دعوها فإنها منتنة

للاسف كما هوا حاصل في مدرجتنا الفاظ عنصرية واضحة لايختلف عليها اي هلالي
عندما نردد بـ نيجيريا على الاتحاد لماذا ؟؟؟؟ لأن اغلب لاعبينهم بشرتهم سمراء
وهنا يجي التميز والتفريق ولافرق بين عربي وعجمي الا بالتقوى نحن شعب مسلم
وللاسف كثير مايتكرر هذا الامر من جماهير الهلال في الرياض خاصة هذه الهتافات
وعلى ادارة الهلال ان تصدر بيان توعوي لجماهير الهلال او تكلف رئيس رابطة الهلال
ان يطالب الجماهير بالنصيحه الحسنة ان تبتعد عن هذا التصرف السيئ الذي لايمثلنا
اتمنى ما يجي احد يشكك في انتمائي للهلال والله ما قلتها الا حب فيكم وفي الهلال
وللاسف هذا الامر يحصل في جميع المدرجات وليس تحديدا في الهلال
ولاكن انتم من يهمني امركم

تقديري

انا معك انها ما تصلح لكن ياليت مثل ما نصحتنا تروح هناك وتنصح عن .. ( اهزوجه ياسر + نيفيا + حرف الكاف + ... إلخ )

شكرا لك

ما انكر ابدا الهتافات الي ضد الهلال وضد لاعبين الهلال
موضوعي نصيحه لأن التفريق والتحيز بين المسلمين مرفوووض

اكيد الكل ضد هالالفاظ لكن وش يثبت انه صادره من جمهور الهلال ترا مو صعبه اركب صوت على صوره ومو صعب ارسل كم واحد يخرب على مدرج

طيب من اللي صور المقطع مو معقوله هلالي بيصور شي يدين فريقه واذا مو هلالي معناه ان فيه مندسين في مدرج الهلال ليش

ما يكونون هم اللي افتعلوا هالشي عشان يعاقب الهلال بجمهوره ويلعب الهلال بدون جمهور والكل حاليا يريد ايقاف الهلال لحصد النقاط

ع العموم اتمنى من الجمهور اي واحد يقل ادبه بمدرجنا يمسكونه وللامن وياليت قبلها يعطونه علقه عشان يحرم يدخل المدرج للتخريب

بالتوفيق للملكي

يعطيك العافيه

::

شف حبيبي بغض النظر انك هلالي او غير هلالي ،،


صحيح هذي ظاهره سيئه ومحد يختلف معك من هالناحيه ،،


لاكن جميع جماهير الانديه تهتف ضد الزعيم ،، ولما يجي قله قليله من جماهير الهلال تهتف ،،


الناس تقوم وماتقعد ،، ومثل ماذكر اخوي (الجوف) ياما هتفو ضدنا ب ( اهزوجه ياسر + نيفيا + حرف الكاف + ... إلخ )


ماوقفت على الهلال بس !! ،، يعني لو انت قايل حمله توعيه لجميع الانديه ممكن نتقبلها


لاكن انك تتقصد الهلال لحاله هذي هي العنصريه بحد ذاته ،،


::

يالحبيب انا معك ان هذه الالفاظ ليست فعلا جيدا
لكني ارى الجميع يعتبر اللفظ العنصري على قولتهم أشد من اللفظ الذي يتهم الانسان في اخلاقه وعرضه
الاولى نهي عنها وليس عليها عقوبة شرعية
والثانية عليها عقوبات شرعية ومغلظة ايضا
للعلم انا لا أؤيد الفاظ نيجيريا ابدا
وقد تضر الهلال اكثر من الشخص المقصود
ولكن التسجيل الاخير هل هو صحيح
هناك عدة اسئلة
1- لماذا المقطع قصير للغاية
2- كيف نشر للمرة الاولى بصوت ضعيف وفي الثانية تم زيادة مستوى الصوت
3- الصوت صحيح او مركب
4- عدد الجماهير قليل ولا تظهر فيه جماهير الاتحاد