السسلام عليكم ورحمه الله وبركاته


اسعد الله اوقاتكم بكل خير..


احب ابد ببعض الاشياء اللي دبلت تسبدي :-

1- حنا
2- ترانا
3- نبي

^
ترا يوم تنزل موضوع لا تجمع احد معك قل انا بقاطع النادي انا ترا ماني بحاضر انا ابي اللاعب الفلاني


وكلن يجيب اسم معروف وماهو معروف ويطالب الهلال يتعاقد معه

ويجي واحد يردعليهم ماهو من مستوى الهلال !!

قله من الجماهير ما يقولها وكل تعاقد متخوفين منه ولا يعجبهم شي

مثلا التعاقدات الحاليه واللي ابرزها يمكن نيفيز

قالو انه مصاب مع العلم انه يوم جانا اول مره كان مصاب ولما انشفى بدع
وكان سبب عوده للبرازيل عشان يقدر يلعب بالمنتخب لانه طموح له

طبعا معروف للعالم ان الدوريات الخليجيه اصلا حقت فلوس

يعني ماهو جايك لاعب بيرفع مستوياته الفنيه بالخليج <~ قاعده
يعني من 26 وفوق بيجونك هنا

نرجع لنيفيز ما اتوقع احد نسى اهدافه بالاتحاد وغيره كما انه يجيد الكرات الثابته وهذا اللي يفتقده الهلال واللي يقولون يلعب ع الواقف وما يدافع هو اصلا صانع لعب مب محور دفاعي عشان يدافع على كذا تبون الهجوم يدافع بعد

يو بيونغ سو
- هاللاعب لو فيه احد بيكسب حسنات مني من كثرما اسب واعصب فاكيد بيكون هو

- الميزه فيه مثل الراهب سريعين وماعندنا مهاجم سريع ياسر والسالم مهاجمين صندوق او حوله يعني لو انطلق حديهم من نص الملعب ما ياصل حول مرماهم الا يامقطوعه الكورة يامقطوع نفسه

- ودك يسووون له تمرين كيف يشوت وهومنطلق بدال هالشوتات اللي ودك تشوت راسه مع كل شوته بعيده عن القول لو بيسوون له هالتدريب اتوقع انه بيصير نجم

بالنسبه للهلال

اانا اشوف نقطه ضعفه واللي دايم يكون الهجمات منها الظهير الايمن

نامي والبيشي _ الحين نامي بيروح اعاره يعني لو انصاب البيشي بتقشر بصل

والدفاع يوم كان تفاريس وبعده هوساوي وبعده اوزايا وخيرات والمرشدي دايم ما بينهم عدم توافق اللي كان يرقعه المحور :خالدعزيز ورادوي فلما تجيب مدافع جب محور صح لان الهلال كانت له الكرات اللي بالعمق خطر مثل الكرات اللي من جهت الظهير الايمن

الهلال لو يصعد حارس من الاولمبي وظهير ايمن ومحوردفاعي يجربهم بالشوط الثاني بمباريات حسمها بفرق هدفين للمستقبل


وفي الاخير انا اريد وانت تريد والله يفعل ما يريد

وسوا كانت التعاقدات جيده ام لا فانت لا تعلم بالغيب

فعسى ان تكرهوا شيئا وهو خير لكم

وأنا معاك أن بعض مطالبات بعض الجماهير زادة عن حده وكأنها صاحبة الكلمه النافذه في الفريق
تريد إداره ومدرب يعمل بفكرها وتوجهها وتطالب بالنجاح أو الرحيل
وتناست في النهايه أنها هي من تدين نفسها بسبب هذه التدخلات


سؤال هل أحد دخل عقل المدرب وقرأ فكره هل هذا يفيد أو لايفيد
كيف تبحث عن نجاح أنت تكون قد فرضت نفسك على شخص آخر وتطالبه بالنجاح

