ان اتفق معك

عندنا افضل وسط وافضل مهاجمين ونسجل اهداف بس مشكلتنا نهاية الشوط الثاني تسجل علينا اهداف
بارده وميته ويضيع التعب كله
مدري هل بسبب
١-تراجعنا بعد الفوز على الخصم
٢-اللياقة اي انها ما تستنفذ كلها في الشوط الاول ولابد من توزيعها على شوطين
اتمنى التركيز في الايام القادمه على هذا الموضوع
وفتح موضوع لهذا السبب
موضوع اخر الي عجبني في الجابر ان الأجانب الي جلبهم في المقدمه كلهم يتميزون في التسديد
من خارج خط ١٨ وهذا افضل حل للتكتل الدفاعي للافرقة المحليه في الدوري
لانهم يتكتلون في الدفاع ويعتمدون على الله ثم الهجمه المرتده
فهذا افضل حل لهم راح تشوفون تسديدات على مرماهم من كل اللاعبين الوسط والهجوم
اتمنى حل للمشكلتين قبل بداية الموسم

نعم يجب ان نساند الاعبين ونجشعهم على تقديم أفضل مستويتهم
والفريق ان شاء يحافظ على مستواه طوال الموسم ويكون في المقدمه
وفي الملعب يمتع ويسجل ويفوز باذن الله

اداره صح ومدرب صح ولاعبين صح...... البطولات يبي لها جمهور صح

صح عليك اخوى بكل حرف خطيته يمينك والله يكثر من امثالك من الجمهور الواعى الفاهم اللي لايستعجلون النتائج والمستوى راح يأتى بالتدريج ولاتنسون ببدايه موسم والاعبين الاجانب جدد ولاتكتمل اصابه اكثر الاعبين .... بالتوفيق للزعيم

تحياتى

آتفق معك في ماذكرت وفقك الله ..


بالتوفيق لـ زعيمنا مع الكوتش ..

يا رجال ليالي العيد تبان من عصاريها واضح اننا اكلنا مقلب محترم اجل هذا مستوى

مبارة البارح ضايعين والحمدلله انه جا انقطاع بالبث عشان العالم لا تشوف ان الهلال هذي السنه

ماعندك احد

إقتباس الرسالة الأصلية كتبت بواسطة للهلال شموخ يا رجال ليالي العيد تبان من عصاريها واضح اننا اكلنا مقلب محترم اجل هذا مستوى مبارة البارح ضايعين والحمدلله انه جا انقطاع بالبث عشان العالم لا تشوف ان الهلال هذي السنه ماعندك احد

خير ان شاء الله احصل لك رد مسيء هناك , اجي هنا احصل نفس الرد ومعدل عليه !

اتق الله واذا كنت مندس ومنتا هلالي فـ الله لايوفقك على كلامك هذا

وبعدين ايش قصدك في المقلب ؟ اكلنا مقلب في المدرب مثلا ؟

الله يرفع عنك بس

على اسمها مباراة ودية للتجريب فقط
شكرا على الموضوع ولا يهمك حقارة بعض المندسين

إقتباس الرسالة الأصلية كتبت بواسطة للهلال شموخ يا رجال ليالي العيد تبان من عصاريها واضح اننا اكلنا مقلب محترم اجل هذا مستوى مبارة البارح ضايعين والحمدلله انه جا انقطاع بالبث عشان العالم لا تشوف ان الهلال هذي السنه ماعندك احد

وبعض الردود تحسسك ان صاحبها ( دلخ ) .. مباره وديه ولم يشارك فيها اي محترف ومو مطلوب منهم فوز او خساره المطلوب منهم تطبيق ماتعلموه خلال المعسكر وتنفيذ بعض متطلبات المدرب يعني مباره للتجانس لا اكثر ..

إقتباس الرسالة الأصلية كتبت بواسطة للهلال شموخ يا رجال ليالي العيد تبان من عصاريها واضح اننا اكلنا مقلب محترم اجل هذا مستوى مبارة البارح ضايعين والحمدلله انه جا انقطاع بالبث عشان العالم لا تشوف ان الهلال هذي السنه ماعندك احد

انا اتحداك انك شفت الملخص حق المباراة
روح شوف الدقيقة 7:55وتعرف اش قاعد يسوي
سامي في المعسكر شغل جبار بس تطبيق التكتيك
والخطط اقل شي يحتاج من 5 الى 10 مباريات عشان
يستوعبوة اللعيبه اضف الى ذالك عدم اكتمال اللياقة .
عالم بس تبغى تهرج .رغم اني اشك في هلاليتك.

إقتباس الرسالة الأصلية كتبت بواسطة sl7 ما هذا الكم الهائل من الأخطاء الإملائية !! إتق الله في نفسك أخوي وروح تعلم اللغة العربية وبعدين رد على المواضيع

هذا على أساس إنك تصحح له الواجب ياشوقي ؟؟؟؟؟؟؟ وش تبي في الناس من راقب الناس مات هماً

بعدين وش إتق الله في نفسك .... شايفه ملحد ولا طاغي ولا مدمن ؟؟؟؟ اللهم اني صايم

^^^^^^^ هذا ردي بالنسبة للمدرعم ^^^^^^^^^^^^^^

أمـا بالنسبة للموضوع فكلامك واقعي ومنطقي وأنا تقطعت حنجرتي وأنا أتكلم بنفس الأسلوب والهرج لكن ماعندك أحد ... الحين نفس الجمهور إلي جالس يشيد بصفقات وعمل سامي صدقني يبي ينساها مع أول مباراة مايكون فيها الهلال بيومه ....... أحس إن بعض العقليات الي عندنا فيها عاهات

أشكرك عزيزي على الموضوع والله يكثر من أمثالك الي يوقفون مع النادي بالحلوة والمرة

لافض فوك الهدف من المبارات تطبق التكتيك ومدى المخزون الياقي خلال المعسكر