|
بعد قرار الغرامه وعدم حضور الجماهير! سنحضر بطريقة جديدة السلام عليكم ورحمة الله وبركاته، بعد القرار الغير مستغرب، باعتقادي انه قرار لتكسير مجاديف الهلاليين من الادارة إلى الجماهيري العظيمة، لدي اقتراح بسيط واتمنى اننا نسويه، وان ما صار، تظل فقط فكرة، القرار هو فقط( عدم الحضور للمدرج )، اقترح ان تكون الرابطه قريبة من ارض الملعب وبمكبرات صوت كبيرة مثلاً في مواقف السيارات، ويتم أداء الاهازيج عن طريق مكبرات الصوت لتصل إلى اللاعبين ولو بشيء بسيط وهذا دعم بسيط وإثبات ان الجمهور مع الفريق سواء حضرت المدرج ام لا.. ويتم متابعة المباراة عن طريق الجوالات.. سنشجعهم أينما كانوا واينما نكون. سواء عاقبوا الجماهير، نحن سند وعون لهم في السراء والضراء عشقنا لهذا الكيان لاحدود له. اخوكم محمد بن عبدالله |
ههههههههههههههههههههههههههههه ابد ما تجي هـ الحركه الله يسسسعدك |
لا فيه طريقه اجمل نحضر كمشجعين للشباب واتحداهم يقولون كلمه واحده |
والله مااقدر اقول الا الله يذكر ايامك بالخير يامحمد بن فيصل اتحدى لو هو رئيس النادي ان تجرؤ لجنه الانحطاط ان تعاقب الهلال واقول للاادارة الحالية خلوا المثالية تنفعكم وشكرا لك |
وش ها المكبرات اللي بتوصل لهم .. .. |
اقول مع نفسك ههههههههههههههههه من جدك انت تقول مجنن |
إقتباس:
محنا ناقصين يمددونها كمان مبارتين عندك اداره الله بالخير حقنا ما نقدر نأخذه وغيرنا مالهم حق ويطالبون فيه حسبنا الله ونعم الوكيل اما بالنسبه للرابطه هم ما حمسوا احد وسط الملعب تبي صوتهم يوصل من برا ع العموم الله يعطيك العافيه وهذي الفكره نابعه من محبه |
الان الرابطه في المدرج ولا لها صوت تبيها خارج الملعب والصوت يوصل ^_^ قويه يا محمد بن عبدالله |
الا وانت الصادق مثل ما اندس جمهور الاصفرين بين الجمهور الهلالي وتسبب لهم في هالعقوبه عليكم معاملتهم بالمثل ورد الدين للاصفرين من خلال التواجد بين جماهيرهم . |
ففككرةة حلووه والا بعد نتجمع امام الاستاد وذا سجل فريقنا هدف نحتفل ونهيجن هههههه خل الوباء الاصفر يموت غبن |
تترك فريقك وهو في امسى الحاجه لك اعتقد انك ليس هلالي وانك مندس اتمني من جماهير الزعيم تعبه الملعب عن بكره ابيه بعد المباراه التي بعد مباراه الشباب .. اما نترك المدرجات ونشجع من مواقف السيارات فاعتقد انك كشفت نفسك بنفسك واتمني من المشرفين حذف الموضوع |
جماهير الزعيم علينا الحضور كجماهير للشباب . |
إقتباس:
فعلاً طريقة مجدية لأن جمهور الشباب قليل وماراح يعارض بهالشي اهم شي بدون اعلام تدخلو بعدين يبداء التشجيع بكل قوه ساعتها ماراح احد يسوي شيs13s |
عسى م خلاف !! المشكلة ماهي بالحضور المشكلة طال عمرك في ربعنا اللي خامدين !! ي حبيبي أنت في دوري الاحداث اللي برى الملعب أكثر من داخلها !! .. |
