مراحب شباب
اول شي الف الف الف الف مبروك لميلاااااااان
وهارد لك لليوفي

لايروح بالكم بعيد عن وشي اللقطه

بس شدتني لقطه



البنت الي نايمه عند ابوها واخذها جوها التاااااااام في النوم
مادري وش الاسباب
لكم الاختيار:
1- يمكن متراهنه مع خويتها انها تنام قدام العالم
2- تبي تنام عناد علشان ابوها ماخذها المباره غصب
3 المباراه ماتحمس وممله الا في لحظات بسيطهتكاد لاتعد


انتم ورايكم
طبعا رايي انا ولاحد يزعل من الي نطوا علينا عقب مانهزم الريال من اليوفي وقالو الايطالي ولافرق
مع الاسباني
الا المباراه بدايه حلوه من الميلا
بعدها هدووووووووووووووء مع اجتهادات بسيطه من لاعبين من كل فريق
امل الشوط الثاني
مانذكر الا العارضه الميلانيه كاخطر الفرص
والاشواط الاضافيه امسك الباب دفااااااااااااااااااااااااع وبس
(((((((( ليش المدرب طلع روي كوستا ودخل دفاع بداله؟؟؟؟؟؟؟؟؟ قانون ايطاليا الاول مهوب مهم تجيب قول المهم لايجيك قول ))))
((ارفع قبعتي احترام للدوري الاسباني ))))

المهم
مبروووووووووك للميلااااااااااااااااا
وهارد لك لعيال التوفي((((( فوزهم على الملكي بطوله بلحالها )))))



لاحد يزعل رايي ذا
وتابعوا ايثاره الاسباني
فالنسيا وسوسيداد
الريال واتلتيكو

مع احتراماتي لرأيك الا انها كانت مبارة جميله جداً من ناحية المستوى...انا الشوط الاول ما اقدر احكم عليه لاني ما شفته..أما باقي المبارة حلوه صراحه و ممتعه و للمعلوميه قبل ما يطلع روي كوستا تراه دخل سيرجينيو اللي هو وسط متقدم بدلاً من بيرلو,,,اما البنت تلقاها مالها دخل في الكوره بس قالت اشوف وش يسوون في الملاعب

الثعبان كلامك صحيح 100 % المباراة مملة جداً ، با إن نهائي الدوري السعودي أفضل منه على الأقل فيه خمسة أهداف ،،، ونذكر النهائي العام لما كان الريال طرفاً فيه وكانت المباراة قمة في الجمال ،،،، علىالعموم ما ألوم البنت اللي نامت لأن المباراة تجيب النوم فعلاً ولافيها أي لمحات فنية ،،، الخطة تشتيت وتكسير ،، ما أقول إلا مبروك للميلان الفوز بضربات الحظ ،، واتمنى من مدرب اليوفي طرد زاليتا وتريزقيت باسرع وقت وإحضار مهاجمين من فئة 5 ستار أمثال فان نستلروي ورونالدو

المبارة متعه وهذي اوراق وخطط مدربين ومبروك للميلان يستاهل وهارد لك اليوفي هزيمة الريال تكفي

المباراة كانت حلوة حتى لو مافيها اهداف على الاقل بالنسبة لمشجعي الفريقين

يعني كان الواحد يتابع المباراة وهو على اعصابه خايف في اي لحظة يدخل هدف في فريقه

وزي ماقال الاخ:

إقتباس [ALIGN=CENTER]وهذي اوراق وخطط مدربين[/ALIGN]

وانا اول فرحة كانت لي في هذه البطولة لما خرجت ثلاث اندية اسبانية على يد فرق ايطالية

تحديدا الريال مدريد

يعني مولازم :[ زيدان(64مليون)+ فيجو(56مليون)+ رونالدو(45مليون) = تحقيق بطولة]

وان في عوامل ثانية تجيب البطولات واللي شاهد مباريات هذا الموسم راح يعرف هذه العوامل

