.. سعـود كـريـري vs عبدالعزيـز الجبريـن .. والأقـرب لـ أرتداء شعار الملكـي - نادي الهلال السعودي - شبكة الزعيم

CAFU · #1 13/12/2013, 06:49 PM

بسم الله الرحمن الرحيــم ..
والصلاة والسلام على اشرف الانبيـاء والمرسليـن ..
نبينـا محمـد عليه افضل الصلاة والتسليـم
امــا بـعـــد ،،،

اسعـد الله اوقاتكـم جميعاً بالصحـه والعافيـه يارب ..
والله يـوفـق زعيمنـآآ الملكـي في كل مكـآن وزمـان .. والاهـم مباراة القادمـة امام الفتـح ..

.. فتـرة الانتقالات الشتويـــة ..

.. سـعـود كـريــري vs عبدالعـزيز الجبريـــن ..

لاعبيــن ( وســط ) بأدوار دفاعيـــة في خـط الوســط يقـدمون مستويـات مميـزه مع انديتهـم ..
واصبـح مطلب لجميـع الانـديـة وخاصـة ( الزعيـم الملكـي ) ..

احـتيــاج الــزعـيـم الملكــي لأي " من اللاعـب سـعـود كـريـري & عبدالعزيز الجبريـن

لا احـد يختلف في الوسـط الرياضـي وبالأخــص الجماهيـر الهلاليــه بـعـد مفاوضـات الملكــي مــع اللاعـب
عبدالعزيز الجبرين من نـاديـه احتمال تعثـر الصفقـه وصرف النظر عنـه والسبب ( مغالاة سـعــر اللاعب ) ..

وتحـويـل المفاوضات إلى الـلاعـب ( سعـود كريـري ) وهـو الاقــرب بسبب دخوله فتره الـ 6 أشهـر ..
وسعـره المناسـب من وجهـة نـظر الإدارة الهلاليــــــة ..

مـع كامل احترامـي .. راح تقـع الإدارة الهلاليـة في نفـس الخطأ الذي وقعت فيه بالمواسم السابـقـه بجلـب
سعـود كـريــري والسبب دفـع مبلغ كبيـر في لاعـب راح تكـون خدمـه ليست بالطويلـه ..

الــفـرق بـيـن سـعـود كـريـري & عبدالعـزيز الجبريــن ..
ومن هـو الأقـرب لـ أرتداء شعـار الزعيـم والاستـفـادة مـنـــه ..

سـعـود كـريـري .. Vs .. عبدالعزيز الجبريـن

سعـود كريري : عمـره ( 33 سنـة ) لاعـب مؤقت للهـلال لموسـم او موسميـن واتـوقـع ان وصـل لمرحـله التشبـع من كرة القـــــدم ..
الـجـبـريــــــن : عمـره ( 23 سنـة ) لاعـب راح يخـدم لمواسم مع الهلال وحماسي ويبحث عن نفسه بالهـلال ..

سعود كرير : احتمال عقـده يكون 8 مليـون وأكثـر رغـم تقدمـه بالعمـر وراح يخـدم الملكـي فتره قصيره والله أعلم.
الـجـبـريــن : عـقـدة من 12 إلى 15 مليـون ولكـن عمـره صغيـر جداً وخدمه بالملكـي راح تكـون اكثر من سعـود كريـري ولذلك عـامـل الســن ..

بمعنـى آخـر لا يـوجـد فـرق كبيــر بالمبلغ المدفـوع لسعـود كريـري اوعبدالعزيز الجبريــن وقادر الهلال على تأمين
الفـرق وجلـب .. عبدالعزيز الجبريــن ..

لا احـد يختلـف على مسـتوى سعـود كريـري ولاعـب مميـز وشايل فريقـه وقائـد المنتخـب واتمنى ان اراه بالزعيم
ولكـن عمـره لا يسمـح لـه بتقديـم الكثيـر للهـلال بالمواسـم القادمـه اما عبدالعزيز الجبرين قـادر على تقديم الكثير لسنوات .. انا افكـر بالجيل القادم للهلال وليـس لاعـب يكـون مركـز مؤقتـاً وخصوصاً بأن الهلال لا يملك لاعــب محــور مميــز بالفريق الأول الآن وحتى على الفئات السنيــه للأسـف نشاهدة بعد اعتزال كريري مثلاً

لمـاذا .. نادي النـصـر دخـل بالمفاوضات مع اللاعـب ولـم يتدخـل بصفقـه سعـود كريـري رغـم العلاقـه المميـزه
مع نادي الاتحـاد لدرجـه اعطاء الاتحاد ايت لاعـب للنصـر ببلاش ..

