ابي اتزوج ......وما ابيهـــــ - نادي الهلال السعودي - شبكة الزعيم

شمــوخ · #1 18/05/2003, 03:44 PM

ما أبي بنيه موظفه تشتري كل واي حاجه من السوق ولما تقولها يا بنيه وش له هالحاجيات قالت لا تشيل هم ولا تتضايق تراها من فلوسي

ما ابي بنيه اغلب يومها تقضيه على الحاسب والنت والتشات ولما تقولها يابنيه ارحمي عيونك ترد علي وتقول كل واحد يناظر الناس بعين طبعه .انا قاعده اشوف ايميلاتي .

ما أبى بنيه كل يومها تقضيه مع التلفون وسوالف في اللامفيد اكثر من المفيد ولما تقولها ياعيوني بطلي هالعاده تقول هماك تبغاني أكون اجتماعيه

ما ابي بنيه كل ما جيت للبيت لقيتها حاطه رجل على رجل وتقلب في قنوات الدش واذا سالتها ليش جالسه تقول ما عندي شي اسويه

ما ابي بنيه كلما سالتها عن اسم جارتنا وليه ماتتعرفين عليها وتتبادلون الزيارات تقول وش علينا منهم .. الله يستر عليهم عساني اعرف عماتي وخالاتي وكفايه

ما ابي بنيه اكبر همها ان يكون جوالها تحت يدها دائما ولما تقولها عطيني جوالك شوي تقول لأ معليش فيه رسايل بنيات ماتصلح لك

ما ابي بنية لابسه نقاب ومطلعه نصف الخد ولما تقولها ليه ماتخلين النقاب اصغر شوي او تغطيه بالشيلة ترد علي وتقول ما اشوف زين كل الناس يلبسون كذا

ما ابي بنية لابسه العبايه على كتفها او مخصر ولما اقولها البسي مثل عباية امي تقولي لا تصير غيور اكثر من اللازم... غير متحضر ...رجعي... الدنيا تطورت!

ما ابي بنيه تقول ابي اصير في بيت لحالى ( ما ابي حموله)ولما تسكنها في البنت لوحدها حتى كبسة الرز ما تعرفها زين! (يعني الله يخلي المثلوثه اللي على طريق بيتك)

ما ابي بنيه من اول مايجيها طفلين تقول ااوف ...يووه ولما تقولها وش فيك تقولك تعبت من شغل البيت وتربية العيال جب لي خادمة

ما ابي بنيه اذا بغت تطلع من البيت جلست عند المريا بالساعات ولما تجلس عندي ما تعرف المرايا ابدا ولما تقولها تزيني لي تقول انت شايف شغل البيت مايعطيني وقت !(يعني بالعربي جبلي شغاله واوريك الزين)
مابغى اكون طماع ا
ابي البنيه
مثل ربع(1/4) امي
لا هيب زينه بس اموووووووووووووت بحبها
ولا هيب صغيره بس امووووووووووووووت بالخوف عليها
ولا هيب كبيره بس اموووووووووووووت باحترمها
ولاهيب عصبيه بس اموووووووووووووت بسماع كلامها
[ALIGN=CENTER]وســـــلامتـكــم[/ALIGN]

[ALIGN=CENTER]اعلان
احد الزميلات بالمنتدى قد فقدت لفافات لشعر نملتها
على من يجدها ابلاغنا
ولكم الشكر [/ALIGN]