اما البنت النايمة شكلها كانت متأكدة ان الميلان راح يجيب الكأس وقالت لا أحد يصحيني

إلا وقت ما يتوجون الميلان


واخيرا ابارك للميلان ولكل الميلانيين واقول لجمهور اليوفي حظ اوفر ويكفيكم الدوري

وانشاء الله الكاس الثاني يوم السبت

وتحياتي ;)

المباراة والله قمة قمة في الملل كأنها مباريات الدوري السعودي
اتنونى عدو تأهل الفرق الايطالية بهذا الشكل الدفاعي والملل والبعيد عن الفنيات والتكتيكات
مرة اخرى الى النهائي
اين الريال مدريد والمانشستر والارسنال وفالنسيا وغيرهم

فعلاً المباراه لم ترتقي للمستوى المأمول دفاع ملل كا العاده لدرجت اني توقعت البلنتيات بتستمر صفر - صفر .

على العموم الف مبروك للميلان الي كان الافضل ويستاهلون .

إقتباس المبارة متعه وهذي اوراق وخطط مدربين

أي متعه تتكلم عنها ياعم
المباراة منتهيه 0/0

هلا بالشباب
مشكورين على ابداء ارائكم

الازرق999
احترم وجهه نظرك
بس للمعلوميه سيرجينهو مادخل علشان الهجوم
تراه داخل علشان تورام مايتعداء خط النص يدري ان فيه واحد سريع بيستغل تقدمه
يعني بالعاميه
اقظب ارضك
لاتجون ولانجي
وغريبه ان البنت تنام بين 70 الف متفرج يعني مافيه صراخ ولا ازعاج من الجماهير ذي
يمكن ابوها قال لهم علشان البنت شجعو بالاشارات ههههههههههههههههههههههههه
اقول تلقى خويات البنت ماسكينها نكتهه عليها الحين حضرت نهائي ايطالي ولا استانست
انت لو شفت نهائي العام كان عرفت وش معنى اثااااااااااااره

المداوي
يلوموني بعد
المفروض لجنه حقوق الانسان تعطي جوايز للاعبين الفريقين
لانهم دروا ان فيه بنت نايمع وقالوا حرااااااااااام اجل بنلعب على الواقف
مافيه هجوم مستمر علشان مايصارخون الجمهور ويزعجون البنت
هههههه

mazensss
الظاهر كتبتها صح
صح مباراه نهائي وتكتيك مدربين
مانقول شي
بس وش صار بنهائي العام الي فات
مهيب مباراه نهائي وتكتيك مدربين
تقول كل واحد وله طريقته اقول لك صح علشان كذا حنا نرد على الي يقولون نهائي ايطالي والاسبان برى


احمد
هههههههههههههههههههههههههه
وش سوا لك الريال
لايكون الى الحين من بعد الثلاثه وانت متعقد
ياخي الريال فريق يتبع خطه الهجوم ولاغيره
فريق يمتعك بالمباره . فلوس التذكره تتحللها مهوب تنام عليها
وبعدين والله لو الريال بياخذ كل البطولات كان ماحد شجع الكوره يعني ملل كذا
( ثلاث فرق اسبانيه )
غريبه الاسبان كم عندهم بطوله
بل الريال كم عنده ؟
ذكرتني بجمهور جار لنا بالعريجا كل ماجت سالفه وسالفه قالوا حنا اكثر منكم فوز
شف فرق البطولات واستح
لايكون رمذهم اثر عليك
لاتزعل بس ذا رايي ورايك على عيني وراسي حبيب البي


حتى روي كوستا امس زعل من التغيير ليش يدري ان صناعه اللعب قلت ان مافقدت بعد التغيير الثالث الخاطي ؟؟؟؟؟؟؟؟؟ ليش مادخل ريفالدو ؟

