22/09/2013, 01:30 AM
|
 | زعيــم مميــز | | تاريخ التسجيل: 07/07/2009 المكان: stamford bridge
مشاركات: 1,566
| |
|
{نيفيز} نجم المباراة بلا منازع .. وادارة الاتحاد تصدر بيان! - الحضور اكثر من 50 الف مشجع !!
بسم الله الرحمن الرحيم
الف مبرووك الفوز الكبير والمستوى الممتاز ومتفائل بهلال مميز هذا الموسم .. حضرت المباراة وكانت من اروع المباريات الجماهيريه من حيث التشجيع لكن الخشبيه كتمت الصوت  هذي ابرز نقاطي عن المباراة من الي شفته بالملعب :
- الحضور الجماهيري كان فوق ال50 الف بحيث ان الملعب امتلى ومابقى الا اللي خلف الحراس فيه فراغات بسيطه , وتفاجأنا بعدد الحضور 31 الف !! مع ان الملعب مليان فقط مناطق قليله فاضيه !
- الجماهير شجعت من بداية المباراة الا بعد الهدف الاتحادي الثاني اصابتهم صدمه لكن بعدها رجعوا للتشجيع وكانوا السبب الاول بعد الله بالعودة ..
- في نص المباراة رددت الجماهير الاتحاديه اهزوجة "ياسر وينه" مما جعل جماهير الهلال تستفز والرد عليهم بعبارة "نيجيريا" , وادارة الاتحاد اصدرت بيان بشأن ما حدث وكأنها لم تسمع ماقاله جمهورها .
- الواجهه امتلئت قبل المباراة ب40 دقيقه واغلقت ابوابها وتم فتح ابواب اللي خلف المرمي قبل المباراه بساعه .
- الملعب كان فيه فعاليات سواء بالاغاني عن اليوم الوطني او مسابقة عبداللطيف جميل بين جماهير الهلال والاتحاد اللي انتصر فيها الجمهور الاتحادي 
- من بداية المباراة كان الوضع مشحون بين الجماهير وبين اللاعبين , لاعبين الاتحاد يضايقون لاعبين الهلال بالضرب بدون كره اكثر من مره لكن الحكم لايحرك ساكنا
- الزوري من بداية المباراة كان مرتبك وغير منضبط ويتقم كثير والجماهير طالبته كثيير بالرجوع للخلف لتغطية مكانه
- السديري اسوء لاعب بعد الزوري كان يتقدم كثير وكذا مره تقدم ورجع باخر لحظة وكان هو سبب الهدف الاول بالاشنراك مع الزوري .
- الكوري والمرشدي مشكلته كثرة ارجاع الكرة للحارس والسديري امس كان يسبب علينا كم هدف بسبب استعراضه ضد مهاجمين الاتحاد .
- المرشدي بدأ المباراة مرتبك لكن بسرعه رجع لوضعه الطبيعي وقدم مستوى قوي وكان من نجوم المباراة .
- الشهراني كان ممتاز لكن عاب عليه تاخره بالرجوع والاستحواذ بالكره كثير
- كاستيلو كان من نجوم المباراة وافتكاكاته اطربت الجماهير وطمنتهم , يعيبه تمريراته الخاطئه كثيره
- هرماش كان امس متوتر لكن مع ذلك قدم اداء ممتاز سواء بالثقه او بالحماس والروح , وكان سامي يعتمد عليه كل الاعتماد بتوجيهه وتغير مكانه وادواره كل ربع ساعه وهذا يدل على ثقة سامي فيه وان اللاعب جوكر في الملعب .
- سالم كان رائع ومزعج ولو انه الشوط الثاني قل مستواه لكن ابدع كثيير بس مشكلته انهاء الهجمه سيئ يضيع مجهوده بالاخير
- العابد لاتعليق !! مستواه هابط بشكل كبيير .
- نيفيز وما ادراك مانيفيز  نجم المباراة بلا منازع سجل هدفين وكان اكثر لاعب متحرك بالملعب وتغيطته الدفاعيه تحسنت كثيير , كنت خايف من رجعته لكن الآن يثبت لي ان كنت غلطان .. وبعد اصابته اخر الشوط الاول كل الملعب سكت وكان الجمهور خايف من سقوطه لكن ارتحنا بعد شوفته الشوط الثاني وابدع
- الشمراني كان من اسوء اللعيبه مع السديري والزوري والعابد , تحركاته ثقيله وواضح ان لياقته انخفضت والانفرادة اللي ضيعها زعلت الجمهور خصوصا جاء بعدها هدف الاتحاد والجماهير زعلانه عليه لين هدف نيفيز الرابع ونست الموضوع , اعتقد جاء دور السالم المباراتين الجايه ويريح الزلزال .
- تبديلات سامي كانت في محلها وقلبت المباراة , وهنا يبان معدن المدرب الصح في قرائته للمباراة
- الدوسري نجم بكل ماتعنيه الكلمه وهو افضل لاعب مع نيفيز , لاعب واثق من نفسه وموهب بالفطره ويلعب بعقله , بعد جاهزيته الككامله بيضمن الاساسي ويترك سالم ونواف يتنافسون بينهم .
- سامي كانت فرحته خاصه مع الجمهور بعد المباراه تحمس مع الجمهور وفرحه فرحه هستيريه وحمس الجمهور وتبادلوا التحيه
بالختام ادري طولت بالكلام والكلام مكسر بين عربي وعربي وتأكدوا ان كلامي من وجهة نظري الشخصية ويمكن ما توافقوني فالرجاء اللي عنده ابداء رأيك بدون تهجم .. هذا اللي عندي والحمدلله على الفووز وعقبال الاهلي 
|
7Likes
الوضع العادي
