هناك حاجة تكررت في تسع مباريات للنصر من أصل اثني عشر مباراة وهي لابد أن يطرد لاعب من الفريق المنافس ..وفي أوقات حرجة وهذا ربما يفسر اصرار مرعي على طرد مدافع الشباب لإكمال هذا السيناريو لتهيئة الفريق المنافس للخسارة ولكن لأن الشباب لم يتضرر كثيراً فقد لجأ الحكم الى الخطة ( ب) وهي تسدح واحسب لك بلنتي ..وزادها بإحتساب الهدف الفضيحة ابو تسلل وتصليح باليد ..وربما يكون النصر أكثر فريق احتسبت له ضربات جزاء أو على الأقل من أكثر الفرق ..وهذا يفسر صدارتهم للدوري وطبعاً هم يدندنون على كم خطأ لم تحتسب لهم رغم أنه في نفس تلك المباريات كانت هناك أخطاء كوارثية للفرق المقابلة لهم مثل هدف نجران الفضيحة ...! وأرجو أن لايأتي واحد مدرعم ويقول هذا لايعنيينا فهذا يعنيينا وبقوة فهم سلبوا الصدارة منا بهذه الفضائح ..ولكن من عاش بالحيلة مات بالفقر فمابالكم إذا كان اسمه نادي الفقر ..!

مرسوم لهم هالسنه زي ما انرسم للفتح العام يوم شافوا الهلال الاقرب

وبامكان الزعيم خطف اللقب اذا سامي عاد بالفريق لمستوياته المعهوده وعدم تفريطه بالنقاط

يعطيك العافيه

مطبوخه

طرد لأحد لاعبي المنافس وأهداف باليد وتسللات غير محسوبه وضربات جزاء وايرلس

عد واغلط

وفي المحصله ( صداره مشبوهه وغير مستحقه )

!!!

اللي حاصل بالعربي الفصيح لا حول ولا قوه للحكم فيه فهم بشر لم يجدو من يحميهم امام بطش اعضاء شرف النصر ورئيسهم وجمهور متعطش لاي بطوله حتى لو كانت بطولة كيرم وحتى نحصل على العداله في التحكيم يجب حماية الحكام من اولا الاعلام النصراوي ثانيا اعضاء شرف النصر ومن يتذكر كلام الزامل على الرياضية السعوديه يوم قال فيصل بن تركي قد يرتكب جريمة في حق بعض الحكام وقد يكون مرعي قد تعرض لهذي الجريمة لكن خلف الكواليس من يدري فمرعي يعتبر من احسن الحكام لكن ماذا حدث له شيء يضع مليون علامة استفهام !!

فيه اخطاء تحكيميه ..... نعم
فيه مؤامره من الحكام .... لا ولاتدخلوا في النوايا
النصر استفاد من اخطاء الحكام .. نعم نعم نعم
النصر السنه هذي افضل فريق في الدوري في ثبات المستوى والعناصر ... نعم

^
+1

الاهم ماندخل في النوايا ...

ع العموم اذا فازوا بأخطاء تحكيمية هذا دليل انه مستواهم مو توب مثل مايوصفة البعض ...

اللي ما ياكل بيدة مايشبع ...

إذا كان النصر قوي هذي السنة ليش يعطونه حكام يمشونه في مباراة نجران وفي مباراة الشباب ستة نقاط سلبة من الفرق ، والهلال ماستفاد من أي خطأ تحكيمي ، ولو أن هذه الأخطاء صارت للنصر لقالوا أن الحكام هلاليين وهذي معروفة من زمان ..