زيدان
الي تسال عنهم
السنه الجايه تشوفهم
او بمعنى اخر رجع اشرطه الفيديو وشف الريال ومانشتر ((( انا اشجع الريال وهو مهزوم بالمباراه هذي اقول لك تابعها وتمتع باللعب الصح وهذي المباراه خروج مغلوب يعني حريقه بالاعصاب وناظر المستوى ))
من شاف امس ريفالدو بالاحتياط يدري ان الطليان مايبون الهجوم

الاسطوره
البنت ناااااااااااااامت
خخخخخخخخخخخخخخخخخخخ
يعني اسامه المولد امس يهاجم
وبالايطالي عسى مايرجون تريزيغه دفاع
ههههههههههههههههه

موسوليني
0/0
مهوب شرط اساسي الاهداف لتحليه المباراه
مع انها مطلوبه كثير للجمهور
بس كقرائه للعب (((( معكم الشتالي ))))
مافيه حماس لافريقيين انهم يتقدمون بحتا عن الاهداف

مالديني وتوروام
كم رفعه انرفعت منهم امس؟؟؟؟
يعني امسكوا الباب والصادز ابن ابوه يتعدى خط النص



مشكورين ياشباب للرد وهذي وجهات نظر
يعني
يالله يمديكم على الدوري الاسباني وتشوفون المتعه (((( كن اخوي الي بيلعب على هالحرص والدعايه)))
بس بصراحه
اسم واحد يخليك تنطق عند التلفزيون قبل المباراه بساعه
طبعا تعرفونه
اكيد
اول حرف


اقول والا لا


هههههه
زيدااااااااااااااااااااااااااااااااااااااااااااااااااان ((( الكوره تقول : عط الخبز خبازه ))
ادري مالها دخل بس انا سامعها تقوله يوم قضت مباراه النهائي الايطالي الي نامت فيه بنت بالمدرجات خخخخخخخخخخخ

باي ولكم تحياتي

بكل بساطه اي واحد قال انها ممله ما قال الا لان فريقه برى النهائي...يا بابا هذا نهائي الابطال مب الزلايب يا مدريد... و أتمنى محد يزعل من كلامي

السلام عليكم ورحمة الله شباب الجميع شاف المبارة النهائيه

والبعض قال انها ممله وما ارتقت للمستوى المطلوب انا اقول انها ممتعه وهذا رأي لعدة اسباب وهي:
نهائي التشابيون ليج معناها اهم بطولة اوربيه لازم يكون الفريق حذر جدا اي هدف يعني صعب التعويض. البعض قال ليسة ممتعه يا اخي روح شوف السرك احسن لك كله متعه وساعة صدر والاشوف مسرحية عادل امام .امس متعه في الخطط والتكتيك هذا ينزل مدافع والثاني يرد بمهاجم والكل يريد قراءة المباره. في الوقت الحاضر اصبحت الكورة مثل الخطط العسكرية امن دفاعات ارضك قبل ما تهاجم الكل شاهد الريال امام المان يونايتد مانشستر فتح اللاعب امام الريال وخسر صح اقوى مباراة لكن ماذا استفاد المان انت تعرف ان هجوم الريال قوي ليش تفتح اللاعب معه سكر عليه كل المنافذ ودافع من نص ملعبك وهذا اجاده اليوفي امام الريال واخرجه واخرج برشلونه رغم النقص العددي. شاهدنا البرازيل عام 82 فالكو سقراط زيكو وغيرهم قدموا اجمل كرة قدم لكن لم يحرزوا الكأس؟ كرة القدم ليسة هاجم فقط.البنت الي نامت امس اولا صغيره (والله انكم تخلون من الحبه قبه)آآآآآآسف على الاطالة

