح باللاعبين وفلسفة

الحمممممممممممدلله على كل حال
ويااااااارب الهلال يبقى بقوته الهجومه والدفاعيه علطول
ويارب يستمررر الى اسياء ولا تصيرررررررررر النكسه