( شعراء الهلال في تويتر ) بعد مباراة الهلال والاتفاق - نادي الهلال السعودي - شبكة الزعيم

عنواني اسمي · #1 01/09/2013, 04:40 AM

السلام عليكم ورحمة الله وبركاته

اول شي الف مبروك فوز الزعيم وعقبال المباريات الجايه يارب

جبت لكم آليوم قصائد من شعراء الهلال في تويتر

نبدأ بسم الله

كبيرهم يا الزعيم ... و كلهم دونك
سبقتهم ل السماء ما عاد يمديهم !!

من كثر ما تسحر الحساد بفنونك
شف كيف مع طلتك ينسون ناديهم

راشد النفيعي

ــــــــــــــــــــــــــــــــــــــــــــــــــــــــــــــــــــــــــــــ
هذا الهلال اذا لعب من قده
يعلم الاخصام فن الكوره

خصمه جداه الهجمه المرتدّه
وهو يمتع باللعب جمهوره

عبدالعزيز الفراج

ــــــــــــــــــــــــــــــــــــــــــــــــــــــــــــــــــــــــــــــ
الهلال الله يسامح من يذمه
ناديً عاداته الابداع دايم

كم فريق ً صار هو همه وغمه
والله انه مال ابن سبهان لايم

فواز الهفتاء
ــــــــــــــــــــــــــــــــــــــــــــــــــــــــــــــــــــــــــــــ
هاذا بيت أيضاً لـ فواز الهفتاء

كلاً لناديه قام يقدم اعذاره
لن الزعيم ارعب العالم وجننها

ــــــــــــــــــــــــــــــــــــــــــــــــــــــــــــــــــــــــــــــ
قلت: (الهلال ) ..و جاوب الفوز إبشر
قلت : البطوله .. و قال الابطال حنّا

ازرق و أبيض للنصر كلمة السر
حنا الهلال و جت على ما نتمنى

عبداللطيف ال الشيخ

ــــــــــــــــــــــــــــــــــــــــــــــــــــــــــــــــــــــــــــــ
من يلوم القلب في حب الهلال

الفريق اللي يشرف لالعب

ماعلينا من مكثرت الجدال
الزعيم الكفو يزهاه الذهب

صقر المرشدي

ــــــــــــــــــــــــــــــــــــــــــــــــــــــــــــــــــــــــــــــ
انا متأكد من طموحات سامي
وانه كبير بدون إشاده وتحفيز

وفي فرقته تلعب كبار الاسامي
ياسر وابو بندر وناصر ونيفيز !

عفاس بن حرباش

وأختم ببيت للشاعر فيصل رشيد الزلامي

( انا هلالي وان بغيت اكبر دليل
تقويسة اضلاعي ؏ـلى شكل الهلال )

وسلامتكم

اتمنا أني وفقة بالنقل.

دمتم بود

SCORPION-KING · #2 01/09/2013, 10:17 AM

صح لسان كل واحد منهم

وألف شكر لك على فكرتك الرائعه في الموضوع واهتمامك

والزعيم يستاهل

يعطيك العافيه

...

hilali_77 · #3 01/09/2013, 10:27 AM

الشاعر الكويتي .. عثمان السعيد

@3thmans

قالوا هلالي قلت والراس عالي
... لي الفخر باللي له الفوز مقرون

فيه الزعامه من قديم الليالي
... خلا جماهير النوادي يصيحون

عنواني اسمي · #4 01/09/2013, 10:33 AM

إقتباس

الرسالة الأصلية كتبت بواسطة SCORPION-KING


	صح لسان كل واحد منهم وألف شكر لك على فكرتك الرائعه في الموضوع واهتمامك والزعيم يستاهل يعطيك العافيه ...

العفو ياغالي

سلمت ودمت

عنواني اسمي · #5 01/09/2013, 10:34 AM

إقتباس

الرسالة الأصلية كتبت بواسطة hilali_77


	الشاعر الكويتي .. عثمان السعيد @3thmans قالوا هلالي قلت والراس عالي ... لي الفخر باللي له الفوز مقرون فيه الزعامه من قديم الليالي ... خلا جماهير النوادي يصيحون

ابدااااع لاهنت ياغالي ؏ـلى النقل.

عبدالحكيم العتيبي · #6 01/09/2013, 10:47 AM

لو كل فوز للهلال جريمه **** فيكثر جرايمي يوم للهلال حبيت

ياخصمنا مالك غير الهزيمه*** هذا اسمه الهلال ماهما عديت

هلالي من حلة القصمان · #7 01/09/2013, 03:40 PM

ياخي كل من لعب يبي البطولة **** مايدري ان الأول محجوز هلالي

عنواني اسمي · #8 04/09/2013, 06:09 AM

إقتباس

الرسالة الأصلية كتبت بواسطة عبدالحكيم العتيبي


	لو كل فوز للهلال جريمه ** فيكثر جرايمي يوم للهلال حبيت ياخصمنا مالك غير الهزيمه* هذا اسمه الهلال ماهما عديت