السلام عليكم

هاردلك لكل الزعماء الخسارة ...
خسارة بطعم المر لان الهدف كان في اخر دقيقة ومن اخطاء لاعبينا ... ومبروك للنصر الفوز والثلاث نقاط.

المهم والاهم يجب طي صفحة النصر واعتبار المباراة من الماضي مع الاستفادة منها في معالجة الأخطاء العديدة التي وقع فيها الكابتن سامي واللاعبين وحتى الإدارة.

الدوري طويل وما راح يفوز فيه الا صاحب النفس الطويل والهلال من ابرز الاندية في هذا ... لذلك دوم الهلال منافس عتيد على الدوري من ابرز المرشحين لتحقيقة.

النصر تتطور هذا الموسم ولكن ما توقع راح يحقق شي في هذا الموسم ...النصر فاز على الهلال لان مدرب النصر كان ذكي في المباراة ولعب على اخطاء الخط الخلفي للهلال والتي يعتبر اضعف الخطوط لحد الان ...

لذلك على الكابتن سلمي مراجعة حساباتة والتركيز على هذا الخط في قادم الأيام وعنده فرصة في الانتقالات الشتوية لعمل الإضافة من خلال استقطاب دماء جديدة لتدعيم خطي الدفاع والمرمى اذا أراد ذلك وفقاً لقناعتة.

التطور بالتوفيق لزعيم اسيا وكبيرها في بقية مباريات الدور الاول وان شاء الله نستعيد الصدارة قريباً.

تقبلوا تحياتي
عبدالله اليافعي
سفيلد - بريطانيا

خير ان شاء الله وش صار ؟!!

الكل صار مفتي ومدرب وفني وعارف وش

وذاا ياجمهور الهلال وش تغير وش حصل ؟

بين يوم وليله خلاص صار سامي كخه ؟!!!

صار مايعرف يدرب ؟ صار مبتدئ؟

سلامات على هونكم بس ماتعودنا منكم على

هالطفاقه وحدوا الله تراها مباراه وان خسرنا

ماخسرنا بطوله

انت يالمشجع الهلالي ماتمر عليك لحظات

تحس فيها انك طفشت وتغير مزاجك ؟!!

ترا الاعبين بشر مثلي مثلك يمكن مزاجهم

زفت هاليله

وابي اطلب منكم طلب بس ترجعون ل كلامكم

قبل الديربي وش كان راح تعرفون انكم

على خطاء وسلامتكم .

السلام عليكم

هاردلك الخسارة المتوقعة في ضل المستوى السي و فترة التوقف المتكررة لكن هذا مايبرر مستى الدفاع النكبة
صدقوني لو كان المرشدي و الزوري موجودين ماكان صار ذا الشي لكن مبارة مكتوبة ولابد لنا ان نرضى بالخسارة مثل مانرضي بالفوز وماهي نهاية مشوار والحمدلله علي كل حال

بعدين استغرب من اللي يهاجمون سامي ترى سامي سنة اولي تدريب يعني ماراح احكم عليه حتى سنتين بالتدريب وهي طبعا قليلة

المسلم طالبتوه بدل المرشدي وهاهو يبدع في الدفاع ارتباك زائد تمرير للحارس نكبة بكل ماتعنيه الكلمة
ماني عارف كيف اتعاقدنا مع ذا الكوري بس الله يستر من القادم

كاستيلو مايستحق ان يلعب مع الزعيم ذي 10 مبارة
نواف العابد لازم يتركن احتياط وعنده الشلهوب و عزوز

حلنا لابد نفعل هاشتاق ونطلب كريري والمولد
كريري افضل بكثير من كاستيلو شوفو مستواه مع المنتخب بس حرام مانتعاقد معاه حل جذري للدفاع النكبة
المولد لاحد يقول كبير في السن واصابته والله لو ناديه يقدر يعالجه كان عالجه في افضل مستشفى ولو جا للزعيم راح يتغير وراح تشوفن ابداع ومافي خوف ولا اهتزاز وقوة ولا الهدف الاول امس والله مايجي الا من الخبلان

طيب تقولو ليش والحافظ وين راح راح اقلب المولد و الحافظ لازم يكونو في الدفاع منها كسب خبرة
ودفاع متماسك

اما كاستيلو و الكوري فمكانهم اوت اوت اوت
ونستفيد من ان نجيب مدافع افريقي او برازيلي ونجيب معاهم لاعب العين عموري

وسلامتكم

ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم
بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟
-التنظيم الدفاعي فاشل بسبب تباطؤ اللاعبين وبرودتهم
-يجب ان يحظرون مدافع بدل الكوري ومدافع محلي صلب

ماهي أبرز السلبيات والإيجابيات التي دونتها على أداء الفريق خلال المباراة ..؟
-الحارس وكثرة اخطائه التي لا تعدل فيجب على المدرب ان يجعل الحارس فهد الشمري بديل له فهد حارس مبدع
- تباطؤ الدفاع

ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول ؟
نجم المباراة عادل هرماش
الاعب الذي لم يكن في مستواه العابد\

ماهي رؤيتك الخاصه عن المباراة (( مساحة حره للعضو ))؟
الهلال في مستوى سيىء جدا فيجب على سامي ان يصحح اخطائة

النصر والصداره " المحليه " !