ولكـن اتجهـت انظارهـم للجبريـن .. لان يملك مستويات مميـزه وعمـره لا زال صغيـر وقادر على خدمـة اي فريق
لسنوات قادمـه والاهـم تدعيـم الفريـق بلاعبييــن صغــار ..

( اتمنــى بأن الهــلال يدخـل وبقـوة على اللاعب عبدالعزيز الجبريـن لانـه لاعـب مكسب لـ أي فريــق وخاصــة
بأن الهــلال يعانــي من مشكلــه المحــور منذو رحيـل " رادوي وخالد عزيز " ) ..

الــهـلال جـدد عــقـدة العابـد " بمبلغ كبيـر " ومستواه هابـط الآن .. وعـقـد سلمان الفـرج " بمبلغ ليس سهـل "
وهابـط مستـواه ..
تعـاقـد مع حارس الاتفاق بمبلغ وقدره " وليس بذاك الحارس المميـز "
تعاقـد مع اللاعب الاتفاق يوسف السالم " بمبلغ اعتقـد ان لم اخطأء 8 مليون واحتمال اكثر " وهو في دكه الاحتياط

بالسابـق .. الإدارة أخـطئــت بـعـدم التعاقـد مع " حسن معاذ " رغم الهلال بحاجتـه جداً في خانه الظهير الايمـن ..
والقائمـه تطـول بلاعبييــن مميــــزين لـم تجلبهـم الإدارة .. والسبب .. المثاليـه وسبب عذر مغالاه السـعــر ..

رغــم الانديـه الاخـرى تدفـع بوجـود مغالاة بالسعـر ولكن المثل يقـول ..
الغالي سعـره فيـه والدليــل الـ 35 مليـون لاعب الاتفـاق .. يحـي الشهـري ..

تحياتـي وتقديــري ..

الرياض14 · #2 13/12/2013, 06:54 PM

اللي يظهر
ان الهلال سيجدد الثقة في الموجودين

كالعادة

نواف نادي · #3 13/12/2013, 06:56 PM

كريري او الجبرين لابد التعاقد مع احدهمم..واتمنى الـ(كريري) لعامل الخبرة الطويلةة وتميز هالاعب ماشاءالله تباركـ الله....

تحياااااتي...

CAFU · #4 13/12/2013, 07:00 PM

إقتباس

الرسالة الأصلية كتبت بواسطة الرياض14


	اللي يظهر ان الهلال سيجدد الثقة في الموجودين كالعادة

الثقـه لابـد بأن تكـون موجـوده دائـم بالموجوديـن من قبل الإدارة والمدرب واعطائهـم الثقـه
والدعـم لتطويـر المستويـات ولكن لا يعنـي بأن الإدارة تستمـر بتجاهـل الاخطاء من البعـض..
والسكـوت عليـه .. الهلال عنـده مشكلـه بالظهير الايمـن لسنوات طويلـه .. والآن زادت المشكله
بالمحـــور ..

والله يكتب الخيـر للملكــي يارب .. ويوفقـه ..
عوافيـ لك اخـوي

ابووليد2002 · #5 13/12/2013, 07:00 PM

وش جاب لجاب

سعود كريري افضل مليون مرة
سعود الان يعاني في الاتحاد وهو سبب حصول الاتحاد على العديد
من البطولات ،قمة في المستوى والتغطية الدفاعية
مع الزعيم سيتقدم ويكون في افضل حالات
محتاجين لاعبين خبرة وليس تجربة
يكفي الدفاع ماعندهم خبرة
الجبرين له مستقبل بس تغطية ضعيفة وشاهدته اليوم
أمام الشعلة بطىء وسهل يرواغ

B1ue · #6 13/12/2013, 07:00 PM

صحيح ان كريري كبير بالسن
بس لا تنسى ان لاعبين الهلال كلهم صغار
ويحتاجون لواحد خبره يوجههم بالمناطق الخلفية

CAFU · #7 13/12/2013, 07:06 PM

إقتباس

الرسالة الأصلية كتبت بواسطة نواف نادي


	كريري او الجبرين لابد التعاقد مع احدهمم..واتمنى الـ(كريري) لعامل الخبرة الطويلةة وتميز هالاعب ماشاءالله تباركـ الله.... تحياااااتي...