انا عندي حل ندخل هجوم كلنا يالهلاليين ونشوف المباراة بالغصب حرامم اللي يصير ياخوانن الادارة حقت الاتحاد السعودي من يوم شفت الحول محمد عيد غسلت يدي حسبنا الله ونعم الوكيل على كل ظالمم |
' لمباراه على ارض الهلال يالحبيب واعتقد يمنع دخول كل الطرفين لانها على ارضك مثل مباراه النصر والاتحاد قبل كم سنه |
ولماذا سكت الاتحاد السعودي عنهم سابقا يريدونها حرب فلتكن احضروا مع اي فريق ضد الاتحاد ورددوا نيجيريا نيجيريا |
واضح ان النيه مبيته يالجنة الانحطاط. هذه اللجنه الصفراء خططت لهذا الوضع واصطنعت الحدث بالرغم انه لم يثبت. انتظرت لتمر مباراة الرائد ولكي تحقق الغايه الصفراء تم توقيت العقوبه لتكون مع فريق قوي. ليكون التأثير النفسي على اللاعبين اكثر ويستفيد فريق اصيفر وتؤول النتيجه للشباب. التأخير تم بحجة التاكد من القضيه فنجد ان الدليل سي دي قام بتاليفه منتج اتشادي يتم اعتماده. اقسم بالله ان سكتت ادارة الهلال فلن تكون بنظري يوما من الايام اداره محترمه تقدر جماهيرها. وتستحق هذه الاداره كل ما يجري لها. فالمثاليه ليست ان تترك خدك يصفع من كل اتجاه وانت تصدر بيانات هشه لا تسمن ولا تغني من جوع. افيقوا يا ادارة الهلال ويا هلاليين. فإما حقوقنا تحفظ واما لا تلومونا ان عمدنا الى اخذ حقنا كجمهور بصوتنا. فمن المباراه القادمه سوف نرفع لافتات في كل مباراه تطالب باسقاط الاتحاد ولجانه. واجزم ان كثير من جماهير الهلال ستفعل ذلك فما يواجهه الهلال شيء لا يحتمل ولا يمكن السكوت عليه. .. رئيس لجنة الانحطاط بكل بجاحه يقول انه لم يطلع على بيان ادارة الاتحاد. ولكنه ذهب ليبحث وينبش ادغال اليوتيوب ويتلقف تزوير المزورين ويصدر بموجبه قرارات ظالمه لجمهور الهلال. اما من يصفه بقليل الادب فلم يطلع على بيانه. . احتجاج ( يسقط يسقط .. احمد عيد) ( الجماهير السعوديه تطالب برحيل احمد عيد ولجانه) |
إقتباس:
|
ندخل بشالات نادي الشباب ونشجع ولا خلصت المباراة رمينا شالهم |
نجيب مكبرات صوت من محلات الزل بس والا من وين ؟ ومن عليه الفلوس؟؟ الحمدلله بس! |
أقترح ع الجمهور ملأ مدرجات التعاون .. وتحميس اللاعبين ورفع لافتات لهم .. حتى يعلموا أن الجمهور معهم ف السراء والضراء.. وحسبي الله ونعم الوكيل ع من أصدر القرار.. والله يفضحهم قريب.. |
موضوعك مسخرررررة مع إحترامي لك |
أصلا هذا هو اللي يبونهـ ، عدم حضور الرقم الصعب فالهلال وهو الجمهور الهلالي ! جمهور الهلال ما شاء اللهـ هالموسم متصدر الحضور وبفارق كبير عن أقرب منافسينهـ، والهلال مصدر كل القوائم ما شاء اللهـ أقوى هجوم وأكثر حضور ~ فعشان كذا يبون يحبطون الهلال وتعطيلهـ بفقدان الرقم الصعب ! لا تعطونهم فرصهـ يحققون فيها أهدافهم ! وبالعكس من رأيي يحضر الجمهور المباراهـ اللي بعدها ويشجع بحماس أكثر من قبل =) شكرا لكـ ~ |
عادي ندخــل بدون اعلام - اذا بدأت المباراه كل الجمهور بصوت واحد متواصل (( هـــلال هـــلال )) وكل ماكان الجمهور كبير والصوت موحد صار الوقع اقوى وخل القناه الناقله بتاع السيديهات تتوهق |
