اي تكتيك اخي العزيز الهلال جميع مبارياته يلعب بدون هويه اجتهادات الاعبين فقط

سامي حد الان لم يثبت وجوده حبنا لسامي خلانا مانشوف السلبيات باختصار الهلال غير مستقر حد الحين

إقتباس الرسالة الأصلية كتبت بواسطة Hassan9731 اي تكتيك اخي العزيز الهلال جميع مبارياته يلعب بدون هويه اجتهادات الاعبين فقط سامي حد الان لم يثبت وجوده حبنا لسامي خلانا مانشوف السلبيات باختصار الهلال غير مستقر حد الحين

كيف بدون تكتيك واجتهادات لاعبين ؟؟؟

مستوى الهلال في تصاعد ولله الحمد ولاكن الزوري والمرشدي هم نقطة ضعف الهلال

اما مسألة حبنا لسامي خلانا مانشوف السلبيات

الكل تكلم عن سلبيات الفريق ورح شف موضوع (( ارائكم بعد مباراة الاهلي ))

ثم تعال تكلم وبعدين انا ملاحظ ان لك اكثر من اربع مشاركات ضد سامي وانك غير مقتنع فيه !!

والهلال ماشي بالبركه << هذا كلام اعلام الاصفر تقعد انت تردده علينا !!

الهلال متصدر وفايز على الاتحاد بخمسه ولعبنا مع الاهلي وسيطرنا اول 35 دقيقه وضيعنا فرص ورح شف الملخص وراح تعرف ان الهلال يستاهل الفوز ولاكن وش نقول مع الاستهتار بالفرص


ماقول الا الله يوفق سامي ويسكت كل حاقد وغيور وكل مندس

كفيت ووفيت بتحليلك المباراة

هذا والهلال متعادل تبون تغيرون اللاعبين كيف لو انهزم ؟ الكورة كذا تفوز تتعادل وتحاول انك ماتخسر بالنسبة للاعبين اصبروا عليهم العابد ان شاء الله يرجع لمستواه

سامي قاد المباراة بشكل رائع إلا أنه اخطأ في إدخال عبدالعزيز بديلا لسالم , عزوز لسى كان في فترة تأهيل وماهو في كامل جاهزيته البدنية يعني لو دخل سلمان من بدري وحول العابد يمين كان ماشفنا انطلاقات الحربي وضعف التغطية في الجهة اليمنى عندنا

الحمد لله جت سليمه

الهلال يحتاج لعمل كبير جدا

الفريق في الطريق الصحيح, والأختبار الأول لسامي والمفاجئ أثبت قدرت سامي على اداره المباره بالشكل الصحيح.

اخالفك الرأي تماما ، فالمدرب البرتغالي بيريرا
تفوق كثيرا على المدرب سامي تكتيكياً ،
وسامي تأخر بالتغييرات ،
لكن الحق يقال ان اصابه سالم اربكت الفريق باكمله

المباريات التى لعبها الهلال من النوع الثقيل الاتفاق والاتحاد والاهلي

فرق معروفه مواقفها مع الهلال لذلك الضغوط النفسيه كان لها تاثير

والمنعطفات التى تجاوزناها كانت خطره الحمد لله ان الهلال استطاع العبور بالدرجه الكامله

القادم ان شاء الله احسن

واضح ان سامي كان بيخلصها من الشوط الاول يلعب على مصيده تسلل الاهلي وفاهم نقاط ضعفهم

سالم كان مجندل بهم وفاتح الجهه اليسرى شوارع والهلال ماتوفق امس بالفرص الي سنحت له

صدقني لو سجل الهلال هدفين في الشوط الاول الثاني بينفتح اللعب وبياكلونها الاهلاويه

لاكن قدر الله ماشاء فعل مافيه فريق يستمر بالفوز والجاي احلى ادعموك زعيمكم فقط

إقتباس الرسالة الأصلية كتبت بواسطة CaVeMaN150 انا ماراح اقول اني افهم في التكتيك، والصراحه شفت المباراه من الدقيقه 35، رايي وبحكم قلت فهمي بالامور الفنيه، ان الاهلي كان افضل من الهلال، وماكان متخبط بالعكس، كان له الافضليه انه ياخذ النقاط. رايي لو سامي من البدايه طلع نواف العابد، لان نواف العابد مدري وش جاه صاير يقتل الفرص، ولا ادري وش السبب بعد ماكان الابرز اشوف لو الفرج مكان نواف العابد كان من البدايه صعبت على الاهلي، لان الفرج يقدر يساند الزوري في الدفاع، وكويس في الهجوم بالنسبا للسالم الدوسري، مدري احس مافي افضل من عبدالعزيز الدوسري يحل مكان سالم، فا كان تغير منطقي نوع ما في شي ثاني، انا جدا استغربت طريقه لعب اللهلال، اليوم الهلال تارك الكوره للاهلي، او ان الهلال كان يبي بس تعادل مايبي يفوز وماهي عادات الهلال، ولو تلاحظ الهلال يوم بغى يسجل، سجل في ثواني وفي اقل عدد تمريرات! مدري المباراه كانت غريبه للهلال، اعتقد هلمباراه بذات سامي استخدم فيها تكتيك (خذ الكوره يا اهلي) وحنا بندافع وبنلعب على المرتده. ارجع اقول انا ماعرف كثير بالامور الفنيه، بس هذا مجرد راي على العموم الحمدلله على كل حال اتمنى الجاي يكون افضل للهلال

الدقائق ال 35التي قلت انك لم تشاهدها كانت سيطره هلاليه ومن المفترض تكون نتيجه هلاليه بثلاثة اهداف اقل شي لكن
عدم التوفيق والفلسفه اضاعتها

والاهلي نازل الملعب اما الكوره او اللاعب وخشونه غير عاديه نتج عنها اصابة سالم الدوسري وخروجه اراحهم كثير
خصوصا انه فاتح شارع
جهة منصور الحربي

لكن هذه المره فلتو من الزعيم ولن يفلتو المره القادمه في الرياض ان شاءالله

صاحب الموضوع لك ودي واحترامي

من المفترض ان تقول للزعيم الملكي هاردلك وتقول للاهلي مبروك

لان النقطه مكسب لهم وخسارة النقطتين لنا


لاعبي الاهلي دخلو مصارعه حره وليست كرة قدم لذلك اصابو لاعبنا وتعادلو معنا



..هاردلكم التعادل يازعماء ومبروك للاهلي