حياك الله اخـوي نواف ..
فعلاً كلامـك صحيـح كلهـم مميـزيـن ولا احـد يختلـف عليهـم ..

صحيح سعـود كريـري .. لاعب خبرتـه طويله ماشاء الله ولا احـد يختلـف انه مميـز وقـدوه
ولكـن لاعـب كبيـر بالسـن ..
ووجهـة نظري بالموضوع بأن سعـود كريري خدمتـه مع الملكي كم راح تكـون موسم او موسمين مثلاً
اما الجبريـن راح يخـدم اكثـر من سعـود كريـري ..

وياليت تجلبهـم كلهــم .. يكـون افضل ..

تحياتي لك ع المـرور ..

خلف نت · #8 13/12/2013, 07:08 PM

والله يكتب الخيـر للملكــي يارب .. ويوفقـه

اسيرك يا ابها · #9 13/12/2013, 07:09 PM

بصراحة محتاجين الاثنين كريري خبره وثقه وله وزنه في المحور الدفاعي والجبرين لاعب محور هجومي مبدع يصنع يسجل يسدد وباين لاعب محافظ على نفسه . لو هالاثنين يجون اتمنى الاستغناء عن كاستلو وهرماش واحضار جناح ايسر لان نواف العابد بصراحه أنا اشوف انه بدأ ينتهي اذا ما راجع حساباته وانضبط .
عموما ادارتنا الحبيبه واضح انها تفاضل بين الاثنين يعني ما في امل يجونك كلهم . بالنسبه لدخول النصر على خط المفاوضات فهو ليس لحاجتهم للاعب بس مجرد تخريب على الهلال.

7AWY ALZAEEM · #10 13/12/2013, 07:14 PM

كريري دفاعي والجبرين هجومي ... اتوقع الهلال واضح يحتاج من فيهم

CAFU · #11 13/12/2013, 07:16 PM

إقتباس

الرسالة الأصلية كتبت بواسطة ابووليد2002


	وش جاب لجاب سعود كريري افضل مليون مرة سعود الان يعاني في الاتحاد وهو سبب حصول الاتحاد على العديد من البطولات ،قمة في المستوى والتغطية الدفاعية مع الزعيم سيتقدم ويكون في افضل حالات محتاجين لاعبين خبرة وليس تجربة يكفي الدفاع ماعندهم خبرة الجبرين له مستقبل بس تغطية ضعيفة وشاهدته اليوم أمام الشعلة بطىء وسهل يرواغ

ياهلال والله ابو وليــد .. وحياك الله ..
الفرق مـوجود اكيـد بحـكم عامل السـن والخبـره مع المنتخـب وناديـه .. ولا احد يختلف
وسعـود لا تنسى بأن يلعـب مع نادي كبيـر وساهم في تحقيق البطولات معهـم وليس سبب حصولهـم على العديد
وذلك لوجـود قائد مثل نـور بالسابق وحمزه والقائمه تطول ..
واكيـد راح يفيـد ويخـدم الـزعيـم بدعـم خبرتـه وتوجيـه لللاعبييــن..

والخبـره تأتـي مع المباريات والدفاع الهلالـي مشكلتـه بالتنظيـم فقـط وليس بالخبـره واغلب الفـرق خط دفاعاتها
اعمارهـم صغيـره ولا يملكون الخبـره وقادرين على حمايهـم مرماهـم ..
لو ضربنـا المثل بالخبـره .. شاهـد "حمد المنتشري" افضل لاعب باسيا ولديه مباريات كثيره مع المنتخـب ومـع
ذلك لـم يضيف ايت شـي مع ناديـه ..
اما مستوى الجبريـن مـع الشعلـه لا تحـكم من مباراة او ثلاث شاهدة الجبرين من الموسم الماضي حتى الآن يقدم
مستويات جيــده ..
وعوافي لك اخـــــــــــــوي

CAFU · #12 13/12/2013, 07:22 PM

إقتباس

الرسالة الأصلية كتبت بواسطة B1ue


	صحيح ان كريري كبير بالسن بس لا تنسى ان لاعبين الهلال كلهم صغار ويحتاجون لواحد خبره يوجههم بالمناطق الخلفية

ياهلا فيــك يالغالي ..
الخبـره موجـوده يالغالـي وليس مطلوب التوجيـه لخط الدفاع من قبل لاعب المحـور
التوجيـه تأتي من يشاهـد بالملعـب بالكامـل وهاذا تأتـي اما من قائـد الفريـــــــــــق
او المـدرب او حارس المـرمى لخـط الدافـع..

