وقع رسمياً اللاعب تياقو نفيز انتقاله رسمياً للزعيم الملكي هذا اليوم
المصدر تغريدة سليمان المطيويع بالتويتر
اتنمى له التوفيق

وقاله ايضا مصطفى الاغا امس برضوا

بس مادامك ماشفته له صوره رسميه وهو يوقع لا تصدق شف يحيى الشهري دخل الهلال باخر لحظات التوقيع وطولت المفاوضات بعد ما اعلن النصر انه وقع

يعني لا تصدق الا لما يلعنونه بالمنتدى

ويعطيك العافيه

شكرا ننتظر الأعلان الرسمي من المركز الرسمي

تسلم

الف مبرووك للزعيم ...

مااعتقد ان الاداره أو سامي بـ هالغباء حتى يوقعوا مع لاعب مصااب .... أكيد ان الاصااابه ياا طفيفه وتحتاج لفتره علاجيه بسيطه ..

أو ان اللي سمعناه مجرد اجتهادات صحفيه غير صحيحه ...

بالتوفيق للزعيم ..

الله يكتب اللي فيه خير وكلنا ثقه في الله ثم في ابو عبد الله

ننتظر ونشوف.

يعطيكم العافية.

حتى اصابه عاديه مافيه لاعب ما ينصاب يعني لوانه انشفى من الاصابه ووقع معه ما بتبقى اثار الاصابه؟

هي مسئله توفيق وان شاء الله بيتوفق مع الهلال

اكبر نكسة في تاريخ الهلال ..؟؟؟؟
كيف يتم التوقيع مع لاعب مصاب اصابه خطيره و مزمنه ومنتهي الصلاحيه !!!!
الله لايوفق الخبيث المندس الذي خلط للهلاليين السم بالعسل حتى تم التوقيع معاه .. حسبنا لله ونعم الوكيل

لاعب اشوفه عادي جدا
ولاعب ثقيل داخل الملعب
وكراته الثابته مايستفاد منها نهائيا
مدري وش اللي اعجب الاداره فيه
بدايه سيئه ان صحت الاخبار بالتوقيع معه

لاعب مصاب ويوقع معة !!!!!!!!!!!!!!!!!!!!!!!!!!!!!!!!!!!!!!!!

يارجال قول غيرها

نيفيز كان معاه ويلي ورادوووي

ماكان يلعب لحاله

نبي لاعب مهااري وسريع مثل ويلللللي

لاعب يصنننع الفرق

فما بالك لو كانو 4 يصنعو فرق ؟؟؟

آلخبر منتشر من آمس بتويتر ،

لكن وآلله العظيم آصبحت لا أصدق أي خبر ، حتى أرى صورة التوقيع .. !

أو إعلان من اللاعب نفسه أو المركز الإعلامي !!

شكرآ على اجتهآدك ،

الاعب مافيه الا العافيه ومبدع الموسم ذا مع فريقه وهذا أخر هدف سجله
https://www.youtube.com/watch?featur...&v=Sdb1wbwbtXI

نيفييز كويس

خلك على قردك لا يجيك الأقرد منه


وشبه الجمهور زعلان ترى نيفيز خاض تجربه مع الهلال وكان كويس جدا رغم أنه مو مهاجم صريح إلى أنه أستحق الهداف

لاعب مميز وش تبغون يسجل ويصنع يبني الهجمه بطريقه إحترافيه وعليه تسديدات يساريه تدل الباب سواء كور ثابته أو متحركه

لاعب إلى فتره قريبه وكاد يمثل منتخب البرازيل وتقولون فاشل !!!

مين الناجح أجل ؟



بعدين الشق أكبر من الرقعه يا جمهور الهلال معقوله عقولكم ما أستوعبت الحاصل بنادينا من أربعه مواسم !!!

الحين الريس كمل خمسه مواسم هو وطاقمه نفسي يا زعلانيين تثبتولي أنه كان ناجح بإستقطاب لاعبيين أجانب أو مدربين أو حتى محليين ؟؟؟

خمسه مواسم وشفنا من الأجانب أشكال وألوان لكنهم يتفقوا على شي واحد وهو الفشل

جربنا هاسيك و ليكنز و توماس دول و كومبواريه و وزالاتكو خامسهم على مستوى التدريب بأمانه من الصاحي فيهم ؟
خمسه مواسم على مستوى التدريب مافيه غير جريتس وسحب عليك حتى ماطالبته بالجزائي من زود الكرم

على مستوى اللاعبيين الأجانب : سول و يوسف العربي و هرماش و إيمانا و مانقان و أوزييا و لوبيز و بوليفار و يونغ و أحمد علي .... وغيرهم
بالخمسه المواسم الكويسين فقط رادوي و نيفيز و ويلهامسون .. ولو ترجع للأحداث بتحصل الإداره هيا من فرط فيهم زي ولي تشري عقده مرتين هههه

اللاعبيين المحليين مايحتاج أتكلم شوف أسماء اللاعبيين كامله وبتحس أنك ب هجر مو الهلال :

العتيبي و الشمري و المرشدي و خيرات و رضوان و نامي و البيشي و الزوري و الغنام

ويروح : البرقان و شافي و المؤشر و هوساوي و الفريدي
ويجينا : وليد الجيزاني و سعد الحارثي و يوسف السالم و فايز السبيعي !!!



وبالأخير يزعل الجمهور من التعاقد مع نيفييز وكأنهم متعوديين على ميسي ورونالدو ونيمار



واللي يقول من الغباء توقيع مع لاعب مصاب أقوله لاتروح بعيد مانقان وقعوا معه وله 6 شهور ماطق كوره وهذا نيفيز أسأل الإتحاديين والنصراويين عنه وش جاب القمر للنجوم

إقتباس الرسالة الأصلية كتبت بواسطة عـ(ياسر)ـاشق وقاله ايضا مصطفى الاغا امس برضوا بس مادامك ماشفته له صوره رسميه وهو يوقع لا تصدق شف يحيى الشهري دخل الهلال باخر لحظات التوقيع وطولت المفاوضات بعد ما اعلن النصر انه وقع يعني لا تصدق الا لما (يلعنونه) بالمنتدى ويعطيك العافيه

ليش يلعنونه هههههههه>>أمزح




إن شاء الله يطلع الخبر صحيح ونستبشر بعودة نيفيز..


عوافي


:-)



....