عاجل : جمهور الاتحاد بياخذ الواجهة من جمهور الهلال ! جمهور الهلال لا تخذلوني :نبي كلام نبي حضور ارجوكم !!! انا اثق فيكم ي ( - نادي الهلال السعودي - شبكة الزعيم

انا صاحيلهم · #1 16/09/2013, 08:39 AM

السلام عليكم

جمهور الهلال الكبير

جمهور الاتحاد من الان قاعد يسوي حملات حضور للدرة وبياخذون الواجهة !!

واحنا نايمين !

جد م يصير

مباراة الاتحاد باقي عنها كم يوم والا اشوف مؤازرة للحضور

هالمباراة جداً هامة لنا لازم نفوز فيها ونواصل الصدارة

ارجوكم ي جمهور الهلال اكتسحوا الملعب

جمهور الاتحاد مقهور من كلام نيفيز لذلك الا يفوزون بالمباراة هذي

بس هيهات عليهم ضارب الصواريخ موجود وغيره موجود ايضا

تكفون نبي ندعم بالحضور والكل يسجل حضوره بهالموضوع !!!

مافيه عذر للجميع

المباراة بيوم ويكند لذلك الحضور مطلب واجب لكل من ينتمي للون الازرق

SCORPION-KING · #2 16/09/2013, 08:41 AM

بإذن الله يكون جمهور الملكــي في الموعد

الهلال يحتاج وقفتنا معه وبإذن الله لن نخذله

بالتوفيق للملكـــــي

...

sallooom01hilal · #3 16/09/2013, 08:46 AM

تشكر حبيب قلبي ع الموضوع

اول الحاظرين بأذن الله

مايقدرون ياخذون الواجهة لأن فيه تنظيم أمني وتوجيه يا انها 70% لنا و30 لهم والا 50 % لنا 50% لهم

وان شاء الله الفوز حليف الزعيم واتمنى الوقوف خلف الكوتش امامه مباراتين هامه وبأذن الله راح نعديها

يعطيك العافية يالغالي

سري للغاايه · #4 16/09/2013, 09:25 AM

كلنا مع الهلال قلب وقالب
والوعد الدره

هاوي فن الزعيم · #5 16/09/2013, 09:28 AM

ستعطيهم اداره الملعب النص كـ العاده وتحصل كل سنه

بس لو بشرائع او بجده ماناخذ الا ورا البيبان

الله كريم بس !!

محمد آل سعد · #6 16/09/2013, 09:32 AM

لاهنت ع الموضوع أخوي

وبأذن الله الجمهور ع الموعد دائماً ، وفالنا النقاط الثلاث

يارب وفق الزعيم ~

هيمو الخيبري · #7 16/09/2013, 09:33 AM

مهي فوضه ياخذون الواجهه فيه نظام هذا اولا
وثانيا كل موسم نشوفهم يسوون كذا وتلقاهم محشورين بالزاويه عددهم قليل مايجون مثل عدد الزعماء بجده او بكل منطقه
انا انتظر بس ملعب الملك عبدالله وراح نثبت لهم ان الزعماء اكثر جماهيريه وراح نضايقهم بالمدرجات

حصان ابيض · #8 16/09/2013, 09:37 AM

المباراة على ارضنا لازم نحشر التشاديه في زاويه هذا حدهم
اهم شيء الحضور في وقت مبكر العصر عشان نحجز الواجهه الهمه يازعماء

lahe · #9 16/09/2013, 10:05 AM

للاسف انهم ناوين والنمشان يساعدهم

لكن نشوف من بيجلس في الواجهه خلوكم معاي يالرقم الصعب

ماجد . · #10 16/09/2013, 10:09 AM

ههههه اما الواجهة بزايد عليهم نحشرهم بالزاوية زي العادة

ي و س ف · #11 16/09/2013, 10:31 AM

إقتباس

الرسالة الأصلية كتبت بواسطة انا صاحيلهم


	السلام عليكم جمهور الهلال الكبير جمهور الاتحاد من الان قاعد يسوي حملات حضور للدرة وبياخذون الواجهة !! واحنا نايمين ! جد م يصير مباراة الاتحاد باقي عنها كم يوم والا اشوف مؤازرة للحضور هالمباراة جداً هامة لنا لازم نفوز فيها ونواصل الصدارة ارجوكم ي جمهور الهلال اكتسحوا الملعب جمهور الاتحاد مقهور من كلام نيفيز لذلك الا يفوزون بالمباراة هذي بس هيهات عليهم ضارب الصواريخ موجود وغيره موجود ايضا تكفون نبي ندعم بالحضور والكل يسجل حضوره بهالموضوع !!! مافيه عذر للجميع المباراة بيوم ويكند لذلك الحضور مطلب واجب لكل من ينتمي للون الازرق

حاضرين حاضرين الله لايعوق بشر ومن بدري كي لانسمح لجمهور المسيار مشاركتنا الواجهه

ي و س ف

الولهـ الهلالي ــان؟ · #12 16/09/2013, 12:36 PM

انا افكر احضر بحكم ان عندي شغل الاسبوع الجاي بالرياض ..

بس المشكله ماعمري حضرت بالملك فهد وفاز الهلال الا مره قدام النصر مع الشكر لأحمد الخير ..

ي و س ف · #13 16/09/2013, 01:21 PM

إقتباس

الرسالة الأصلية كتبت بواسطة الولهـ الهلالي ــان؟


	انا افكر احضر بحكم ان عندي شغل الاسبوع الجاي بالرياض .. بس المشكله ماعمري حضرت بالملك فهد وفاز الهلال الا مره قدام النصر مع الشكر لأحمد الخير ..

يمكن هالكلام اللي انت تقوله ايام ماكان سامي لاعب او مدير كره
لكن الآن الوضع اختلف سامي المدير الفني
احضر بس انت ومايصير الا كل خير واذا تبيني اقلك معي للملعب من والى الفندق اللي بتقيم فيه ماعندي اي مشكله راسلني ع الخاص بس

ي و س ف

بنت الغربيهTV · #14 16/09/2013, 01:45 PM

اي تكفون يازعممماء الحضور والمسانده الله يخليكم بلاش الإعتماد على بعض كل واحد معتمد ع الثاني ونتفاجئ بالواجهه فاضيه لا وبعد جمهور الاتحاد اكثرر
مايصير كذااا بليز الكل يحضر نبغى جمهور يرفع يرفع الراس ويربك لعيبة الاتحاد
وانتو قدها اااااااااا

AL-Hilali-_-07 · #15 16/09/2013, 02:00 PM

لا معليك جمهوور الرياض قدها وقدود ولا تنسى الاطراف عندنا نار ماشاء الله