علي الطلاق مايذبح الرجال الا انا - نادي الهلال السعودي - شبكة الزعيم

ابو روان · #1 20/05/2003, 08:27 PM

[ALIGN=CENTER]يقص لي واحد من الشباب قصة حصلت لهم قبل تقريبا شهر اواكثر اثناء حرب العراق

يقول انهم مجموعة من الشباب مستأجرين استراحة ومن عادتهم انهم في كل يوم خميس يحطون

لهم عشاء رسمي بعني مايتخلف احد منهم وكل اسبوع على واحد منهم

في أحد ايام الخميس صادف وجود ضيف عندهم كان يعرف الرجال الي عليه العشاء كان عازمه

عندهم في الاستراحة وقال له انه عليه اليوم العشاء ولازم تسير وتشوف الشباب ونسهر سوى

وبعد جهد وتلزيم وافق الرجال وجا للاستراحة

ويوم دخلوا الاستراحة وبعد فترة بسيطة فلطوا لعشا قالوا له سم بالرحمن وحياك الله على الرجال...

الرجال الي عليه العشاء اشترى تيس وجابه للاستراحة عشان يذبحونه ويطبخونه الي حاصل

ان الشباب اذا صار عندهم احد غريب اذاجا يسأل خويه عن شي يقوله :الرجال

مثلا اذاكان موصيه على غرض يقوله جبت الرجال وديت الرجال سويت الرجال وش صار على

الرجال

وصار ت بينهم مثل الشفرة أي شي يسمونه الرجال اذاصار فيه احد غريب

المهم دخل واحد من اخوياهم وهم مجتمعين وقال للي عليه العزيمة جبت الرجال قال له ايه قال

خلاص انا بقوم اذبحه وقال له راعي العزيمة لا انا الي بذبح الرجال وقال لا انا الي بذبحه انت الي

ذبحته المرة الي راحت كل هذا الكلام والضيف يسمع ولايدري وش السالفة

والاثنين ذولا كل واحد بيذبح الخروف بس يسمونه الرجالوواحد منهم في الاخير قال علي الطلاق مايذبح

الرجال الاانا

الضيف مسكين طقته الروعة وبدت تلعب به الهواجيس

وبعد فترة بسيطة قال لهم ياجماعة عن

اذنكم طرا لي موضوع مهم جدا ولازم امشي الحين

ويلزمون عليه وين يابوفلان العشا مايصير الكلام هذا قال لهم لازم امشي ضروري جدا وطلع وهو

خااايف من الكلام الي سمعه

المهم واحد من الشباب الي جالسين عرف إن الضيف خاف من كلم الشباب وقال معليكم انااجيبه لكم

بس يجي واحد معي قال واحد منهم انا بخاويك راحوا يلحقون الضيف يابوفلان وقف نبي نكلمك

والضيف يمغط بالسيارة وهم بابن الحلال وقف بالاخير وقف يوم نزلوا واثر الضيف معه سلاح وقال
فيكم وخروا عني انتم ناوين تذبحوني مثل ماذبحتوا الي الاسبوع الي راح:bigeek وقال :لهم والله

يأان قربتوالي اني لاثورفيكم

الاثنين هذولي ماقدروا يمسكون أنفسهم من الضحك وقالوا له السالفة من الى والضيف معيي

يقتنع لكن في الاخير كنه اقتنع شوي ورجع معهم وهو حاط سلاحه معه

ويوم دخلوا الاستراحة وبعد فترة بسيطةقلطوالعشا قالوا له سم بالرحمن وحياك الله على الرجال...

[/ALIGN]