بسم الله الرحمن الرحمن الرحيم

السلام عليكم ورحمة الله وبركاته وبعد :

- ليش يا سامي تتعاقد مع تياقو نيفيز المصاب اصابه مزمنة وهو اصلا باعنا .

- ليش يا سامي تتعاقد مع كاستلو الشايب عمره 31 سنه ليه ياخي .

- ليش يا سامي ترجع عادل هرماش اكيد ان الادارة تورطت فيه وما لقت له عروض عشان كذا رجعته صح اعترف لو سمحت .

- ليش ويسلي جاء في معسكر النمسا اكيد بترجعه لانك تورطت فيه هو بعد .

- وليش تجيب ناصر الشمراني بهذا السعر وهو قد جاه قطع في الرباط الصليبي ولاعب مغرور وغير منضبط وجواله قديم بعد .

- وليش المحورين اجانب وين صانع اللعب .

- ليش تبقي على يو بيونق سو النكبة .

- ليش تتعاقد مع المدافع الكوري العاطل .

- ليش ياسامي تنسق عبدالعزيز العازمي .

- طيب ليش تنسق مبارك البيشي ياخي اتق الله ياخي مايصير .

- سامي ليش تكره ياسر القحطاني اكيد اكيد تبيه يطلع من الهلال عشان مايغطي على تاريخك انت تحارب النجووووم .

- ليش ياسامي في مباراة الشباب تلعب بثلاث محاور ليش ياخي .

- ليش تجيب نفس المدرب الاولمبي ستامب اللي نكبنا في عهد جريتس .

منذ تولي سامي الجابر التدريب من شهرين تقريبا وهذي اغلب المواضيع

تبون بطولات محلية و اسيوية وهذا دعمكم للمدرب الجديد اللي توه ما سما بالله والناس هبت فيه ؟؟؟؟؟؟؟؟

طيب بعد مباراتين من الدوري وش بتسوون طيب , بعد 5 مباريات طيب 10 طيب 15 .

على كل صغيره وكبيرة موضوع يخص سامي . لا حول ولا قوة الا بالله

جمهور الملكي والله كنت اخاف على سامي من الجماهير والاعلام المضاد وللاسف صار الخوف من الجماهير الزرقاء اللي ماخلته في حاله .

عطوه فرصته ونفذوا طلبه لكم :

( احضروا الملعب وساندوا وقيموني اخر الموسم )

- لا مانع من الانتقاد لكن نهاية الموسم , سامي ذكي وعارف شغله ياليت ندعم بدل مانضغطه ونتسبب في استقالة رجل شجاع ضحى بتاريخه في تدريب الهلال .

اعتذر على الاطاله والسلام ختام

هلالي اشبيليا

كلام في الصميم

بس من يفهم ؟

اصلا اعتقد والله اعلم ان اصحاب المواضيع التهريجيه اياها ،،،،،، غير هلاليين


والعتب على المشرفين اﻷعزاء بصراحه ( مخلين الدرعا ترعا )


على اساس ان حرية الرأي متاحه للجميع فيما يبدو لي.


مع اني قرأت مواضيع هنا تفوح منها الخبث ومحاولة زعزعة الكيان وهز ثقة الشعب الهلالي في

سامي الجابر


مودتي

والله انكك صـاااادق بككل كلمة كتبتهها ..جمهــــــــــــــــــــووووووور مااااايرححم لككن اتمنى منكم عدمم الانتقااااد ولو كااان ايش السبب

لان الدوووووري لم يبدا الى الان وهو المحكـ الحقيقي

اذا انتهى الدوور الاول من الدوري لكم الحقق انكـم تنتقدوووون

لكن تنتقدون بهذا الوقت فأنتم مخطئـووون وتضروون بسااامي نفسة قبل ان تضرون بأنفسكم

تحــيااااااااتي...

مشكور يالغالي كلنا سامي كلنا سامي

انا عن نفسي مع سامي حتى لو خسرنا الدوري مو مشكله سامي بشر لازم راح يكون في اخطاء لكن معاك ياسامي انت محل ثقة لكل عشاق الكيان الازرق معاك ياابو عبدالله الى ان تنجح

عععاد انت مصدق إن الي منزلين مواضيع نقد على سامي انهم من جماهير الهلاليهه

كلهم مندسين حتى لو مشاركتهه واصلهه 1000 تأكد إنهه مندس ويحاول يخرب علاقة سامي بالجمهور الهلالي

بس الحمدلله ان سامي عارف هالشي .. وان شالله م يأثر عليهه في مهمتهه

لان أغلب الي في هالموقع مندسين مع صغار العقول وكثرت مواضيع النقد

الاكيد الاغلب يتمنى التوفيق للهلال وسامي ولكن الانتقاد المنطقي مطلوب وكل شخص له وجهة نظر والسن يفرق في الرؤيه وفيه ناس راح تكتب موضوع يمتدح سامي وناس راح تكتب موضوع ينتقد سامي هذا منتدى ويشارك فيه الجميع ويقوم على المشاركات وتفاعل الاعضا وردودهم ويستحيل ان يكون المنتدى طرح عقلاني وواقعي لانه لن يكون هناك مداخلات وردود والدليل بعض الاعضاء يكتب موضوع تتمنى لو كان اعلامي يواجه الجمهور ويوجه الناس من حسن اختياره لما يكتب وتجد الموضوع بالكثير يوم وتم حذفه لعدم المشاركه
بينما موضوع سب وشتم ويقولون تجد الردود عشرين صفحه .
شكرا لك وبالتوفيق لابوعبدالله ويجلس مدرب للهلال سنين طويله ويحقق جميع البطولات.

السلام عليكم
اخوي العزيز مثل هذه المواضيع تجعل المندسين يزيدون من النقد فياليت تجعل موضوعك مفيد ويخدم النادي
نعرف حرصك جزاك الله خير
وشكرا

الله يعطيكم العااافية وبالتوفيق للهلال

في الصميم الله يعطيك العافية "هلالي اشبيليا"

والله يصبر سامي وياسر ولاعبين الهلال ماحد مخليهم في حالهم

مشكلة بعض جمهور الهلال انهم يتأثروا بكلام الإعلام المضاد

ياجمهور الهلال الأوفياء لا يحق لكم الانتقاد إلا بعد رؤية النتائج

-اصبروا الصبر زين -

اللهم وفق سامي مع الهلال وابعد عنه ككل حاقد

شكرًا لك كلامك بالصميمً. مع أني فهمت اول الأمر غلط

كلامك سليم لازم ندعم سامي ، لكن ياخي تكفون حطو العنوان مناسب للموضوع ، كثرت العناوين الي مالها دخل بالموضوع في المنتدى ،

يعطيك العافيه اخوي وصراحه المواضيع الغير مفيده كثرت والانتقادات كثرت والله يخارجنا من تفكير ذا العالم والدليل اول رد قرا كلمتين مع الموضوع وكتب الرد من غير مايفهم شي من اللي كاتبه يبي يحسب له مشاركه فاتمني من أداره المنتدي المواضيع اللي فيها انتقاد لأي لاعب او مدرب تحذف تونا مابدينا الدوري ولا اي بطوله ومزعجينا نقد الله يهديهم