[ALIGN=CENTER]
بســــــــــم الله الرحمن الرحيم

حيا الله كلن باسمه ، وش لونكم ومن يعز عليكم
مقدمه / يمنى بلا يسرى تراها ضعيفه , ورجل بلا ربع على الغبن صبـّـار
<<< سارقها من جدار بالحاره

الهدف / رجعت بذاكرتي لورى << عسى ما صدمت احد
وتذكرت النت منذو مبطي << حلى الدعوى

المراد / ان ذا انت لو تتأمل فيه او تبحر تجد من خلاله المنتديات بكثرتها والمواضيع
يااااادافع البلا ما هنا شي ما انكتب عنه << مدري من وين يجيبون ذا الحتسي
مع انه فيه من المواضيع المنقوله والمكرره الشئ الكثير ولكن هذا ما يمنع وجود
كتابات رائعه سواء كانت شعرآ او مقالآ او اطروحه << منتب سهل يا سهل

عاد انا لي كمن يوم ( بيزي ) الى شوشتي وودي اكتب موضوع ، بس مشكلتي مشكله
اذا دخلت للمنتدى اخر الليل تلقوني فاقن خشتي قدام الشاشة أبي أكتب ما ادري الا
وانا قايم الصبح سعابيلي خارررتن على الكيبورد
ولا ودي اجيب لكم موضوع منقول والا مكرر !

مااااااااااااا أطـــّول عليكم ادري تبون تعرفون وش السالفه


الدجــّـــــــه


أنا رجال أقدررررر الجح

اللي يسمونه >> حبحب او بطيخ او رقي او يح !! مع ان ازين شيء اسم جح
نعم يا جماعه أنا أتقطع واتـنـثر الين شفت جحه مشللخه قدامي


(يمكن تقولون وش علينا منك ، تحب الجح والا ما تحبه ،
لكن هماهم يقولون المنتديات للجميع وكلن يكتب اللي في خاطره)
<< دعوه للجميع

طبعاً الجح هو نوع من الفاكهه أو الخضره ( مدري )
من برى لونه أخضر ومن جوى أحمر ، وفي وسطه حب أسود << قل والله هههه

وللحبحب عيوني مميزات اجل شنو يخلي الواحد يسفهل ويتبرد في ذا الحر ويبرد على التسبد
وسعره رخيص ,, تلقاه بكل عاير
ويستانسون عليه البزران ,,,,, شكلهم وهم يبربسون بالجح يسوى الدنيا
واحسن من التدخين << فاهم غلط الاخ


المهم بما اننا مقبلين على صيفن حارن كله عجاجن
أنصحكم ياخواني انكم تكثرون من أكل الجح ، وخصوصاً في وقت القايله
شوري عليكم لايفوتكم الجح

تبون الصدز انا خرت سعابيلي ، أبروح أشلخ لي جحه واكلها




أحد بيخاويني
[/ALIGN]
[ALIGN=CENTER][/ALIGN]

إيييييييييييه الجح .. عز الله إنها منتازتن مرتن بالحيل ..

الجح وأنا أخوك من أفضل أنواع التمور .. وميزتها إنها تروي وتشبع في نفس الوقت ..

أما في الظهرية لا جتك جحه باردة .. يا قلبيه تسوى الدنيا وما فيها ..

تحياتي لك سهل ثمانيات ( ن ) ثلاث ..

بصراحه

مدري كيف اشكرك

تدري ليش



انت




مسوي لي


دعايه



انت تعرف اخ سهل ان اشهر مصدر للحبحب البطيخ الجح

ساجر

وانا من ظمن المزارعين


وابشر من يوديلك ديانا مشحونه جح بس نبدا نصدر

تستاهل بعد كل ها الدعايه المجانيه

أخوي مشعل .. جح ساجر .. وش خليت ..

ما شاء الله أحلى من العسل .. واعذب من النهر ..

[ALIGN=CENTER]هالحين انت ووجهك ----------> واحد يمون وبقوه بعد
اقول هالحين لك فتره مانشوفك في الديوانيه يعني المقلط قصدي المجلس

واقول وشفيه ماعاد له طله وبالأخيرتجي بموضع عن الجح

الحمد الله على السلامه سهل ------> واحدخايف

وخل عنك بس والله ان موضوعك رهيب وخصوصاانه عن الجح

إقتباس المهم بما اننا مقبلين على صيفن حارن كله عجاجن

الحمد انابديره ماتعرف لاعجاج ولا قوايل وشموس
يعني بيصيرالجح كمالي بالنسبه لي

تحياتي يالغالي ولاعاد تقطع وتطول الغيبه انت وحبحبك اللي على السكين

في أنتظارالموضوع القادم واللي أتوقع انه راح يكون عن الشمام اللي هو الخربزويسمونه جرو[/ALIGN]

الله لا يهينك مشعل نبي من الجح اللي يالله يدخل بالثلاجه
جح صغير ما نبي وتكون متساويه يعني وجهه مثل قفاه
واهم شي يكون خضارها غامق ترى الفاتح مهوب زين
<< شرايك اصلح بياع حبحب

الباقين دابلين تسبدي راجع لكم

لووووووووووووول ياعيني على هالبرنامج الصحي ياسهلوووووووه

عاد فوايد الجح مفيد بالصيفيه...وخصوصا بلبنان<<--شكو

ويقولون انه يجيب الحظ بالخطووووبه..قام حظك ياسهل ..تقاططوا عليك هالخطابات..

وتسلم على هيك موضوع

[ALIGN=CENTER] ما ينفع جح الاحساء ... !!!

واحد يحسب انه تمر على قولت البارق ...

يا مشعل متى نشوف البضاعه عندنا على خط الدمام الجبيل السريع رايح جاااااااااااااي

تحياتي سهل 888 ...;)[/ALIGN]

الـحــاتـــمـــي ...


مـــر مـــن هـــــنــــــــا .....


ويـقـول : أنا مثلك يا سهلوه .... بس فيه شئ أحسن من الجح خصوصا بعد الغداء ... وش رايك

بالشمام الروسي ( خــــبـــــــــااااال )

إلا أقول يا سهل ..

وش نوع الجح اللي تحبه ؟!

سكري أو برحي أو خلاص ؟!

سهل مادري وش قصة كتابتك لموضوع زي هذا‍!!!!! بس عندي احساس انك متوهق شحنة وانيت فيها جح وباين ان 99% منه ابيــــــــــــــــــــــــــــــــــــض ودك تصرفه على اعضاء المنتدى
انت تقول اسمه جح وبطيخ وحبحب ويح ورقي صح ولالا هذا حنا يالعرب عمرنا ماتفقنا حتى على اسم الجح بس ماعرف لها الامريكان شافوا ان هالفاكهه مليناه مويه فسموها water melon