التجارة تُغرِّم متجر الهلال لعدم تعريب الفاتورة - نادي الهلال السعودي - شبكة الزعيم

تيارالأمس وإلى الأبد · #1 09/06/2013, 02:40 PM

أعلنت وزارة التجارة والصناعة اليوم (السبت) عن تغريمها متجر نادي الهلال بالرياض، لعدم تعريبه الفواتير رغم توجيه الوزارة بذلك خلال حملة دشنتها منذ أشهر للمحال التجارية.
وتقدم المواطن بشكوى عبر حساب الوزارة بموقع “تويتر” قبل يومين، قال خلالها: “متجر الهلال حتى الآن لم يُعرّب فواتيره”، مرفقاً بتغريدته صورة ضوئية لفاتورة صادرة عن المتجر باللغة الإنجليزية بتاريخ أول من أمس (الخميس).
وأتى رد وزارة التجارة اليوم بالقول : “نشكرك لتعاونك معنا، تمت مخالفة متجر الهلال لعدم تعريب الفواتير”.

أنا أبصم بالعشرة إذا ما كان نصراوي ...

al-jouf · #2 09/06/2013, 04:03 PM

والله ما اددري ..

يمكن تكون ميوله ثانيهه لككن اللي واضح ان الزعيم مسبب ازمه نفسيه له ولا وش يخليه يدور بالفواتير هههههههه

FAISAL AL7RBY · #3 09/06/2013, 04:08 PM

واضح ان عدم تعريب الفواتير مخالف

كان الاجدر بالمتجر تعريب الفواتير

لاتستغرب انا هلالي · #4 09/06/2013, 04:13 PM

يعني الحين اتركوا كل المحلات وجو بس لـ متجر الهلال

انا دايم اروح البقاله اسأل هذا بكم وهذا بكم

بس مدام كذا تأكدت 100% اي اي شي يخص الهلال حتى لو كان بسيط

راح يسبب لهم عــــــــقـــــــــــده نــــــــفــــــــــســــــــــيـــــــــــه

الغازي الهلالي · #5 09/06/2013, 05:31 PM

(الهلال هو اساس النجاح لكل عمل) وهذا حقيقي لان 75 من الشعب هلالي فهم يختصرون المسافات للنجاح ويرضون المسئولين في الاساءه للهلال كم انت عضيم ايها الهلال .

hilalicanada · #6 09/06/2013, 05:52 PM

هههههه... فقراوي وغصب عنه شرى من متجرنا... هههههههه

تلومني فيك · #7 09/06/2013, 05:58 PM

طيب هذا النظام السائد حاليا والمتجر كان مخالف ويستحق المخالفه كبرو عقولكم شوي يا شباااب

البرنسيسة الهلالية · #8 09/06/2013, 06:02 PM

والله جهل مركّب

طيب ليش وزارة التجارة ما تغرم ريد تاج و سنتربوينت وبنده

لعدم تعريب الفواتير

الله يعيننا على جهل وزاراتنا.

تقبل مروريـ

الساهر99 · #9 09/06/2013, 08:24 PM

إقتباس

الرسالة الأصلية كتبت بواسطة البرنسيسة الهلالية


	والله جهل مركّب طيب ليش وزارة التجارة ما تغرم ريد تاج و سنتربوينت وبنده لعدم تعريب الفواتير الله يعيننا على جهل وزاراتنا. تقبل مروريـ

اشتك عليهم وبيغرمونهم

كاموكازي · #10 09/06/2013, 08:25 PM

فقراوي منقهر ولقا شي يبرد فيه خاطره

هـلالــ1997ــي · #11 09/06/2013, 08:44 PM

،، !

حسبي الله ،،،،،!!

،

fahad al.hilaly · #12 09/06/2013, 08:50 PM

شباب أحد يروح متجر الفقر ويشوف إذا فواتيرهم معربة او ﻻ .. !

303 هلالي 303 · #13 09/06/2013, 09:00 PM

يا حبيبي لا نصرواي ولا شيء القرار هذا تم الاعلان عنه و الان يتم تطبيقه
و ما هو اي شيء يصير ضد الهلال صار نصراوي خلاص ارتقوا

هلالي دووووووم · #14 10/06/2013, 06:06 AM

هههههههههههههههههه تتوقعون يكون اللي مشتكي هلالي؟اكيد لا

داهية مدريد · #15 10/06/2013, 10:38 AM

هههههههههههههههه

والله شي مضحك رفقا بالعقول

الحين جات على المتجر

يروحون الماركت ويشوفون الهوايل اسعار مختلفة من محل الى محل لا حسيب ولا رقيب

وبعض المواد مو مسعرة

للأسف نقول ولا نفعل واذا طبقنا مو على الكل

استغفر الله العظيم بس

يوما ما ستشرق شمس الزعامة من جديد 54 يا وزارة التجارة و الصناعة