ماهو التصرف الصحيح بنظركم ..؟! - نادي الهلال السعودي - شبكة الزعيم

هـلالـي أصـيـل · #1 31/05/2003, 09:23 AM

السلام عليكم ورحمة الله وبركاته ..

ودي انكم تشاركوني بإيجاد الحل او التصرف السليم في بعض المواقف..

اللي ممكن تمر علينا كأعضاء في منتديات ماتجمعنا الا الكلمه ..

1 : اذا حصل بينك انت واحد الاعضاء مشاده كلاميه في احد المواضيع وصلت لحد التجريح ..

* فهل ياترى هالشي بيترك اثر في نفسك من ناحيته ..

وعلى اثرها بتجننب الرد في المواضيع اللي يطرحها حتى اذا كانت ممتازه وودك انك تشارك فيها ..؟

ولو فرضنا رد عليك هو في احد مواضيعك ..

* فكيف بيكون ردك عليه .. عادي ولا كأن شي حصل بينكم ..؟

* ولا بطريقه جافه .. وممكن تقوله انت وش جابك هنا ..؟

* ولا وش بيكون تصرفك ..؟

2 : اذا فيه احد الاعضاء مواضيعه تعجبك وتحرص دايم انك ترد عليه ..

ولكن لاحظت احياناً يوم يجي يرد على اللي رادين عليه يتجاهلك انت بالذات ..

او يرد على اللي قبلك واللي بعدك وبعدين يقول :

اعتذر لفلان سقط اسمه سهواً ..!

* فهل ياترى راح تستمر ترد عليه ولا تهتم لهاالشي ..؟

* او انك تحذف ردودك اللي تجاهلك فيها ..؟

* ولا تقاطع مواضيعه مهما كانت رائعه ولاترد عليه ابداً ..؟

* ولا وش تقترحون يكون الحل ..؟

3 : اذا لاحظت ان فيه بعض الاعضاء يطرحون مواضيع انت تعرف ومتأكد انها منقوله ..

ولكن صاحبها ماوضح هالشي ..

* ترد عليه عادي وكانك مو عارف ان الموضوع منقول ..؟

* تتجنب الرد عليه حتى لو كان الموضوع قيم ومفيد ..؟

* تلمح بأسلوب لبق ان هالموضوع مارٍ عليك قبل كذا ..؟

انتظر الرد منكم ..

ولكم جميعا التحيه ..

الموضوع (( طبعا )) منقووووووووووووووووووووووول