إقتباس الرسالة الأصلية كتبت بواسطة المنصف الخبير نباح؟؟؟ ياخي عيب والله والله يسامحك . لكن في نقطة قلتها ( غيور على تاريخ اساطير الكيان ) تاريخ سامي كلاعب شيء وكمدرب شيء آخر جداً.

تاريخ سامي مع الهلال لابد ان يكون من ذهب بدعمنا له ياما اسعدنا والان جاء الدور لندعمه ونعطيه الفرصه

والحكم اخر الموسم

وبعدين ليش تردد مايقوله اعلام الاصفرين ؟؟ لان هم من قالو الهلالين لابد ان يفرقو بين سامي الاعب والمدرب !!

يريدون سامي لوحده امامهم !! قلوبنا مع الاسطورة وبالتوفيق للزعيم

مبروك الفوز و3 نقاط مهمه وبالتوفيق للزعيم

اشكرك على الموضوع
ولكن
للأسف هلالنا اصبح بلاهويه داخل الملعب
نفس الخطه ونفس الاخطاء
بدون تعديل
اصبح الهلال فنيا كتاب سهل وبسبط
عجيب امر بعض الناس
ان انتقدت الفريق فنيا قال انت ضد سامي وحاقد وووووو
هل يعقل ان فريقا يطمح في الدوري يعجز عن الفوز على متذيلي الترتيب الشعله والنهضه
فريق كل مباراه يسجل فيه
لا وفريق صرفت عليه الملاااااااايين وسخرت له كافة الامكانيات
هل يعقل
ان الجمهور الهلالي يده على قلبه من كل هجمه على فريقه
هل يعقل ان من 50 الى 75%من هجمات الفرق على مرمى الهلال اهداف

إقتباس الرسالة الأصلية كتبت بواسطة ياقاهرهم يازعيم اتابع الهلال منذ 1403 لم اشاهد الهلال بهذا الشكل السئ ........ومن الصدف اني لا اتابع التحاليل الفنيه الا هذا اليوم ورأيت ان يوسف وابو مبارك قالوا مافي نفسي الفريق بلاهوية فنيه وكنت اظن قبل مباراة النصر ان احضار لاعبين جدد للفريق سيحسن من حال الفريق الان اعتقد اننا نحتاج برضو مدرب مع حبي الكبير الذي لايضاهيه حب لسامي ..لكن حب الهلال اكبر

كلام سليم وصحيح 100%.......................

يوجد جماهير الا غصب ينجح سامي ماهمهم النادي همهم سامي وبس ................. لما اروح الملعب اروح اشوف الفريق ما اروح من اجل سامي ... سامي مو بلاش جالس يدرب الهلال جالس يستلم راتب ,,,,, يعني بأتعاب عمله مو بلاااااااااااااش ..... اسألك بالله لو عندك شركة وأخوك من لحمك ودمك او ولد يشتغل معك وجالس يسبب لك خسائر تلو الأخرى وجالس يسيئ لسمعة الشركة من ناحية الأداء هل راح تحتفض به ام تقول له توكل على الله او تحاول انك تجلب ناس يتعلم منهم اصحاب خبرات؟؟؟

سامي وبس


ادعموه لانريد غيره

الفرق الصغيره ترهقنا وتعمل لنا صدااع اكثر من الفرق الكبيره،،

لانها تقفل الدفااع وتعتمد ع المرتدات والكور الطويله التي نعااني منها كثيرآ،،،

يجب ان يعمل ساامي ع فك هذه المعضله،،

انا اتفق مع تحليل الشريده نعم الهلال بدون هويه ع الاقل بالمبارياات الثلاث المااضيه،،

شكرا لك استاااذي،،

مدام سامي جالس يشتغل على الفريق ويعدل اخطاءه انا معه للاخر
سر يا ابو عبدالله ونحن خلفك

الهلال ليس هلال السنوات الماضيه

تابعت كلام الشريدة فكان كل كلامه صحيح ليش نزعل من الحق

علما بأن قبل بداية المباراة كان يدافع عن الهلال

وفي نهاية المباراة كان يقول الحق وهو ان جماهير الهلال لاترضى بغير القمه فهل هذا يزعلك !!!!!

