صحيح مباره الغرافه مجنونه بعوده الزعيم وقلب النتيجه وكانت مفرحه لنا وعشت نشوه الفخامه بالهلال
بس المباره التي اصابتني في مقتل وجلس ايام وانا ماني مستوعب النتيجه وجاني والله حاله نفسي انفجر من القهر
هي مباراة ذوباهان الايراني في الرياض كان الزعيم مرعب وقتها بنجومه وكان على وشك الوصول لنهائي ابطال اسيا
بس الحمدلله على كل حال


وان شاء الله الهلال عائد بقوه بقياده الذئب سامي وان شاء الله ترجعه 18 تمريره بين اقدام نجوم الزعيم

الحظة التي ارجع لها و اذكر انها من افق اعتزازي و بداية عبرت للهلال
مسيرة عشق هي لحظات حينما ابو داود كان يلعب و يتلاعب في الملعب
الكابتن يوسف طالما كنت احب كل شي هلاللي معة

في عام 1404 هجري نهائي كأس الملك بين الهلال والاهلي الاهلي يومها بطل الدوري وملقب بفرقة الرعب والهلال في مرحلة تجديد اسامي انتهت المباراة بفوز الهلال 4 لصفر كانت فرحه عارمه لي وسط ذهول الاصدقاء الاهلاويه

الهلال والغرافة هذي المباراة من قبل ماروح الملعب حصل

لي حادث هناك في قطر صدمني واحد قطري من الخلف عند الدوار

والغلط عليه ميه بالميه لانه واضح انه كان جالس عالجوال لكن

للاسف حطوا الغلط علي مية بالمية المهم بعد ماربطنا الشنطة بسيم

رحنا عالملعب وكلنا تفائل بان الهلال راح يزيد الغلة لكن جا الاول

وبعده الثاني والثالث انا بصراحة هنا بديت اشك ان المباراة طارت علينا

لكن لما جا الهدف الرابع خلااااااص انا فقدت الامل وكنت اقول للي وياي

مشينا مشينا خلاص قبل الزحمة من القهر مو قادر اجلس في الملعب وكان السب

والشتم كله على جريتس الجمهور كان كله كذا لكن بعد هدف ياسر كلن قام يلم

الي جنبه لا شعوريا وما مدانا نفرح بهدف ياسر الا يكملها المحياني وخذلك صياح في

الملعب بصراحة كانت مباراة جنونية والحمد لله الهلال خفف علي شوي الم الحادث.

ومن المباريات الي مستحيل انساها بعد مباراة الهلال والشباب نهائي 1418

وهدف سامي السامي الخيالي الخرافي قول عنه الي تقول وكمل الفرحة الجمعان

في الاضافي . لكن من المباريات الي حرام حرام نخسر فيها وكنت ببكي هي مباراة

ذوب اهن نص نهائي اسيا الي بالرياض خنقتني العبرة فيذيك المباراة لان كان حرام

80 الف يطلعون زعلانين وهم الي كانوا عاملين زلزال في الملعب لكن قدر الله وما

شاء فعل.

بصراحه نعم هي مباراة الهلال والغرافة
وهي من الصعب المباريات الي مرة على الجمهور الملكي

في اكثر من مباراة لكن مباراة الشباب النهائي هي الي مستحيل انساه لاني من فرحة الهدف نطية نطه الله لا يوريكم وقصة المروحه اصبعي

مباراة الهلال والغرافة بكيت حزن وبعدين بكيت من اجل الفرح
والهلال ام اصلال بكيت من الغبنه كنت بالملعب
والهلال ولسان بكيت قهر كنت بالملعب بعد

ياربي هنا بس وانا اقرأ التعليقات بكيت ذكريااات جداً جميله
فيها الحزينه وفيها المفرحه
انا والله لا ابالغ إذا قلت اني مع اي مباراة يمكن ابكي
لاني مااشوف هلالنا اللي قبل
اخر مره كانت مباراة للخويا كنت حاسه راح يجيني شيء في هذيك المباراة
ومباراة الغرافه هذي
شيء جداً جميل جداً " عيسى خلصها كبير ياازعيم كبرياء الهلال يعود كبرياء الزعيم يعود
الهلال ينتفض في دقيقتين الهلال يجن جنونه يارباااه " << مااتوقع مافي احد مابكى من كلام فارس
وايضاً من نفس المباراة " لايلعب من اجل المال يلعب من أجل كبرياء الزعيم * ياسر القحطاني *
.
.
مباراة اولسان له نصيب كبير من الدموع الله لايعودها من ايام
كثير كثير وش اقول وش اخلي
.
.
الشيء الوحيد اللي ابي اقوله ياجعلنا مانبكي إلا على الفوز والفرحه والكأس وجعلنا مانذوق الحزن مع الكوتش سامي
مع وقفتكم جمهور الرقم الصعب الهلال راح يعود
.
هلالي 1997
الله يعطيك العافيه وشكراً لك

اييييييه يا كاتب الموضوع جبتها على الجرح والله من الذكريات مع هالزعيم

بس حبيت اذكركم بالمباراة اللي كانت بين الهلال والاهلي على كاس ولي العهد عام 32 ، هالمباراة كان لها نكهة خاصة سبحان الله في ذاكرتي ، لدرجة من ضياعانا لضربات الترجيح تشوف الناس غادرت المدرجات وسبحان الله وكأن الموضوع حسم للاهلي خلااااااااااااااص انتهت . وسبحان الله لولا الله ثم حسن العتيبي كان صرنا في خبر كان

اترككم مع المقطع من اليوتيوب

‫الهلال و الاهلي ركلات الترجيح كأس ولي العهد 1432‬‎ - YouTube

إقتباس الرسالة الأصلية كتبت بواسطة عندما يموت الحب اممممممم نزلت دموعي فرحا بعد م أخذنا الدوري من الاتحاد (شعرة ياسر + تعملق الدعيع )

ذكرتي هذي المباراة انا كنت اذكر مباراة الهلال والغرافه
صراحة مباراة الغرافة نستني مباراة الاتحاد هذي المباريتين هي المباراة الي كنت على اعصابي مره

نهائى البطوله الافرواسيويه بين الهلال و الافريقى التونسى عام 1413هـ بعد مامدد الحكم ابو جسيم الوقت

حتى تعادل الافريقى فى الوقت بدل الضائع عن طريق لاعبهم فوزى الرويسى

لحظتها ما يحتاج اكمل ههههههه

اوﻻ نص الاخوان جابو مباريات فعﻻ ناشبه بالذاكره

ثانيا انا فكيت حسابي عشين اعلق على الموضوع عجبني
.......
المباراة اللي ﻻ يمكن انسها هزمتنا من الاهلي 4/1مدري5/2 شي زي كذا وقتها الاهلي عندهم مهاجم فنان ضني اسمه كالو رقمه 12 والاهلي بذيك المباره كان مسيطر سيطره مو طبيعية قبل ﻻنجيب كماتشو

إقتباس الرسالة الأصلية كتبت بواسطة ابوعزوز2020 مباراة الهلال والغرافة بكيت حزن وبعدين بكيت من اجل الفرح والهلال ام اصلال بكيت من الغبنه كنت بالملعب والهلال ولسان بكيت قهر كنت بالملعب بعد

هههههههههههههههههههههههههههه ﻻتحظر الموسم الجاي وﻻ اللي بعده تكفى هههههههههههههههههههههههههههه شكلك نحس اسف وﻻكن انت الوحيد اللي ﻻزم تكون زي خلف الشاشه ﻻتتضايق من كﻻمي هههههههههههههههههههههههههههه