انا ما يقهرني الي يقولن من النصراوين انو عاد النصر ورجعنا الهلال لي مكانهم الطبيعي اي مكان طبعي ياعمي واحنا نصكم بي الثلاثة والاربعه والخمسة ونخلي جمهوركم سوين عملية اخلاء سريع من الشوط الاول فرحانين لانهم مو مصدقين انفسهم فازو علي الهلال والاتحاد والشباب بي اخطاء تحكمية ترا يانصراوين فرحتكم وقت واعني بي وقت انو الهلال لايمرض ولا يموت خليكم مع اعلامكم القذر وحاملاتكم القذرة زي جماهيركم الله يكون في عونا علي الحكام الي مايعرفون اساسيت التحكيم راحين لي تركية ومدري وين وهذا اوضاعكم حطو نظام لي كل حكم متاخذل كيف يحطون نظام وهم اصلان يبغلهم واحد يعليهم النظام ولا الي يقهرك اكثر يقولن انتو يا الهلالين اخر ناس تتكلمون علي التحكيم رجعنا حق الاسطوانه المشلوغه حقتهم الهلال بطولاته بي التحكيم و التحكيم مع الهلال الهلال تاج راسكم ومهما سويت ماراح توصلن لي انجازات الهلال بدري عليكم يابنو فقر

يا جماعة ما يصير هالكلام
أتمنى من جمهورنا أنه من يمشي بطريق النصراويين
مطبوخة ومرسومة ومدري إيش
كل الفرق استفادت من التحكيم وكل الفرق تضررت
النصر بصراحة أفضل فريق هذا الموسم لكن أتوقع في نهاية الدوري ما يصح إلا الصحيح وإن شاء الله بيكون الزعيم الملكي بطل الدوري

تبون الحق احنا اكبر من كذا

الدوري لنا ان شاء الله ترو النصر ما بيعدي

ونحن اكبر من النصر وغيره

ولا نقعد نسوي مثلهم كل شي عارفينه النا س الواعيه

واللي مريض صعب يشفى من مرضه الوراثي فنحن لنا البطولات

ولهم الاعلام وغيره

الاهم نشتغل ونطرح كل فكره تفيد الفريق وبدون شوشره اللي راح راح ما ينفع النواح

اذكر العام مباراة حسم الصدارة كانت امام الفتح وهجر وكان الهلال وصيف حسب بلنتي وهمي للفتح عشان يبعد الهلال عن المنافسة وفاز الفتح وتبقى له نقطة وخذاها من امام الاهلي !

واليوم خطة مشتركة لتوصيل النصر للدوري

بدايتن
هدف نجران الصحيح الملغي
هدفهم على الشعلة تسلل
واليوم مهزلة ديربي الشباب بل وصلت ان جعل فريق منهار متأخر بهدفين لفريق فائز ب3

ومباراتهم القادمة مع التعاون في الدوري اقولها من الان فوز نصراوي بتدخل التحكيم

^^^^

لكن اهم شي الاعبين والمدربين لا ينساقون لهذا الفكر الاعلامي المخدر. على الهلال ان يفوز بكل مباراة له بعيدا عن نتائج الاخرين

ظبط دفاعك ومحاورك والله لانصر ولاتحكيم
الهلال دفاعه ينحرره والنصر دفاعه يشيله
حنا نعرف ان النصر فريق دفاعي ماعنده هجوم ضارب يرعب فيه الفرق

لذلك يدافع يدافع ويلعب على اخطاء خصمه
الفارق 4 نقاط والدور الثاني صعب جدا على جمييع الفرق الشباب عائد وبقوه ولاهلي قادم بتعاقدت قويه
وكذلك الهلال عاد بتحسين دفاعه وبقوه

وش دخلنا بالنصر حنا

خلونا بهلالنا وش فيه الجمهور الهلالي جاه ماجا النصر اول
من متى الهلالين يهتمون بالاخرين حنا علينا من فريقنا والباقين بسلامتهم مالنا دخل بهم

إقتباس الرسالة الأصلية كتبت بواسطة teva4ever فيه اخطاء تحكيميه ..... نعم فيه مؤامره من الحكام .... لا ولاتدخلوا في النوايا النصر استفاد من اخطاء الحكام .. نعم نعم نعم النصر السنه هذي افضل فريق في الدوري في ثبات المستوى والعناصر ... نعم

يسلم راسك الله يكثر من أمثالك الواعين