خير الكلام ما قل ودل ..

بدايه السلام عليكم ورحمه الله وبركاته


والف مليون مبروك الفوز الصعب والهام في مسيرتنا للفوز بالدوري بإذن الله ..


لكن ابقدم نصيحه للجمهور الهلالي وخصوصا الصغار بالسن .. اللي للاسف انجرفوا خلف المندسين واخذوا يرون الهلال بانفعاليه وانهزاميه تنعكس سلبا على نفسيات اللاعبين وتولد الاحباط وانعدام الثقه بالمدرب واللاعب ..




شجعوا بحماس وبقوه وتفاعلوا مع الاحداث لكن لا تسوي ضغوطات نفسيه بالتقليل من الفريق والمدرب وكاننا ننافس على الهبوط ..


نعلم ان فيه اخطاء بالدفاع ونعالجها بكل هدوء بدلا من الفكر الانتحاري وتدمير الكيان .


نحتاج للهدوء والصبر وقبل كل شي الثقه والاحترام ..


والسلام عليكم ورحمه الله وبركاته .

الجمهور غلطاااان
اسفين طال عمرك

إقتباس الرسالة الأصلية كتبت بواسطة عذب السجايا الجمهور غلطاااان اسفين طال عمرك

وليه الجمهور ما يغلط ...

انا اقول الجمهور اللي جالس يقلل بالفريق ولا يدعمه هذا ضرره اكثر من نفعه ..


الحمد لله شبعااان بطولات واطمح بالمزيد .. لكن حقين الهاشتقات الاطفال اللي يحاربون الهلال ويتمنون سقوطه فهم نقص على الهلال وبعض جماهير المنتديات .


اتكلم عن البعض مو الكل ..

بكل اسف الجمهور من سىء لأسوأ

تبي تشجيع جاد ما تلاقي

تبي حرص واهتمام ما تلاقي

تبي احترام وتقدير ما تلاقي

لكن تبي فلسفه وقلة ادب واستهتار بشخصيات اللاعبين والمدرب والادره خذ رجال

تبي مدربين وكل شي يعرفونه خذ رجال

تبي كلام جارح وعدم احترام خذ رجال

للأسف جمهور الهلال يبون كل شي لكن ما عندهم استعداد يقدمون اي شي

للأسف جمهور مثل قلته [ تعلموا من الجار ]

إقتباس الرسالة الأصلية كتبت بواسطة صاروخ ريفالينو التوتر لم يحصل إلا فترة قريبة وليس ابتداءاً من الجمهور بدأت النتائج والمستويات والعك الكروي توتر الجمهور .... وبالتالي يرجع على اللاعبين لذلك الحل يبدا من تصحيح طريقة اللعب ستجد الجمهور يقف بكل قوة مع الهلال اليوم مباراة النهضة حتى ميزة سرعة نقل الكرة افتقدها الفريق وكل مباراة تأتي نفتقد ميزات للفريق عما في أول الموسم وفي بطولة العين فطبيعي الجمهور يتوتر .......!! وينعكس على اللاعبين فالحل يبدا من الفريق تقديري لك

انا والله بالمباره اغلي بس لازم امسك اعصابي ولا اوتر الجمهور معي ..


الحل يبدا من الفريق والجمهور معنا بنفس الوقت .. والله مشكلتنا بالدرجه الاولى ضغط نفسي من الجمهور وكبلت اقدام اللاعبين ..


شكرا لك يا عزيزي .

إقتباس الرسالة الأصلية كتبت بواسطة عذوبة قلب بكل اسف الجمهور من سىء لأسوأ تبي تشجيع جاد ما تلاقي تبي حرص واهتمام ما تلاقي تبي احترام وتقدير ما تلاقي لكن تبي فلسفه وقلة ادب واستهتار بشخصيات اللاعبين والمدرب والادره خذ رجال تبي مدربين وكل شي يعرفونه خذ رجال تبي كلام جارح وعدم احترام خذ رجال للأسف جمهور الهلال يبون كل شي لكن ما عندهم استعداد يقدمون اي شي للأسف جمهور مثل قلته [ تعلموا من الجار ]

اتفق معك يالغالي ... جمهور الهلال بالسابق افضل من الان بمراحل ..


اللي يحب الهلال يقف مع الفريق بالهزيمه قبل الفوز .

بعض الناس مع الخيل يا شقرا

اهم شي النقاط
والمستوى بيتطور بعد استقطاب بعض العناصر في الفترة الشتوية

الفقر طوال الموسم لم يقدم مستوى وجمهورة يدعمه

مبارتهم مع الفتح والاتفاق والاهلي ونجران سئ جداً

بس جمهورهم يدعمونهم ولا لو عاد الزعيم لمستواه بعد توفيق الله ثم دعم الجمهور سيسقط كل الفرق

مشكلة الدفاع عناصريه والي يقول تكتيكيه والله مايفهم كوره ومع الخيل ياشقرا او حاقد وفقراوي

سلمان الفرج سيء دفاعياً والكوري سيء والدعيع ماعنده خبره والشهراني سيء في اليمين

البعض يبقى سامي يخترع لاعبين !!

هلالنا سجل هدف المفروض يحافظ عليه ولكن الدفاع يفسد كل شي

الوسط والهجوم صار يخاف من دفاع الهلال ويخاف يهاجم بكل قوه !!

على الاداره التعاقد مع قلوب دفاع اجنبي ومحاور والاهلي تعاقد مع لاعبين كبار ونصر تعاقد مع صانع لعب والهلال الى الان لم يتعاقد ؟؟

على الاداره ان تتعاقد مع لاعبين و نتفائل خير ان شاء الله

الكوتش سامي وكتيبته الزرقاء مازال لديهم الكثير ليقدمونه ، فقط ادعموهم . وشكراً لكم على المقال الجميل ولاانسى انه لايجب التعميم .