انه الحقيقه ، جهد للاداره وللجهاز الفني بترميم الدفاع والمحور
ويشكرون عليه .. ولكن لدى الهلال مشكلتان الان او بالمستقبل القريب
الهجوم . ناصر عشره على عشره .. وياسر منخفض مستواه بشكل
غير طبيعي .. وكثيره اصاباته هالموسمين الاخيرين .. شفاه الله
والسالم ، اثبت انه ليس له مكان بالهلال وليس هو المهاجم الطموح
فعلى الاداره سرعه التعاقد بمهاجم محلي .. لضروره المرحله المقبله
والحقيقه ان مافيه مهاجم محلي قد الطموح هالسنتين الاخيره
فياليت الاداره تسترجع فهد الجهني من الرائد او تصعد مهاجم
من الفئات السنيه ..

من جرف لدحديره ...احترم وجهة نظرك الغير مقنعه

جد مصختوها بمواضيعكم عن الهجوم هاليومين ..! ~
يعني تركتوا كل المراكز وجيتو للهجومم !!!!!
حدث العاقل بما يعقل حبيبي ..!
عندك اقوى هجوم في الدوري حسب الاحصائيات اترك كلامي ! . .
هجووم نار نار .. ياسر الشمراني من افضل المهاجمين ان لم يكونوا الافضل ..!
كثير من الميزات فيهم ليست موجوده في الاخرين ! ..
ع طاري كلامك عن ياسر اثبتت انك جاهل (احصآئيآ) واسمح لي !
اخر موسمين تقولي اجل ! كيف الحال ؟؟
ناصر مو قد الطموح !! اوك ان شاء الله ننسق مع ميسي هاليومين ونرد لك خبر !!
مدام ودك تتفلسف تفلسف مثل العالم وتكلم عن صانع لعب بجانب نيفيز ..!
اما تجيب العيد مره وحده ..!
احترم وجهة نظرك بس كلام غير منطقي ..
ودي لك !
بروفوسير الزعيم!

والله ماعندك سالفه ياسر اهم لاعب في االهلال مع نيفيز هو من يفتح ثغرات بالهجوم وافضل لاعب في الدوري يتحرك من دون كره لكن لياقته لم تكتمل للان

تظلون تحاربون ياسر كل عام ويثبت دائما في الاخير انه الافضل منذ ايام الصويلح ثم احمد علي ثم المحياني ثم ويسلي وفي الاخير يكونوا خلف ابو عزوز ....كل هذا لانه افضل مهاجم في تاريخ اسيا (الناس التي تعرف الكره تعرف من هو ياسر والمشجعين اللي مع العجه مباراه مع اللاعب واخرى يكونوا ضده)

كل هذا هو كلام صالح الحمادي وشلته وانتم مع الخيل ياشقراء ترددون كلام بعض الاعلامين وكل يوم تفتحون لنا جبه في مركز مره الدفاع ومره الحارسه و و و.... الهلال يحتاج جماهير واعيه مدركه لكل مايدار حول الهلال من لوبيات خبيثه وترك الاداره والمدرب يعملون في جو صحي ونقي هذا كل مايحتاجه الهلال

احترم وجهة نظرك

لكن ماني معك فيها صراحه , الهجوم تمااام ولله الحمد والدفاع انحلت المشكله

لكن بعض الإعلاميين يحبون تكسير المجاديف فياليت ما تتكلم الا وانت تدري وش تقول !!!!

الهجوم جيد الى الان وفيه ياسر وناصر وعزوز والسالم ونفيز وهناك مركز الظهير الأيمن لا يوجد فيه أي لاعب سوى البيشي وهو بالاصل محور وقلب دفاع ومع كل هذا لا يفيد بدليل عدم لعبه ونقل الشهراني لمركزه أتمنى حل هذه المشكله بالتعاقد مع عبدالرحمن الحسن الطائي وتصعيد البريك ومنحه الفرصه باللعب ثم منح كعبي فرصة اللعب بالوسط الأيمن او التعاقد مع درويش الرائد او زقعان الاتفاق ثم التعاقد مع نايف هزازي القادسيه للمحور او تصعيد الفضل والنجعي والفرحان وفلاته وبعدها يكون دور تقوية الهجوم والأفضل الجهيم الطائي وصالح العمري القادسيه ولدينا في درجة الشباب مجاهد المنيع وعبدالعزيز الجمعان وعبدالمجيد السواط وعبدالعزيز هزازي نجوم المستقبل لكن الأولمبي الجهني وحمدان لايفيدون الهلال في أي مركز ربما ينفع الجهني بتجربته في الظهير او قلب دفاع لانه يملك بنيه جسمانيه جيده . وشكرا

