احمدلله على الثلاث نقاط
بالتوفيق للزعيم في باقي المشوار
حمدا لله على عودة القناص روح الزعيم

تشكيلة اليوم أشوف انها مثالية باستثناء :

اولا : الكوري
انا ما ادري الى متى نجيب لاعبين أجانب ونأهلهم
مثل الكوري هذا حرام والله يلعب أساسي
بدل ما ناهل شايب كوري نجرب لاعبنا الحافظ اللي جاي من دوري قوي مب من السنغافوري
وله سنه ما لعب بعد


ثانيا : الفرج
اللي ما يصلح يلعب ظهير ، جسمه سيء جدا ونازل مستواه وقاعد يجرب مهاراته بالصندوق
أشوف يلعب البيشي او الدعيع يمين والشهراني يسار افضل بكثير

بصراحه فترة التوقف والهجوم الاعلامي والظغط الجماهيري بعد مباراة الرائد عامل عمايله المسلم ممتاز وتحسه لاعب واثق من نفسه مو زي المرشدي

واتمنى استمراره لكي يثبت نفسه وله مستقبل باهر وبنيه جسمانيه رهيبه ماشاء الله عليه

العابد نقظة ظعف واضحه في الهلال لا اعلم سبب تراجع مستواه

انا اشوف المبارة هذي موب حكم على الهلال خاصة انها بعد فترة توقف وطريقة لعب التعاون كانوا متكتلين بشكل رهيب وصعبوا المبارة على الهلال ما في مجال تلعب كورة
لكن يظل مشكلة الهلال عدم وجود تفاهم بين اللاعبين داخل الملعب بالشكل المطلوب و هو ما يتسبب في بطء الكورة واخطاء التمريرات الي تموت كثير من الهجمات الهلالية

المباراه متوسطه السديري جيد وياسر جيد وسالم جيد ونيفيز جيد والبقيه ادو مستوى مقبول
مشكلة الهلال تكليف الفرج باللعب بالظهير وهو لا يتناسب مع هذا المركز لو لعب الشهراني يسار والبيشي بديلا باليمين لكان افضل . المسلم شكله يبي يلعب ظهير هل لان الفرج ضعيف بالظهير او طريقته كذا ؟
هل يتابع سامي المباريات مسجله ؟ وهل يرى مستوى الفرج في الظهير ؟ الله يستر على الزوري
شكرا للجميع

ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم
بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟

تنظيم الدفاع نظرا للسابق يعتبر جيدجداً .
وبناء الهجمه بطيء جداً..وهذا عيب الهلال
والمدرب وفق بشكل كبير في جميع التبديلات .


ماهي أبرز السلبيات والإيجابيات التي دونتها على أداء الفريق خلال المباراة ..؟

ابرز السلبيات
البط في بناء الهجمه ..؟
تضييع الفرص السهله امام المرمى ؟
خطا الكوري الفادح في هدف التعادل ..؟
تدني مستوى الفرج والشمراني وهرماش .؟
ا ابرزالايجابيات
الحصول على ثلاث نقاط بعد الخساره والتوقف الطويل
عودة ياسر القحطاني لمستواه المعتاد.
خروج الجماهير الهلاليه وهي مسروره .



ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول ؟


الحارس .. جيد جداً
الدفاع .. جيد ماعد االفرج لم يقدم المستوى المامول منه .
الوسط جيد جدا ماعاد العابد وهرماش مستواهم ضعيف .
الهجوم
ناصر الشمراني لم يقدم اي شيء في مبارا اليوم
وياسر القحطاني ممتاز جدا وهو
نجم المباراه بلا منازع ويكفي انه قاتل حتى سجل هدف الفوز .

ماهي رؤيتك الخاصه عن المباراة (( مساحة حره للعضو ))؟

مباراه تعتبر من اصعب المباريات التي
يتطلب الحصول على نقطاها خصوصا بعدالتوقف والطمع الكبير لدى التعاون في نقاط المباراه .
وتعد التشكيله بعد دخول ياسرالقحطاني و وعبد العزيز الدوسري افضل تشكيله للهلال منذ بداية الدوري ..

وشكرا لكم مع احلى الاماني

مستوى مافيه سيء جدا جدا جدا وخاتصا من اللاعبين ( الكوري - الفرج )


-----------------------------------

خانه المحور الدفاعي ضعيفه جدا.. لا محليين ولا اجانب يقدر الفريق يتكل عليه
زد على ذلك الدفاع ضعيف.. نحتاج قلب دفاع + ظهير ايمن محليين
النتيجه ان كل ما الهجوم جاب نتيجه جاك الدفاع وخبصها
كنك تعبي قربه مخروقه

يحي المسلم يعاب عليه البطئ وكذالك الفرج
التمرير في الهلال يحتاج الى تمارين اكثر
نواف العابد ؟؟
بشكل عام الفريق يحتاج فاعليه اكبر في الشق الهجومي والمسانده من وسط الملعب هرماش بالذات
ولكن التوقف اضاع الشي الكثير من انسجام الفريق

مصيدة تسلل من المنتصف تقريبا وتناقل كره في المحور لغرض التناقل فقط ..؟ لعب بالنار ..فكر فيها جيدا ...
حدث هذا قبيل هدف التعاون

شكرا
غلطة الشاطر بألف
دائما تلج شباك الهلال أهداف بعد قطع الكورة من المدافع
الدفاع يحتاج لنعيمة ثاني