حبيبي عندك رئيس جبان ومثالي انا غاسل يدي منه يوم قال لرادوي غط صليبك رغم ان مافيه اي قانون يمنع رادوي من عرض صليبه والامر والادهى اجانب الانديه الاخرى كل واحد في يده صليب لاترتجي من هالرئيس شي لاهوب الي دافع ولاهوب الي خرش عليهم حتى بيانه بيان واحد مستحي اللهم لاشماته الله يذكر ايامك يامحمد بن فيصل |
مافي حل غير نندس مع جمهور الشباب |
مع كامل الاحترام لآراء الجميع . لاتستعجلون بالأحكام والقرارات . ننتظر الاستئناف فإن قبل فأهلا وسهلا وإن رقض فنحن من يعلم الغير احترام القوانين والقرارات حتى وإن رأينا فبها إجحافا بحقنا يجب أن نمتثل للقرارات . لن نعجز عن دخول الملعب لو أردنا ذلك ولكن الحكمة العقل تفرض علينا كجمهور واع أن ننفذ القرارات وندعوا الله أن يزيل عنا هذه اللجنة اللتي لا تبحث إلا عن زلات الهلاليين . أين هم ممن بدا بالإستفزاز ؟ وأين هم عندما ألفت الأهزيج المسيئة خصيصا لنجمنا ياسر القحطاني ؟ أليس الاتحاديين هم من ألفوها ونشروها ؟ وما يقهرك إلا أن الاماراتيين استطاعوا أن يلجموا الجماهير التي تغنت بإهزوجة الاتحاديين ضد ياسر . بينما هنا اللجان نائمة وتصم آذانها عن كل الجماهير ما عدا جمهور الهلال حتى وإن كان جمهور الهلال مستفز من الجماهير الأخرى بعبارات يسمعها القاصي والداني إلا أن ذلك لايسمع ولا يتخذ فيه أي قرار وكأن العقوبات لا تشملهم لأنها خاصة بالهلال وجماهيره . |
بالعربي الفصيح ريسكم ( رخمه) لا يسرحها ولا يضويها !!! كاتمينه كتم نواف بن فيصل وشلته خايف يصرح ويغرمونه !!!! الهلال اصبح ملطشة للكبير والصغير في عهده .. |
والله الحل في يد ادارة الهلال شوفو الاتحاد استطاعو ان يعاقبون الهلال بالصياح جند الصحافه والاعلام ضد الهلال وادارة الهلال من اكبر راس لاصغر راس المثاليه شعارهم مدري ليه لكن الله يمهل ولايهمل وينصر الهلال |
اتمنى رفع القرار للفيفا وحتى وان ثبت ان جمهور الهلال اساء لنادي الاتحاد فهم فعلاً كنيجيريا وايضاً استغرب ان تفرض على الهلال عقوبتين غرامه ومنع من الحضور وخبيلان كل مباراه واهو نازل الملعب ويتحدى اللجان وهم لم يصدروا اي شي بخصوصه |
في مشجع هلالي عاقل يترد المدرجأت لا ياحبيلي موضوعك ماهو منطقي ولا اذأن انو الجمأهيرة تسويها صحيح فروض علينا عقوبة لاكن بي اذأن الله نحصد ثلالث نقاط والي يقول نروح مدرجأت الاصفيرين ترا احنا عقولنا مو زي عقولهم تكفون ياملوك لاتسون أشيأء يفعلها العقةل الناقصة من الاصفرين انا مو ذأبحني الي حقدهم الي صار مكشةفة اخرة تهمة لي جمأهير الهلال هم من قامو بي دخول بيت الحرساهم العنزي وربي انهم ماع ما عندهم عقل الحقد عماي قلبهم هي مبارة وحدة وتعدي ان شأء الله |