حرباشوف · #13 13/12/2013, 07:26 PM

مشكلة ادارتنا الموقرة انها تعلم علم اليقين بحاجة الفريق الماسة للاعبين بمركز المحور وقلبي الدفاع والظهير الايمن .. وتعلم ايضا ان الاخرين يعلمون مدى حاجتها لسد هذه الثغرات التي تتسع يوما بعد يوم ..

ومع ذلك تريد أن تشتري اللاعبين بالمبلغ التي تحدده هي وليس وفق ما تتطلبه الظروف الماسة !!

تقول اما أن تبيعونا بالسعر ( المعقول ) وفق منظورها أو سأنسحب من الصفقة !!

بالله يا إدارتنا تبين تنسحبين !! لا صراحة مالك حق قضيتي عليهم بهالانسحاب..!!

هذه الادارة تقاعست عن تطعيم الفريق بأفضل اللاعبين منذ اكثر من 3 سنوات بالرغم من حاجة الفريق الماسة للتطعيم خصوصا الدفاع .. والآن يظهر آثار هذا التقاعس ومع ذلك لا تريد أن تدفع الا وفق مزاجها !!

طيب يا ادارتنا خلي مزاجك يجيبلك بطولات !!!

عندما حقق الاتحاد كأس اسيا 2004 و 2005 كان يجلب اي لاعب يحتاجه الفريق مهما كان ثمنه .. وصنع فريق احتياطه افضل من أساسيه ودانت له آسيا صاغرة .. لكن هذه الادارة تريد آسيا والبطولات بالكلام والاستثمار ومقولة فوق طاقتنا !!!

CAFU · #14 13/12/2013, 07:27 PM

إقتباس

الرسالة الأصلية كتبت بواسطة اسيرك يا ابها


	بصراحة محتاجين الاثنين كريري خبره وثقه وله وزنه في المحور الدفاعي والجبرين لاعب محور هجومي مبدع يصنع يسجل يسدد وباين لاعب محافظ على نفسه . لو هالاثنين يجون اتمنى الاستغناء عن كاستلو وهرماش واحضار جناح ايسر لان نواف العابد بصراحه أنا اشوف انه بدأ ينتهي اذا ما راجع حساباته وانضبط . عموما ادارتنا الحبيبه واضح انها تفاضل بين الاثنين يعني ما في امل يجونك كلهم . بالنسبه لدخول النصر على خط المفاوضات فهو ليس لحاجتهم للاعب بس مجرد تخريب على الهلال.

اتمنـى بأن الإداره تـركـز على الاثنيـــن وجلبهـم ولكـن زي ماقلت مادام فيه مفاضلـه ما نقول الله يكتب الخيـر لفريقنا
وزي ماتفضلت اخـوي صحيح لكل واحـد مهـام من ناحيـه النـزعه الهجوميه او الدفاعيـه ..
ولكن مستويات الجبرين وعمـره ولياقتـه قادر بأن يكون ديـنمــو بـخـط الوسـط واعطائـه مهام فـقـط بالتغطيـه ..
اما دخول النصـر بمـجرد التخريـب .. ( انا لا اتفـق معـك ) .. لان لمعرفـه شخـص .. النصر يحتاج إلى لاعـب محـور
بـديــل " لـ إبراهـيم غالـب في حال عـدم مشاركتـه .. والدليـل مبارتهـم امام نجـران .. بكأس ولي العهـد ..
غاب .. ابراهيم غالب .. اهتـز خانـه المحـور لديهـم .. لذلك يريدون تعزيـز الخانـه بلاعب اخــر ..

عوافي لك اخــوي

عاشق النمر والذئب · #15 13/12/2013, 07:52 PM

شخصيا لو كنت مسؤول عن التعاقدات لاخترت كريري عفى الفور ونجاحه مضمون باذن الله بعكس اللاعب الصغير استثمار طويل المدى وما تدري ينجح ام لا

اغلب صفقات الهلال الناجحه مع النجوم ... ع سبيل المثال الدعيع - الشريده - ياسر القحطاني

اما صفقات مع لاعبين صغار ما تنجح واذكر العنزي لاعب هجر العنقري من نادي الرياض الياس من الوحده الخ الخ . الجبرين من هذه الفئه احتياط سنه ثم اعاره سنتين ثم مخالصه

اما كريري اساسي لمده ٣ سنين وينفع الفريق .