أعتقد الحكم سابق لآوانه والتقييم كذلك وكما منحنا سامي الثقه في التدريب علينا منحه الثقه في
الإختيار فهو الأقرب والمتواجد ولديه فكر ونظره في الإختيار لكي يتماشى مع طيقته
وليس طريقة وفكر غيره


يعطيك العافيه

والله انك صادق لغة الجمع نقع فيها

عندك الظهير الأيمن والهجووم هي ام المشاكل

وخصووصا الهجووم بدوون اجنبي ينهي بشكل سليم ماراح يفيد صناع اللعب

اما الكووري خساره مسكه للخانه على حساب اي مهاجم ولو من فئة الشباب

تسلم جدا

بالعكس الهجوم ياسر والسالم وبيونج كويسين


بس ودك بظهير ايمن من كوريا او اليابان لانهم يطبقون الهجوم والدفاع صح او استراليا

حنا.مانبي.بن.مساعد
حنا.معك.قلباوقالبا.يبن.مساعد
لغة.تفقع.الكبد

اتفق معك في حاجة الهلال لظهير ايمن ومحور ويوجد الكثير لكن .........
شكرا لك

ظهير أيمن فقط فقط فقط

هذا مايحتاجه الهلال

إقتباس الرسالة الأصلية كتبت بواسطة عـ(ياسر)ـاشق بالعكس الهجوم ياسر والسالم وبيونج كويسين بس ودك بظهير ايمن من كوريا او اليابان لانهم يطبقون الهجوم والدفاع صح او استراليا

ططيب الاسيوي يو بونج وتبي تجيب اسيوي ثاني

قل اوربي افريقي اما اسيوي ثاني !!

إقتباس الرسالة الأصلية كتبت بواسطة al-jouf ططيب الاسيوي يو بونج وتبي تجيب اسيوي ثاني قل اوربي افريقي اما اسيوي ثاني !!

انا قصدي نجيب اسيوي ظهير أيمن بدال الكوري

ونجيب مهاجم مكان الكوري

إقتباس الرسالة الأصلية كتبت بواسطة زعيم الكل@ كتبت سابقاً عن إدارة الهلال وقلت بقائها لموسم جديد كارثة لكن عندما اختير سامي كمدرب قلت يمكن أن يكون هذا خطوة تصحيحية من الرئيس إذا هو لم يتدخل في عمل سامي وقام بدعمه مادياً ومعنوياً وترك له حرية اختيار اللاعبين الاجانب الذين يخدمون الفريق ، لكن الليالي تبان من عصاريها فالأخبار التي تاتي من هنا وهناك لا تسر ولعلنا نصبر لحين صدور بيان رسمي من النادي حول التعاقدات، وإن كانت كسابقاتها فلنعلن العصيان على رئيس النادي وإدارته ولنطالبهم بالإستقالة العاجلة ولنحضر للنادي ولنهتف ضدهم، ويكفي معشر الزعماء مانتعرض له من إحباط ولنادينا من إخفاقات وطمس لتاريخه المشرق في عهد بن مساعد

والله ياانت مسوي الهوايل اللي يسمعك يقول الهلال المركز الاخير ومهزوم كل مباريته ووضعه بالحضيض ..
نوعيه تدور اي شيء بمنقاش وتمسك عليه .... الاداره مالها علاقه بالامور الفنيه شغلها تمشي امور النادي الامور الفنيه للمدرب هو من يختار والتوفيق بيد الرحمن ... لكن انت جالس تتصيد الزله لااي شيء وتبي الاداره تروح واللي يسمعك يقول البديل واقف عند باب النادي ينتظر الامير متى يترك الرئاسه .. اللي لهم رائي وابخص منك هم من رشحوه وطالبوه يستمر ..انت مكانك المدرج اللي ماشفناك فيه جالس بالمنتدى شيلو وحطو والدور الحقيقي لك ماسويته ومقصر فيه ..