السلام عليكم ..

انا ابختصر الكلام .. ( ابكتب على عجالة ) ..

**_ ثلاث مدافعين اجانب حرااام عليكم نبي لاعب صانع لعب يمين بجنب نيفيز ..
لعدة اسباب :

- نيفيز هو صانع اللعب الحقيقي في الهلال وعنده حاسه تهديفية ممتازه ..
- شفنا مباريات الهلال بدون نيفيز في ثقل عجيب في الهلال تحس ان الهلال يلعب بشكل بارد ..

- الفرق الان تحاول تشد المراقبة على نيفيز واكبر دلييل مباراة النصر نيفيز ماقدر يحرر نفسه او ع الاقل كان يخرج بعنق الزجاجة من الرقابة اللي عليه ..

- بحضوور صانع لعب يمين يجيد الفاولات والتسديدات راح تتسهل عملية للوصول للمرمى بسهولة لان الخصم بيرتبك مايدري يراقب هذا والا هذا ..

- سلطان الدعيع بدع في الدفاع ماشاء الله ماراح نحتاج مدافع ونتعاقد مع مدافع محلي يكون احتياط للدعيع وحارس مميز وتنحل المشكلة بإذن الله ..

- باختصار خير وسيلة للدفاع هي الهجوم .. ياناااااس الدفاع محتاج شوية تنظيم لا اقل ولا اقل واكبر دليل شف جدول الترتيب افضل ثالث دفاع هو الهلال بعد النصر والعروبة بفرق 7 اهداف عن النصر على مااظن ..

- ايام كوزمين كان الدفاع تقريبا نفس الان بوجود محمد نامي و تفاريس والزوري والمرشدي ومع ذلك اخذنا الدوري بولوج 7 اهداف في مرمانا !!! اذا الخلل في التنظيم والتكتيك الدفاعي .. من متى نشوف المدافعين يرجعون الكورة للحارس !!! من متى نشوف الحارس يطلع كثييير !!!

- الدنيا ماوقفت على حسن معاذ عندك لاعبين اظهرة الاتفاق وعندك ظهير الطائي (طبعا ماشفته لكن كل يمدحه ) اللي ابي اوصله ان الاظهره ماوقفت على لاعبين الشباب ..


إذن نحتاج (( حارس + مدافع احتياط + ظهير ايمن محلي + رحيل كاستيلو بسبب كأس العالم والمستويات العادية اللي يقدمها وحضور كريري يسد خانته واحضار صانع لعب يمين . ))

دعواتكم لي

الهلال هجوميا ممتاز و الوسط قوي بوجود نيفيز وعزوز وسالم ونواف والفرج والشلهوب المشكلة في الدفاع

والدعيع لاعب جيد بس تنقصة الخبرة وخاصة في التغطية العكسية.

الهلال بحاجة ماسة لقلب دفاع اجنبي ثاني ويكون عال العال والدعيع يكون بديل اول.

شكله ثلاث أجانب في الدفاع ،، الله يعيين بس ، وكل اللي ملاحظ هذ ا الشي بدون نفيز يضيع الفريق مثل مباراة الشعلة بدونه تعادلنا ، والعروبة ما أدري كيف فزنا ،، الدفاع الحين مضبوط ،، الخلل في حراسة المرمى ،، أنت ماذكرت المجموعة اللي مع تفاريس من الحارس وقتها ؟؟؟ الحارس نصف الفريق مستحيل الدفاع ماتجي عليها أخطاء لو هجونا قوي بيتقل أخطاء المدافعين وياليت الأجنبي في الوسط او الهجوم .

الحمد لله على كل حال. تمنيت لاعب من طراز عالمي صانع لعب او مهاجم.

بصراحه كلنا شفنا مباراة الهلال والاتفاق

الشوط الأول كان بطئ ونيفيز يرجع يساعد الدفاع

الشوط الثاني بعد التغيرات تسجلت 3 اهداف ونيفيز كان متقدما

والعرضيات خاصة من حهة نواف والمفرج شكلت خطوط امداد رهيبة

اذن هناك رؤية لا نعرفها

تبي نلعب بدفاعنا هذا اجل مو مسألة اعلام أثر ولا من هالكلام

انا مع سامي باحضار اجنبي مدافع بعد

اجل بكرا باسيا تبي اعتمد على واحد تجيه ام الركب وينكبنا مثل هوساوس بنصف النهائي

خير وسيله للدفاع هي الدفاع وهذا مارشيلو ليبي اخر من حقق الاسيويه وهو فكره دافع ثم دافع وشفه جاب كاس العالم واللحين مع الفريق الصيني جايب اسيا