اتمنى جميع محللين الهلال مثل الشريدة

اما يوسف خميس ولا اعطيه اهميه لأني عارف ميوله

إقتباس الرسالة الأصلية كتبت بواسطة الزعيمه لمووري للاسف نفس الكلام نعيد ونزيد فيه والكل يكذب الكل هاذا مندس وهاذا نصراوي واهلاوي يأخي انتم تشوفون مبارايات غير اللي نشوفها !!!!!!! لايكون تتابعون الارسنال وهويقدم افضل ماعنده من سنيين ومتصدر بفارق من النقاط وتحسبونه الهلال والا احنا نشوف مباريات في الدرجه الأولى ..............يوسف خميس والشريده مااخطئو بالعكس قالو الحقيقه اللي كثير منكم ينكرها لحبه لسامي .................الفريق وضعه مايسر والاداره في سبات عميق لين تطيح الفاس بالراس وهذيك الساعه ماينفع الندم للاسف الهلال من صار الرئيس عبد الرحمن بن مساعد فقط موسم قرتس وكالدون ومن بعدها وهو سيئ ومازال في طريقه الى الهاويه والاداره وماتحرك ساكن الهلال يتميز برجاله والاداره الحاليه ليس حولها سوا رجال اعمال ادخلو في مجلس الاداره لإخراج النادي من اي ازمه ماليه مستقبليه وكان النادي ماله دخل هو الاعلى على مستوى الانديه اذا الدخل مايكفي لماذا لم تتحرك الاداره لجلب رؤؤس اموال وشركات عديده للاستثمار والهلال افضل نادي من حيث الشعبيه والالعاب المختلفه وتميزها في اكثر من لعبه المفروض تكون جالبه للأستثمار الاداره الحاليه تولت الرئاسه لفتره جديده من غير اهداف وخطط ولاشفنا اي شيئ للمستقبل القريب والبعيد حتى مدربين على قد الحال واللي موقد قيادة نادي كالهلال يترك الرئاسه لمن هوا اقدر بها ؟؟؟؟؟؟؟؟؟؟؟؟؟ مع احترامي لسامي الهلال اكبر منه كيف الاداره تسلم الفريق له وهو بدون خبره اذا يبي فرصه مو مشكله ممكن يستلم احد الفئات السنيه كابدايه او الأولمبي كاافضل احتمال مو على طول الاول !!!!!!!!!!!!!!! وحنا الله يكون في عوننا على التلاعب باعصابنا وش ذنبنا كجماهير محبه للكيان ونشوف هاذا المستوى الهزيل ولايريدوننا ننتقد

!!!!!!!!!
كلام فيه تجني كبير على الإدارة وكذب عليها
وتعمدت اقول كذب
معليش اختي بس واضح انك مندفعه وتسمعين بالنقد وما تدرين وشو
الحين تحرك الإدارة لتوفير راس مال للنادي صار شيء سلبي
الحين صار دخول رجال اعمال داعمه للنادي خطأ يجب ان نحاسب الإدارة عليه !!!!
لا تقولين جمهور وشعبية وخرابيط
ترا الاتحاد فلس فلس فلس
لا نفعه اعضاء شرفه المليارديريه ولا جماهيريته
والنصر عليه ديون عاليه جداً واموره ستنكشف عن قريب
الشباب مربوط برجل واحد
بالعكس اكثر نقطة اثمنها في ادارة ابن مساعد العمل على مداخيل النادي
واذا نظرتك قصيره ومربوطه في مباراتين ثلاث فذي مشكلتك صراحه
اتوقع ما نتمنى تكرار تجربة محمد بن فيصل بعد ما ترك النادي وهو محمل بالديون وياليته كذا وبس الا تبرأ منها ورافض يسددها رغم تقديري لانجازاته
الاعتماد على اعضاء الشرف ما يوكل عيش لان اغلبهم يكون يا يكون لي كلمه بالنادي احل واربط ويلعب لاعبي المفضل والا ما ادعم ( ادري الكلام مر بس تراه واقع اغلبية اعضاء الشرف في كل الاندية )
من الجحود نكران ماعملته الادارة الموسم الماضي والاستقطابات الكبيرة
من الجحود نكران تجديد العقود للاعبينا المهمين واللي استنزف الادارة كثيراً
من الجحود انكار ان هذه الإدارة اكثر ادارة مرت على الهلال منتظمه في رواتب الاعبين واتكلم من خبرة متابعة الهلال من عام 93 ميلادي

يعني تبيهم يمجدونه على هالمستوى المخيس الفريق امس لعبه لعب حواري
هذا الحقيقه الفريق ضايع من بعد مقابله سامي بروتانا الله لا يعيدها مقابلة

سامي ليس فوق النقد نحترمه ونقدره لكن ما يحدث بالفريق لا يسر العدو قبل
الصديق ....

