هاي شله 
مبروك الفوز و عودة الفريق لمستواه شيئا فشيء و شكلنا بنحتاج للوقت زي ما يقول المو علشان يكون الفريق زي ما هو يبيه
مباراة توتنهام فريقنا ما قصر خصوصا الشوط الثاني
مباراة الأبطال كانت أفضل أداء للفريق هالموسم و اللي فرق إن جميع الاعبين كانوا بمستواهم الحقيقي بإستثناء أوسكار اللي مهما رفعتوا فيه إنتم و المو ما يعتمد عليه
راميريز بها المستوى مستحيل يجي محور يأخذ مكانه لكن الخال أعرفه ما تظمنه أبدا ،، يجي جناح يبدع لك مباراة و يحوقها اللي بعدها ،، بكره بيلعب محور و لعل و عسى ما يحوقها 
على كذا نقول تشكيلة الفريق اللي بتواصل ع الأقل لين يناير
تشيك
آشلي - تيري - لويز - إيفا
راميز - لامبارد
شورلي - ماتا - هازارد
توريس
طبعا شورلي أقنعني أخيرا لكن موب معطيه أكبر من حجمة علشان ما يخذلني مثل هازارد و بروين و كاهيل 
فيه نقطة ودي أتكلم عنها و ودي الجميع يقتنع أو يحاول يقتنع
و اللي يقتنع يوصل هالكلام لأي مشجع لتشيلسي يعرفه
مشكلتي ما أعرف أوصل المعلومة مضبوط و لا أعرف أعبر لكن اللي عنده مقدرة يتكلم عنها و أنا بأقرا كلامكم بعدين
هي مشكلة الهجوم بـ تشيلسي و كثرة المقارنات
ستروج و لوكاكو و إبداعهم مع أنديتهم ؟
لدرجة إني شفت مقارنات بين هالبعارين اللي فوق و بين توريس و إيتو
ستروج لعب معنا موسم أو موسم و نص و ما شفنا منه إلا رفعة الضغط
لا هو اللي يناول ولا هو اللي يركض و لا هو اللي يسجل و يحسم لك مباريات زي ما يسوي مع ليفربول حاليا
لوكاكو جربناه بالوديات و بأول الموسم و دخل مباراة ميونخ و خلص بنزينه من أول ما دخل الملعب و قاله المو إرجع دافع الله يلعن ذا الوجة و اللي يدخلك مرة ثانية حتى البلنتي كل الرجال اللي شاتوا بالتسعين إلا هو بغى يوطى الكورة
مشكلتهم هالإثنين ما تأقلموا معنا ولا أتوقع إنهم بيتأقمون
أما العكس
بطل أوربا و اللي حسم نهائي مع منتخب إسبانيا و حسم نهائي مع تشيلسي و سجله يسوى كل هالخوال اللي كلها فتره و تبان علومهم
أوكيه ما تأقلم لكن جميع جمهور تشيلسي ماخذ فكره سيئة عنه إنه سيئ و أنا أولهم سابقا
بدايته سيئة ولا هو محظوظ قدام الباب لكن لو تشوف أغلب مباريات الفريق اللي فيها توريس تشوف إنه ما يقصر و يرجع ويلعب
طبعا أتكلم عن الجمهور العربي أما جمهورنا برى ما أدري عنهم لكن متأكد مية بالمية لو تسألهم عن مهاجمك المفضل بيقول توريس
الكلام ينطبق على إيتو بإنجازاته و حسمه لاكثر من بطولة
بدايته تبشر بالخير و محتاج لهدف و شوية تطبيل من جمهورنا
أنا أتوقع ما وصلت لكم الفكرة مضبوط لكن اللي أبي أوصله المقارنه تغبن مع لاعبين مستحيل تتقبلهم مع الفريق و لو إنهم سواريز أو روني و إلا ليفاندوسكي علشان أقرا كل هالمقارنات
ستورج أفتكينا منه و باقي لوكاكو مهما بدع مع ناديه الداج مستحيل أتقبل إنه يكون مهاجمنا المستقبلي أبدا
أنا كنت أكثر مشجع كنت أكره توريس لدرجة سميته نعومي و سميته ثوريس لكن مع وسط الموسم الماضي (وصول ديمبا با) و بدايات هالموسم دريت أنا على خطأ
تكلموا بالموضوع وضبطوا فكرتي لإني واضح حست الفكره و خلونا نتناقش دامني هاليومين فاضي
الزبدة علشان محد ينبرش علي و إلا يصيح
- ما زلت أطلب بمهاجم لكن يكون سوبر ستار زي سواريز أو روني أو ليفاندوسكي !
- ستورج و لوكاكو و با مستحيل أقتنع إنهم مهاجمين أندية كبيرة
- ليفربول نادي كبير و إبداع ستورج معه لأنه تأقلم مع الاعبين البسيطين اللي مع الفريق(سواريز و جيرارد خارج المقارنه)
- دفاعي عن توريس و إيتو لإني أعرف مستوياتهم و أقدر أوثق فيهم عكس البقية
- دروغبا أحيانا تراه كان زي توريس يتبطح لين يقول بس ، لكن جمهورنا مغمض عينه كثير
(إنفراداته على فالديز) مثال ! لكنه يبقى أفضل مهاجم جاء لفريقنا و عانينا بعده
× 
مباراة اليوم
الحين ملعبهم العام وش سوينا فيه ؟ ذكروني ترى نسيت ؟ إن ما خاب ظني إنلقمنا فيه بهدف و توهقنا لنهاية المباراة و فازوا صحيح و إلا ؟
مشكلة ملاعب الاندية الصغيرة دايم قروشة و الانجليزية خصوصا يلعبون مبارايات بطولية و ودي يجي موسم نلعب فيه 19 مباراة اواي و نفتك باقي الموسم بجسرنا نأدبهم
المهم إذا دخل الفريق بثقة مباراة ستيوا بوخارست يبطي هالكناري يسوي شيء
بالتوفيق إن شاء الله
1126Likes
الوضع المتطور