بعد خروج الهلال من اسيا قالوا بالتحديد الهلال " نادي محلي " !


سنوات عديده وهم يحاولون على البطولات " المحليه " و عندما تصدروا اعتبروا
هذا " انجاز " < الحرمان و مايفعل !


الهلال بـ صدارة الدوري ؟ دوري جميل " ضعيف " !
النصر بـ صدارة الدوري ؟ دوري جميل " مثير وممتع " !


لماذا ؟ لانهم تعودوا دائماً في الصدارة " الهلال " وعندما احتل الصدارة
نادي اخر قالوا " ممتع "


الهلال انتصر ؟ دائماً وابداً " التحكيم " !
الهلال خسر ؟ لم يتكلمون عن " التحكيم " ابداً #ياساتر !

اخيراً : اذا خرج الهلال من اسيا قالوا فريق " محلي "
وعندما تصدروا دوري جميل " المحلي " جن جنونهم


#تناقض !
#حرماان_15_سنه


PIN:2ADC42BF
@Ghrbh_

بسم الله الرحمن الرحيم

السلام عليكم ورحمة الله وبركاته ي زعماء وزعيمات


* اول شي هارد لكم الخساره ولازال الدوري طوويل

* كثير من الجماهير الهلاليه بالمنتدى وخارج المنتدى اشوفهم حكمو على سامي الجابر انه مدرب فاشل (ومتدرب)
واظن اللي يحكم على مدرب من 10 جولات هذا انسان الكوره بوادي وهوا بوادي ((خاصه اذا كان المدرب يقدم مستوا وسامي فاز بالخمسه والاربعه على الاتحاد والشباب وهذي مو اي مدرب يسويها))

* نعم سامي غلط في مباراة النصر بس ان شاءالله تكون هذي قرصة اذن ويحسن وضع القريق مع قدوم الانتقالات الشتويه

* السديري مع احترامي الشديد له كشخص (( بس كلاعب حتى مع فريق حارتنا ماخليك تلعب )) كل الناس تتعلم من احطائها الا انت تزيد اخطاء

* المسلم مااخس من المرشدي الا انت

* سامي انت كابرت كثيرا بعدم اشراك السبيعي وهوا افضل من السديري بمليووووون مره

* سامي انت كابرت بعدم اشراك الحافظ وهوا افضل من المسلم والمرشدي ... اقل شي عطيه فرصه يلعب

* الشمراني اتمنى دعم هذا اللاعب اللي يقدمه للهلال شي كبير والجمهور اللي يقدمه لهذا اللاعب شي قليل جدا جدا جدا ,,, فهوا سجل قدام الاتحاد والاهلي والشباب والنصر ,, هوا يسجل ويصنع وبعلب بروح واصرار ولايحب الخساره ابدا ,, اتمنى دعمه من الامه الهلاليه

* العابد وقعت العقد واخت فلوسك وسحبت على الفريق ... اتمنى من سامي سحب اشارة الكبتنيه من العابد ,,, انا اعرف الكابتن اللي يوجه فريقه ويتناقش مع الحكم ويكون فيادي في الملعب وشخصيته قوويه ,,, اما العابد زاد وزنه ونزل مستواه ويلعب مباراه كامله ومانشوفه بالملعب

* مع كل الظروف الخاطئه اللي تصير من الكوتش سامي اتمنى ان ندعمه ونجي نهاية الموسم ونحاسبه على كل شي ,,, ي زعماء لاتعطون فرصه لجماهير الاصفرين والطحالب الهجوم على سامي فهذا مرادهم ,, سامي عنده شي كبير يقدمه للهلال ولكن يحتاج الدعم ,,, شفتو هجوم فيصل بن تركي عليه وهجوم جماهير الانديه الاخرى فلا تكونو مثلهم

الدوري لسى طووويل ويستطيع الهلال تحقيقه ومافي شي صعب على الزعيم وعلى سامي

* الكوره فوز وخساره واي فريق بالعالم لازم يخسر ,,, وان شاءالله تكون هذي الخساره خيره عشان تعدل اوضاع الفريق


** هذا مقطع للمعلق احمد الطيب وكلامه عن الهلال في مباراة يرشلونه امس

http://youtu.be/ZpOOrfhWGrg

اول شي السلام عليكم .. انا حضرت مبارة الهلال والنصر وحرمت اني اروح مبارة ثانية للهلال الا اذا حسيت انه اللعيبة تحترق مثل مانحترق ..

الحراسة :-
انا اتمنا من الكوتش سامي ان يرجع الشمري وليس السبيعي لان السبيعي يناس والله اقل من مستوى السديري وانا شايف عليه اهداف كثيرة بغلطات بدائية وشوفو المباريات الاستعدادية بذا الموسم وبتعرفون ان السبيعي اقل من السديري اتمنى الشمري والله هذا كل ما اتيحت له الفرصة ابدع بس مدري ليش هو مظلوم كذا

الدفاع:-

يحيى المسلم قاضي يناس قاضي لا يستحق ان يرتدى فريق يحجم الهلال اتمنا الحافظ او المرشدي وهم ايضا ليس بمستوى الهلال لكن الى ان تأتي الانتقالات الشتويه


المطلوب بالانتقالات الشتويه :-

1- التعاقد مع كريري لابد لابد واعارة كاستيلو وجلب جناح ايسر بديل للعابد ويكون بمستوى طيب الذكر ويليهامسون

2-التعاقد مع الجبرين واعارة هرماش وجلب مدافع صلب جدا او جلب اسامة المولد وابقاء هرماش

يسامي لازم نتعاقد مع اسماء قوية نحن نريد اسيا نحن نريد فريق لايقهر مو فريق يخسر من الرائد فريق ب اي لحظة ممكن يسجل عليه هدف فريق 11 هدف في 9 مباريات !!!!!

ايام كوزمين اخذنا الدوري وبشباكنا 7 اهداف وكان دفاعنا نامي هوساوي المرشدي الزوري لاكن كان هناك تنظيم دفاعي اتمنا اتمنا من سامي مراجعة امور الفريق والعابد هذا لازم تتكلم معه وتناظر سر المستوى الهزيل اين ايام العابد !!

لازم زرع الروح باللعيبة مثل الشمراني


يناس فيه 3 لعيبة لو تم اعطاءهم الفرصة راح يبدعون 1-عطيف اللي مكانه مثل هرماش 2-الظهير الايسر لل اولمبى لايحضرني اسمه 3- خالد الكعبي


اتمنا ان تكون تشكيلة الهلال


الشمري

الشهراني اجنبي المولد اسيوي

كريري الجبرين (عطيف , الفرج)

اجنبي سريع ومهاري نيفيز سالم

الشمراني (ياسر , السالم )



اللي بيقول غيرت جلد الفريق بقوله اللي الحين لا فيه تناغم ولا احس ب انهم فريق قادر على جلب اسيا او المنافسة ولا احد من المحترفين غير نيفيز المتاقلم اتمنا ان تكون هذي تشكيلة الهلال

السلام عليكم و رحمة الله و بركاته

الحمدلله على كل حال وكل شيئ مكتوب و مقدر و هارلدلنا يا زعماء آسيا

خسرنا 3 نقاط دورية و هي ليست نهاية المطاف و لكن اتمنى مناقشة الاسباب

من وجهة نظريالشخصية الاسباب هي كالآتي:
1- فترة التوقف اثرت على الفريق و في انخفاض مستوى فريقنا الهلالي ككل.
2- الدفاع الهلالي للاسف كان فيه ارتباك واضح و ايضا التباطؤ الي يرفع الضغط في تخليص الكرات.
3- الدفاع بالغ في المحافظة على الكرة
4- عدم وجود ضغط على حامل الكرة من لاعبين خط الوسط
5- غياب تام لاجنحة الفريق ( كابتن سالم و كابتن نواف)
6- النصر نجح في عزل المايسترو تياقو في وسط الملعب و عندما تحرر تياقو صنع هدف الهلال
7- مركز الحراسة بقيادة الداهية السديري. والله انا ما ادري وش الي يدور في ذهن هالحارس. خروج خاطيء و تشتيت للكرة خاطئ و تمرير الكرة ايضا خاطئ
8- المحاور للاسف لم نشاهدهم طيلة المباراة، عبارة عن اشباح في الملعب.
9- الكابتن نواف العابد عليه اكثر من علامة استفهام و المفترض وضعه في الاحتياط لمراجعة نفسه.

ولله الحمد استقطبت الادارة الكابتن فايز السبيعي و الكابتن عبدالله الحافظ و الكابتن عبدالله عطيف.
اتمنى ان نشاهدهم بدلا من السديري و المسلم و كاستيلو في قادم الايام.

اتمنى ايضا ان يتم استقطاب قلب دفاع بدلا من الكوري هوان لانه سريع النرفزة و خشيت ان ينطرد في الشوط الثاني لقيامه بحركات كادت ان تعصف بدفاعاتنا اكثر و اكثر.
اتمنى مشاركة الكابتن عبدالله الحافظ مع الفريق الاول و الكابتن عبدالله عطيف بدلا من الكوري كاستلو و احضار جناح ايسر اجنبي مثل ويلهامسون اذا ما استمر العابد على هذه المستويات و لان البديل الكابتن الشلهوب لا يستطيع لعب مباراة كاملة برتم واحد

هارد لنا خسارة الثلاث نقاط و لعل اسباب هذه الهزيمة تجعل من الكوتش سامي ينتبه لنقاط الضعف و تكون هذه نقطة التحول للامام باذن الله

اتمنى ان ارى ردودكم و مشاركاتم الهادفة

و السلام خير ختام

السلام عليكم صبحكم الله بالخير ... تمنيت هـ المواضيع تكون مطروحه من قبل عشان جمهور الهلال يبدي رايه الفني مابعد كل مباراه ....
بالنسبه لي انا أقول التوفيق بيد الله سبحانه اولا واخيرا والهلال بكل صراحه لم يظهر بربع مستواه المعهود عنه في المباريات السابقه ... وانا حللت هـ الاشياء لعدة اسباب ... السبب الاول أن الفريق لم يهيء التهيئة النفسيه الصحيحه وشفنا الارتباك الواضح طوال فترات المباراهه ... السبب الثاني ضعف منطقة الدفاع والحراسه وخصوصا وأتمنى من الاداره بما أن فترة الانتقالات الشتويه على الابواب انها تبحث عن بديل للكوري اللذي اتضح انه ضعيف في ارتداد الهجمات على مرمى الهلال بالاضافه للمدافعين السعوديين الموجودين في قائمة الفريق أتمنى تغير جذري لخطوط الدفاع وانا اقصد المسلم + الكوري + المرشدي + الزوري..... السبب الثالث أن مدرب النصر قرأ المباراه جيدا ولو ترجعون لشريط المباراه وتناظرون الشوط الثاني خصوصا بعد تغيير نواف العابد واشراك اللاعب محمد الشلهوب قام المدير الفني لنادي النصر بأشراك يحيى الشهري ... لأنه عارف ان محمد الشلهوب ضعيف في المنطقه الخلفيه .... والسبب الرابع هو عدم خبرة الكأبتن سامي الجابر في المجال التدريبي ابو عبدالله يبيله وقت على شان نحكم عليه واتمنى م احد يقسى عليه بهـ الفترهه نبي نسانده ونوقف بصفه ... والسبب الخامس هو تغيير سالم الدوسري اللي كان الفريق بحاجه لاختراقاته في الجناح الايمن المفروض بدل نواف العابد مايشرك محمد الشلهوب يشرك يوسف السالم ... ويخرج عادل هرماش اللي كان تايهه طول المباراه ويشرك محمد الشلهوب ... ونتذكر ايام كالدرون كان يشترك محمد الشلهوب في مركز عادل هرماش وكان ناجح بهـ المركز خصوصا ان محمد الشلهوب عنده اللعب باللمسه الواحده الي يقدر من خلالها الفريق فك اشتباكات الدفاع للخصم .... وبهـ الطريقه وبهـ التغييرات يتحرر كل من تياقو نيفيز وناصر الشمراني ... انا اشوف الكابتن سامي الجابر يخاف من المغامرهه في اكثر الاحيان ... ي كابتن سامي الخساره بواحد مثل الخساره بعشره ... المفروض حررت لاعبين الوسط من الرقابه باشراك الشلهوب لانه مهاري بدل من هرماش ... وانا مع الكابتن سامي باخراج نواف العابد لاكن المفروض بدل نواف العابد يوسف السالم لتمكن الاخير من الكرات الهوائيه وتحرير ناصر الشمراني من الرقابه والابقاء على سالم الدوسري الي كان مشغل الجه اليسرى بالاضافه بالتعاون مع الشهراني ولو تلاحظون ان ياسر الشهراني بعد تغيير سالم الدوسري ماشفناه يتقدم كثير وكان الفريق بحاجه لهـ الشي لان الكابتن سامي اخرج العنصر النشط الي هو سالم الدوسري ......

امنيه من الكابتن سامي الجابر .... السديري هذا مافيه حارس غيرهـ ؟؟؟؟؟؟؟

ومشكور اخوي على الموضوع اللي اكثر من رائع

لقد هرمنا وتعبنا ونحن صابرين على هذا السديري الى متى !!


بالمختصر كل مشاكل الهلال في هذا الحراس وهنا تتأكد المقولة الحاااارس نصف الفريق.