اللي يقول محمد بن فيصل اقول له قوة محمد بن فيصل راحت مع سلطان الخير الله يرحمة ويغفرله الان وقت المؤامرات والاجتماعات في الاماكن المظلمة وهذا ما لا نرضاه على انفسنا هذا التعصب والامراض النفسية تعمي البصر والبصيره |
- هههههههههههههههههههههههههههههههههه مو معقول هالكلام انا اقول لو تحضروا تمارين الفريق قبل المباراه كـ دعم معنوي ولوجستي للعيبه يكون افضل :s2: :d |
الحل الحضور كجماهير لنادي الشباب |
بالنسبه لنيجيريا مافيها اي اساءه لان اصل لاعبين التشاد وجماهيره نيجيريه بقايا حجاج وفيه طروش بحر بس نيجيريا لان لعبهم خشن مثل المنخبات الافريقيه سلملي على الاتحاد الاماراتي الي دافع عن قائد منتخبنا في ظل رضا لجنة الانبطاح السعوديه عن قذف قائد المنتخب لانه هلالي!حسبي الله ونعم الوكيل حركتهم اسم دوله ولم تحركهم قذف انسان مسلم وقائد المنتخب لانه هلالي ! |
إدارة ابن مساعد ماقصرت عملة استئناف وسيقبل بمشيئة الله ويكون الكلام اللي في موضوعك كله ماله داعي مع فائق الإحترام ي و س ف :smilie47::smilie47::smilie47: :smilie47::smilie47: :smilie47: |
مع كامل الاحترام للبعض الا ان بعضهم مدرعم وبعضهم يستحي من التشجيع وبعضهم ماهو للكوره انا اقول شكرا لصاحب الموضوع هذا دليل حبه للهلال مو مندس او يبي نصير مسخره الظاهر ان اللي ردو حدودهم محليه مايتابعون عالميا تدرون ان هذه الحركه تحصل في دول كثيره عندما يعاقب الجمهور يتجمعون حول الملعب او في ملعب ناديهم ويشاهدون اللقاء كدعم وان قدرو يوصلون صوتهم يفعلون التشجيع فنون مو استايل واحد الا عندنا كل شي عيب وممنوع:ba:انسى اخوي مع جماهيرنا السعوديه حدهم الحضور نهائيات وكانهم في حفل مو مباراه للمتعه |
افضل طريقة الحضور في المدرج الشبابي ومساندة الهلال |
الحل نضبط الحراسه والاظهره ويتراجع هرماش للوسط قريب من كاستلوا ولا يضر اللاعبين مباراة بدون جمهور الان التفكير في التعاون الى يقدم مباريات قويه وكبيره الحذر منه لايشغلوننا عن الاهم يجب ترك الانضباط للاداره وعلى نياتكم ترزقون |
الحضور لازم يكون عند النادي لكي نحمس اللاعبين والمفروض نركب شاشه كبيره خارج الملعب لكي نحتفل امام باص الزعيم جميعا بالتوفيق للزعيم:alzaeem: |
ولا احسن ندخل مع جمهور الشباب وننتقل بعدها للمدرجات الهلالية ملاحظة فكرتك ممتازة |
بنتظار الاستئنااااااااااااااااااااااااااااااف |
إقتباس:
|
فكرة الدخول كمشجهين شبابيين افضل فكرة ولكن دون تشجيع الهلال ولا الشباب عليكم بالصيحات فقط وعدم شل اهزوجات خلوهم يموتون بغيظهم ولا يلقون ع جمهور الزعيم اي دليل :) |
ههههههههههههههههههههههههههههههههههههههه |