هلا بالازرق999
ليش حكمت ان الي قالوا ان المباراه كلهم مايشجعون احد الفريقيين؟؟؟؟
طيب
قل اننا متعصبين
انت تقول هذا نهائي ابطال
يعني كل الي فيه ابطال
والباقي زلايب( على تعبيرك )
صح والا لا
ارد عليك
مهوب كل من وصل النهائي بطل
الاتفاق اخذ كاس الاتحاد ومع ذلك ماحد قال انه بطل من الانديه الكبيره
حبيبي
تعلم وش معنى كلمه بطل وبعدها احكم على من تطلق عليه
الاتفاق اخذ الكاس يعني الهلال والنصر والاتحاد زلايب
خخخخخخخخخخخخخخخخخخخخخخخ سبحان الله الناس الحين اذا فاز الفريق الظيف على القوي قالوا احسن منه اذا هو الافضل هههههههههه
مادري وشلون اشرح لك
انا ماحتقر الي وصلوا للنهائي
مثل مانكر مجهود الاتفاق بالبطوله هذي بس اني اسميه من ضمن الانديه الابطال
((((( مادري اذا انت تقصد الانديه الابطال لهذه السنه . على كذا كل سنه عندك بطل يعني الفرق كلها ابطال
اذكر ان القادسيه والطائي والاتفاق كلها فازت على الهلال يعني هي الافضل (((( بمفهومك ))))
ياحبيب البي ويانظر عيني والله اني توقعت كل شي الا انك تقيس الابطال بالوصول للنهائي
الريال
مانشستر
روما
الارسنال
الانتر
ارسنال
ليفر بول
برشلونه

هذي كلها زلايب
اكيد
والميلاااان واليوفي ابطال
الازرق كم لك سنه وانت تتابع الكوره؟
اتوقع عدد الابطال الحين في مخيلتك اكثر من عدد المرات الي شفت فيها مباريات

حتى الطائي وصل للنهائي يعني من الابطال خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
الازرق 999 اشكرك على ردك بس يقولون التعليم في الصغر كالنقش على الحجر ومادري وشلون وصفوا التعليم في الكبر

الكبير كبير يالازرق ان فاز وان خسر وان تعادل وان جاب الكاس وان خسره والله بكل شي كبير مهوب بوصوله نهائي صار كبير

شاااااااااااكر لك تواصلك
وعلى قوله القايل
ون ون ون والاتي نمبر ون ههههههههههههههههههه كيف الحال

مرحبتين
mazensss
هلا بك حبيبي

اي هدف صعب التعويض؟؟؟؟
مافيه شي صعب بكوره القدم الهدف يجي باقل من عشرين ثانيه عبر رفعه والا باص طويل و انفراد للمهاجم او خطا دفاعي
ايه نعم نفسيا صعب
بس مهوب على كل الفرق
هذا نهائي كاس ايطاليا
الميلان خاسر واحد صفر والشوط الاول انتهى الميلان بالاحتياطي
وشلون جابو اربعه
الا ان الكوره الي يبي يفوز يفوز مع الاخذ بالاعتبار عوامل الحظ والتوفيق
مباراه الاتي والاهلي
الاهلي كان الا شوي بياخذ الكاس
ايطاليا مع نيجيريا 94 الى الدقايق الاخيره الطليان متاخرين
وفازوا
الامثله كثير منب عاد ابسردهن كلهن

يروح للسيرك والا يشوف مسرحيه عادل امام؟؟؟(((( والله انك صادز )))
والا مباراه نهائي تصير كذا
يارجال اذا طموحك انك تشوف رتم بارد طول المباراه فترى غيرك يبون يستمتعون بالمباراه

هههههههههههههههههه خطط عسكريه
اجل دماااااااار شامل
وش السالفه

عطوان معنا خخخخخخخخخخخخخ امزح
شف حبيب البي تقول انك استمتعت وانت تشوف التغييرات هذا يدافع وهذا يهاجم ترى انا اخبر العالم اذا جب تقول مباراه حلوه تقول خجوم من الطريفين وطرد واحداث دراماتيكيه مهوب يقولون والله التغيييرات حلوه على كذا بيبدون باللقطات الرياضيه يجيبون التغييرات بدال الاهداف