سامي في كل مؤتمر بعد كل مبارة يقول سنعمل على تصحيح اخطاء الدفاع
هذه اخطاء الدفاع ما تغيرت من 12 جولة ...

سامي امام الفرق الضعيفه الشعله والنهضه يلعب بمحورين بالله هذا فريق
يسعى لمسح الصورة السلبية والمنافسة على الدوري ....

الان الفريق لا يملك من الحلول سوى الركلات الثابتة حتى بديت اشك ان
الخطة مرسومه بهذا الشكل ..

سامي سيقف لك القاصي والداني لكن نبي فريق يلعب صح ...

سامي انت مطالب بفترة الانتقالات الشتوية بتدارك الوضع وتصحيحه
بشتى السبل ....

السلام عليكم
حياك الله أخينا هلالي من ارض اليمن وشكرا على المشاركة
اختلف معك بخصوص يوسف خميس ففي نظري انه من افضل المحللين الموجودين في الساحة فهو الى جانب خبرته الطويلة اللتي اكتسبها كنجم كبير ومدرب يمتاز بنظرة فنية ممتازة ورغم كونه نصراوي الا انه من اكثر المحللين حيادية وصراحة حتى فيما يخص النصر لدرجة أغضبت النصراويين أنفسهم.

اما ما قاله في تحليله لمباراة الأمس فأرى انه كان صحيحا في مجمله فلا توجد هوية ولا خطة واضحة للفريق ولم يتمكن لا من الاختراق من العمق ولا اللعب على الأطراف اضافة الى عدم توضيف اللاعبين بالشكل السليم....

تحياتي
الفجر الصادق

مع احترامي للجميع عبدالله الشريده تكلم بالواقع بعيدا عن التطبيل لسامي وهذه هي الحقيقه . سامي وجميع اللاعبين في ضياع وفوضى . والأعمي يرى فريق تايه لا تركيز ولا تمرير ولا حتى تكتيك مثل الناس واللاعبين بدون استثناء لا يحسنون التعاون مع بعض من أجل الفريق . ولا نعلم ما السبب هل هو هبوط طبيعي في المستوى سيرتفع تدريجيا في قادم الأيام أو ارهاق من كثره التدريبات وهل التدريبات شاقه على اللاعبين جعلتهم يلعبون هكذا أول مره ارى الهلال هكذا . أما سامي فهو يستحق الصبر عليه وهو مازال في بدايه الطريق وهوأولى من غيره بأخذ الفرصه كامله حتى نهايه الموسم فربما يكتسب الخبره التي تدفعه حتى لو لم ينجح مع الهلال في تطوير قدراته التدريبيه وحتى لو خرج من الهلال ستظل مرحله مهمه تعينه على النجاح مستقبلا . ولو خرج سامي من الهلال ربما لم تناسبه هذه المرحله لأنها مرحله بناء في الهلال . ربما تناسبه فترة أخرى ويعود أكثر خبره ويقود الهلال للتربع على آسيا . المهم حاليا أن ننتقد سامي نقد بناء نبين عيوبه بدون تجريح وسيستفيد من النقد بأذن الله . ونتركه يأخذ فرصته كامله وفي نهايه آخر مباراه في الموسم يكون الحكم عليه إما الاستمرار في الهلال أو ترك الهلال والأتجاه لفريق آخر يصقل قدراته التدريبيه ويكتسب الخبره ويتشرب جميع الخطط . وربما في فريق آخر لا يجد الضغوط الجماهيريه مما تجعله يعمل في جو هادي يساعد على التركيز ويعود ذئبا كما عهدناه والله ولي التوفيق