كيف ياسر منخفض مستواه ؟
عندك خبر أن ياسر الموسم الماضي سجل في الدوري 13 هدف وهذا أفضل رقم لياسر في الدوري حتى موسم 2007-2008 وكان ياسر في أفضل مستوياته لم يسجل هذا الرقم .

سجل ياسر الموسم الماضي في جميع البطولات 16 هدف بالرغم أنه كان أحتياطي للكوري أو ويسلي في بعض المباريات وبعضها لم

يلعب وياسر عنده إمكانية صنع أهداف مباراة العروبه هدف ناصر الأول كان تمهيد من ياسر وأيضاً هدف نيفيز أمام النهضة وإذا

تابعت ياسر في العين كان تأكدت من أهمية وجود ياسر في الملعب حتى لو ما أحرز أهداف صنع تقريباً أكثر من 8 أهداف .
ناصر هداف الدوري 4 مرات وهذا كافي للتعريف عن قدراته التهديفية.

حاجة أخيره ياسر سجل في الشباب الأهلي الأتحاد الموسم الماضي ذكرت هذا الشيئ بسبب في أشخاص تردد ياسر لا يسجل إلا في الفرق الصغيره وأعتقد ياسر سواء سجل في الفرق الصغيره أو ما سجل سوف ينتقد كيف؟ إذا لم يسجل سيقال حتى الفرق الصغيره لا يستطيع التسجيل فيها وأن سجل سيقال لا يسجل إلا على الفرق الصغيره !!

المطلوب صانع لعب أيمن برازيلي يساند نيفيز بعدها أقولكم مبروك الدوري وأسيا أن شاء الله

كلامة سليم

لازم نجيب مهاجم رابع

لان ياسر هذا الموسم اصاباتة كثيره (ياسر بطل مو قصدي اقلل من قوته )

كل الردود فهمت اني انتقد ياسر !
يازعماء ياسر اسم كبير بس حركته واستلامه للكوره
مو مثل قبل .. حساسيته للكره شبه معدومه
باذن الله يكون كلامكم سليم وانا غلط واتمنى هالشي

إقتباس الرسالة الأصلية كتبت بواسطة بروفوسير الزعيم جد مصختوها بمواضيعكم عن الهجوم هاليومين ..! ~ يعني تركتوا كل المراكز وجيتو للهجومم !!!!! حدث العاقل بما يعقل حبيبي ..! عندك اقوى هجوم في الدوري حسب الاحصائيات اترك كلامي ! . . هجووم نار نار .. ياسر الشمراني من افضل المهاجمين ان لم يكونوا الافضل ..! كثير من الميزات فيهم ليست موجوده في الاخرين ! .. ع طاري كلامك عن ياسر اثبتت انك جاهل (احصآئيآ) واسمح لي ! اخر موسمين تقولي اجل ! كيف الحال ؟؟ ناصر مو قد الطموح !! اوك ان شاء الله ننسق مع ميسي هاليومين ونرد لك خبر !! مدام ودك تتفلسف تفلسف مثل العالم وتكلم عن صانع لعب بجانب نيفيز ..! اما تجيب العيد مره وحده ..! احترم وجهة نظرك بس كلام غير منطقي .. ودي لك ! بروفوسير الزعيم!

لا ياسر ولا ناصر بيجلس 3 سنوات
كل واحد حده سنتين وينتهي

كلهم بالثلاثين
نبي مهاجم صغير ويعطيك قدام من 5 الى 8 سنوات