تقول انت وش استفاد المانشستر يوم فتح اللعب
1- جعل الريال يتقدم مما يجعل فرص التسجيل للريال تكثر وهو ماحصل من الفريقين
2- امتاااااااااااااااااااااااااااااع لكره القدم عالميا
3- لايعني انهم طلعوا يعني فاشلين تراهم مع الريال ومطلوب منهم فرق اهداف يعني تبيهم يرصون دفاع ويلعبون بمجهودات لاعب او اثنين (((( والله لو ماردونا بعزه ))))
4-خروووووووووج مشرف للمان والله فريق الكل اشاد به يلعب الكره الممتعه ايه نعم طلع بس بشرف ومهوب طلوعه الي بينهييه حال الريال حال روما والانتر والارسنال وبرشلون
5-يقول اليوفي عرف يلعبها صح مع الريال اقول لك صحيح بس حط باعتبارك (((( لو جاب فيجو البالنتي كان مافيه شي اسمه التوفي بالنهائي )))) نعم ضيعها وهو كبير ونعم اليوفي فاز وهو يستحق لذلك قلنا المباراه موت ممتازه فيها تسحيبات زيدان وانطلاقات ندفيد ورشاقه ديفيد وسرعه وذكاء رونالدو وعبقريه ديل بييرو ونشاط تريزيقه و و و و و
والنهائي نقول البنت نامت

حبيب
الحلاوه بالاهداف والتسحيب والفاولات الخطره والانفرادات الضايعه والمستغله والحماس والطرد والاصابات والاحداث الي تفاجي الجمهور يعني اثاره طول المباراه
انت تقول قرائه لعب يعني المباراه كلها صارت قرائه لعب ههههههههههه
يارجال انا دعمت فكرتي بالاستشهاد على لقطه البنت الي نامت تقول انت صغيره اقول لك وين نامت بغرفتها
تقول سويتو من الحبه قبه اقول لك ياخي لاتكون من الي اذا ماجاز له الكلام واراء الشباب ((( سواء صح والا غلط انك تقول كذا ))))
بالاخير اشكر لك تواصلك
وصدقن ردك مع باقي الشباب نوروا الموضوع
بس بكل روح رياضيه مالظاهر اني اباخذ اخوي للمباراه نهائي حتى وهو صغير ولايفهم شي وبينام هناك الا اني حاضر نهائي بين الزراديه ومفتاح اربع طعش ((((( نكت الهليل ))))
والي اتوقع ان العالم تستمتع بها اكثر مما استمتعت بالنهائي الاوربي

اوكي حبيبي
هذا رايي ورايك على عيني وراسي

ولك احلى مايك ههههههههههههههه
باي

يعني اذا انتهت المباراة 0-0 المباراة تكون ممله....
بالعكس المباراة روعه وعكست التوقعات....
انتم يبدو ماشفتوها على ابو ظبي الرياضيه.....
عموما راجعوا كلامكم زين..

اخوي الثعبان

الحين تقارن الاتفاق بميلان ولا يوفنتوس؟؟؟؟؟؟؟؟؟؟؟؟؟؟؟؟ما تلاحظ انها قويه؟؟؟

وبعدين تعال شف كيف الفريقين وصلوا الى هذي المبارة؟؟طلعو ريال مدريد و الانتر و فريق كبيره جداً...والاتفاق تغلب على مين؟؟؟على صغار و اكرر صغار الهلال و النصر و الاتحاد .... الخ


وكلمة بطل تطلق على بطل الكاس و بطل الدوري صح ولالا؟؟؟؟؟والاتفاق فاز في الكاس فنقول انها بطل للكاس و يستاهله.....الميلان اخذ الكاس و نقول انه بطل و بكل منازع وجدارة لانه قارع الأقوياء و تغلب عليهم .

تحياتي