شفتم بعينك جمهور مباراه الرائد يكسر الخاطر ـــــــــــــــــ سامي يلوح للجماهير بالحضور ــــ صدقني لو الملعب كان زي مباراه العرووبه والهلال أ, الهلال والاتحاد ــ بيأثر سلبا على الرائد ولكن ــ الحمد لله على كل حال شوف جماهير الهلال في الغربيه ــ ـ حتى لو امام الوحده سابقا ــ وامام الرائد والتعاون في بريده ــ وامام الفتح في الاحساء وامام الاتفاق في الشرقيه ـــ ياخسسسسسسسسسسسسسسسساره الثلاث نقاط من الرائد ،،،،،،،،،،،،،،،،،،،، والان بنلعب مباراه الشاب بدوون جمهورررررررر جمهور الرياض ما تحضر الا اذا كانت المباراه امام الانديه الكبيره ــ الشباب والنصر والاهلي والاتحاد ــ المفرروض الدعم ناخذ النقاط من الفرق المتوسطه والصغيره ــ |
سوها في بطولة الخليج فريق الوصل بعد منع جمهوره من الحضور بسبب النصر يومها وحضر الجمهور والرابطه بخارج الملعب وكان الصوت واصل للملعب كانهم موجودين بداخله ليش مانسوي نفس الطريقه ومع مكبرات الصوت ومع الحضور الجماهيري بنصول الصوت المهم نوقف مع الفريق |
تخيلوا الان اذا تعاقدنا مع لاعب نيجيري محترف ومستواه مميز وابدع بمباراة الاتحاد والجماهير الهلالية بتحيي اللاعب وتشكره وبتردد نيجيريا نيجيريا بذكر اسم بلده وحمل علم بلاده بالمدرجات ماذا سيكون رد فعل لجنة الانحطاط هل ستدخل بالنوايا ولا بتشوف مستوى اللاعب يستحق التحية ولا لا |
عادي بتكون مباراة بدون جمهور للفريقين |
افضل طريقة هي الحضور كـ مشجعين شبابيين و اتمنى يتم التفاعل معها من قبل جماهير الهلال |
الدخول مع جماهير الشباب افضل <<جالس مع الشباب وتشجع الهلال ههههههه حلوه وصدقوني بينغبن الاتحاد السعودي بكبره |
يجب على ادارة الهلال جمع الاساأت التي حدثت من جماهير الاتحاد والاهلي التي وجهت للهلال والهلاليين في المبارتين السابقتين ووضعها بcd وتقديمها للجنة الانضباط لتسجيل موقف وشكوى |
متأكد انكــ هلالي يالحبيب ؟؟؟!!! |
الحضور بمدرج الشباب .+ والتفاعل حتى يصل صوتنا للخشبيه ونغطي على نقشبندي ونبلغهم انه مستحييييل يمنعون جمهور الهلال من مآزرة عشقهم الأبدي اتمنى انشاء حمله منظمه والتواجد بالمدرج الشبابي وتحديد مكان مخصص من المدرج لتجمع فيه |
إقتباس:
+1 الله يسعدك والله نفس الطريقة الي فكرة فيها وراح اطبقها انا وراح احضر الملعب كاني مشجع شبابي وراح اقعد في مدرجات الشباب وراح اتابع المباراة ولاكن بصمت وبدون اي تشجيع سوا الهلال سجل او ماسجل ( بس خوفي الهلال اذا سجل هدف ان شاء الله افرح وانكشف والله يستر بعدها وش بيصير ههههههههههههههه ) |
إقتباس:
انا معاك الحضور بمدرجات الشباب ولاكن بصمت وبدون اي تشجيع وبدون حمل علم الهلال |
ليش ما يدخل جمهور الهلال على اساس انهم مشجعين للنادي الشبابي يوم منع الجمهور الهلالي من الحضور وخلاص :$ |
اللي يقول يبغى يجلس مع جمهور الشباب اصلا المنع للكل لانها على أرض الهلال هههههههههههههههههههههههههههههههه بالتووووووووووفيق للملكي |
إقتباس:
ههههه من جدك انت المباراه بدون جمهور يعني حتى الشبابيين ممنوع دخولهم |
| الوقت المعتمد في المنتدى بتوقيت جرينتش +3.
الوقت الان » 07:24 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd