ياعمي من جدك انت السديري قسمم بالله مايعرف يصد كوره زي الناس ..
السهله تدخل والصعبه بعد تدخل حاارس فااشل وجباان ..
لايعرف يتمركز وخشاته للكوره غلط ..

والله حرام يلعب ب الهلال المفروض يلعب بـ الرائد وله الفيصلي وله حتى هجر

أخالفك الرأي !!
عبدالله العنزي لو بقى على جمهور الفقر .. دج
عبدالله العنزي عنده مدرب حراس كان حارس عالمي

-

فهد الشمري فعلا ما خذا فرصته عمره في الثلاثين ولا شفناه لعب مباراة رسمية ابد
اذكرها اخر مباراة له كانت وديه قبل بداية الدوري فهد الشمري وفايز السبيعي
فيهم الخير وان شاء الله عبدالله السديري يهتم في نفسه شوي لحماية عرين الملكي
وتطور شوي من مستواه

ياليت يصير فحص على المنشطات ونشوف سبب تألق الاخ

انا اشوف السديري ممتاز بس البلا من الدفاع اللي مايتمركز صح واذا تبون الجد انا اشوف الكسار والرويلي احسم من العنزي اللي خدمه دفاعهم والمباريات المناسبة لمستواه مثل الشعله ونجران ومدرب الحراس حقهم اسمحلي من جنبها

الارقام تتحدث
دخل في مرماهم هدف وحنا 8 ..
بدون تعصب العنزي بسراحه للمنتخب ويستاهل
وكلنا سعودين لاتكبر السالفه
.....................

شباب مدرب الحراس له دور اشوف مدرب الحراس سئ بعد القاسم

عبدالله السديري بداياته افضل من بدايات عبدالله العنزي السديري كان حارس ممتاز لدرجة اني قلت هذا خليفة الدعيع لاكن فجأة هبط مستواه بشكل مفاجئ وصار حارس عادي
اما عبدالله العنزي كان حارس هفواته اكثر من ابداعاته لاكنه اشتغل على نفسه كثير والفضل الاكبر بعد الله هو مدرب الحراس الاسطوري هيقيتا اشتغل عليه لين صار ممتاز
وللمعلومية ترا هيقيتا في عام 2008 كان هو مدرب حراس فريق يوفينتوس الايطالي

العنزي نحيف وعنده مرونه على الطيران للكوره حتا لو كانت صعبه

هذا الي يفقده السديري ! السديري جسسمه سبب كبير بعد تالقه من بعد الدعيع ماعندنا حارس

نعووول عليه للاسسف شرحيلي دمر نفسه بنفسه جابت الادارة السبيعي وكان غلط منها

السبيعي لايقل عن السديري كان المفروض الفلوس الي جابوه فيها جابو الرويلي ولا الكسار

من افضل الحراس اما السديري مستحيل يبعد ووزه مانقص ......

إقتباس الرسالة الأصلية كتبت بواسطة هلاليه باخلاقي فعلا ليت الادارة تلتفت لبعض من يطلقون ألفاظ مثل التي أطلقتها انت سلقهم ؟؟ والله عيب احترموا الناس والأشخاص عشان الناس تحترمنا

طبيعي يصيرون سلق لان من يروح يسجل بمنتدى فريق ثاني عشان ينشر ثقافة تحطيم مجاديف الفريق بيصير سلق ولو هلالي يروح يزيف معرف ويدخل على انه نصراوي وينشر نفس التفكير هذا يستحق يقابله نفس الشي انا مشجع هلالي. قبل تولد ولا عمري قعدت استهبل وادخل منتدى فريق ثاني عشان كلام مثل هذا وأبشرك حتى مباريات النصر ما أتابعها ، فقط يهمني فريقي ووش يأدي وإذا بتقارن الهلال مع النصر معليش انت تتكلم عن فريق ثابته التشكيلة الأغلبية من فترة والمدرب مع الفريق من فترة موب هالموسم فقط بداء مع الفريق ومع هذا ومع التغيرات الي بالهلال شف حنا وين بالمركز الثاني ولو عندنا مشكلة بالدفاع شف هجومان قوي وكم محقق أهداف للأسف ومن المحزن ان جمهور الهلال الكبير جداً ضعيف الثقة بفريقة وبالمقابل النصر اخر بطولة حققها من ايام ما كان صغار ولليوم جمهور النصر يعشق فريقه ويثق فيه انه راح يعود. شفت الفرق بالتفكير وجمهور النصر يمارس كل الطرق في الضرب على رأس المهزوزين من جمهور الهلال ، مثل بتوتير كثير حسابات تتدعي شخصيات مزيفة عشان تسب سامي و الهلال والمشجع الهلالي الحقيقي ينأى بنفسة عن تصرفات مريضة مثل هذي ويوجه دعمه وثقته للفريق بالمنتديات او بتويتر او بالملعب ومن حقي عالاقل أني اسمي من فرغ نفسه للقدح الهلال بجميع الطرق حتى بالتقية أني اسمه سلق وتراه من باب التأدب ولا يكرم السلق بعد

محد يقدر ينكر ان عبدالله العنزي افضل حارس الى الان بالدوري حسب الارقام !

لاكن على قولت الاخوان اللي قبلي النصر الى الان ماواجه فرق قويه هجوميا"

والسبب الاول في تطور مستواه يعود لمدربه وعزيمة اللاعب قبل كل شي

بخصوص عبدالله السديري اللاعب نزل مستواه بشكل وااااااضح

اتمنى المدرب سامي ينتبه لمستواه ولاراح يتطور مستوى عبدالله الا اذا كان هناك عزيمه واصرار


وسلامتك

اللي طور العنزي مدرب الحراس هيقيتا كلمة حق

إقتباس الرسالة الأصلية كتبت بواسطة ذوق الزعامه السلام عليكم الكثير منا يتذكر تماما البداية المتواضعه لحارس النصر عبدالله العنزي, وكيف كانت شباكه تتلقى الأهداف في الوقت الذي كان يجد فيه التشجيع من إدارة وجماهير النصر, وهو ما صنع منه نجما تتمنى كثيرا من الأنديه لو كان حاميا لعرينها. كل ما أردت توضيحه أن لدينا موهبه أخشى من أحتراقها, فقد مثل المنتخب السعودي لفئتي الناشيئين والشباب, وقدم مستويات جميله في كأس العالم للشباب وبإشاده من رياضيين ومراقيين حتى وصلو الى دور ال16 في مواجهة العملاق منتخب البرازيل. أنه عبدالله السديري يا ساده يا كرام، فهو يحتاج الى تشجيعكم والصبر عليه, موهبه لم تينع بعد, صغير بالسن وله مستقبل بأذن الله. هذه رسالة محب لجمهورنا الغالي فإن أصبت فمن الله, و أن أخطات فمن الشيطان ودمتم ,,

باختصار لان لديه مدرب حراس متميز