ثاني شي هجومنا ماعليه كلام ماشاء الله نسبة تهديف عاليه بنيفيز ولا ناصر ولاعبين الوسط

ياحبكم للانتقاد،،

خلاص الأمور انتهت وبيجي مدافع اجنبي اخر مع كواك والدعيع احتياط لهم،،

ليش المواضيع هذي،،خلونا ندعم الفريق وبلاشي مواضيع مالها داعي،،،
الفريق يحتاج لوقفة جمهوره بهذا الوقت تحديداااا،،
لازم دفاع قوي عندنا مشاركة آسيوية تتطلب مدافعين لهم خبره وحارس يقض،،،
الدعيع ممتاز ولكن يحتاج لخبره وان شاء الله بعد موسمين سيصبح المدافع الاول سعوديا،،،

انا زيكم والله كنت أبغى صانع لعب اجنبي يشيل الحمل عن نيفيز ولكن انتهى الموضوع
وسامي يبي يدعم الدفاع باجنبي خبير،،

ادعموا الفريق،،ادعموا الفريق،،ادعموا الفريق،،،
لا اتوطاكمممممممم،،،عصبت هههه

انا خلاص غسلت ايدي من الدوري يوم سمعت ان الهلال بيتعاقد مع مدافع
وعلى فكرة ترى المدافع مستواه متواضع جداً وفوق هذا مو سريع بيتعب مع مهاجمين الدوري السعودي
كواك يتفوق عليه من كل النواحي واي لاعب محلي يقدر يقدم نفس مستواه. بنفس الفريق اللي يلعب فيه
فيه اكثر من لاعب وسط مستواهم ممتاز. وصانع العاب الفريق اللي اسمه Nem كان يلعب اساسي معظم الوقت ونيفيز بديل له
اللاعب اطول من التون بشوي بس سريع مره والمهارات عنده خورافيه. واكثر شي يعجبني فيه
انه يقدر يحتفظ بالكورة اذا اضطر. ويلعب تقريباً بجميع مراكز الوسط


Wellington Nem
ارجوا كتم الموسيقى
http://www.youtube.com/watch?v=kLlcQZeDdO4
وهذا مقطع ثاني طويل ولاحظوا كيف مسوي ثنائي مع نيفيز
http://www.youtube.com/watch?v=S45b6lRUXZo

أنا مع أحضار لاعب أجنبي وسط لأعطاء الحلول الهجومية للهلال

صادق بكل كلمه واهم سبب ما كتبته اللي هو غياب سالم يسبب ازمه وكلنا شفنا مباراة الاتفاق وكيف كان تأثير سالم ع الهجوم

راح تندمون ان ماجاء بديل لسالم واذكركم لانه ماله بديل

حقيقه يجب ان تقال لو الدفاع كله اجانب ماراح يفيد لان الدفاع فاقد التنظيم من بداية الموسم زيد عليهم الترقيع بالاظهره والحراس المبدعين

بالتوفيق للملكي

يعطيك العافيه

إقتباس الرسالة الأصلية كتبت بواسطة ابو حور. الهلال هجوميا ممتاز و الوسط قوي بوجود نيفيز وعزوز وسالم ونواف والفرج والشلهوب المشكلة في الدفاع والدعيع لاعب جيد بس تنقصة الخبرة وخاصة في التغطية العكسية. الهلال بحاجة ماسة لقلب دفاع اجنبي ثاني ويكون عال العال والدعيع يكون بديل اول.

وين قوي بوجود هاللاعبين ؟؟؟؟؟؟؟
ما فيه الا نيفيز فقط واجتهادات سالم
خلونا واقعيين الفريق يحتاج مهاااااااااااااااااااااااااجم

والله ان كلامك سليم مليون بالميه وصدقوني لو نجيب اقوى المدافعين ماراح يفيد طالما ان التنظيم الدفاع سيئ والتمركز اسوأ

انا معك الهلال بحاجه للاعب اخر بديل لنيفيز في حالة غيابه

الهلال هجوميا ممتاز و الوسط قوي بوجود نيفيز وعزوز وسالم ونواف والفرج والشلهوب المشكلة في الدفاع

نبي فهد المولد ومصطفي بصاص عمرهم صغير وفنانين