بسم اللهـ الرحمن الرحمن
السلام عليكم ورحمهـ اللهـ وبركاتهـ
كيف حالكم يا عرب ؟..إن شاء اللهـ بخير ..
كح كح ما عرف أكتب مقدمات ..بدخل ع الموضوع ع طوووول ..
أبي أعرف وش يعني الكيان الهلالي ؟!!!...
إللى أعرفهـ إن الكيان الهلالي يتكون من الإدارهـ والمدرب ولاعبين وجماهير ..

نبدأ بالإدارهـ :
كان معظم جماهيرنا يطالب برحيل الإدارهـ أو بتصحيح الأخطاء ..
والإدارهـ إختارت تصحيح الأخطاء ..وفعلا بدأت بالتعديل ..بدأت بالتوقيع مع الأسطورهـ " سامي الجابر " وأنهت عقود الأجانب ...وأولهم الكوري إللى ما أدرى وش كانت فايدهـ ..
وكملت مسيرهـ التعديل بجلب لاعبين مميزين للفريق ..>>> من وجهـ نظري المتواضعهـ ..
فليش لازال بعض الأعضاء ينتقدون الإدارهـ ويطالبون برحيلها ؟!!!..
إيش المطلوب منهـا وما سوتهـ ..؟!!

الأمير عبد الرحمن بن مساعد باقي ع رئاسهـ الهلال ..( المصدر المركز الإعلامي في أخبار أمس ) ..خلونا نتذكر إنجازاتهـ مع الزعيم ...
حقق ست بطولات وهي : مرتين الدوري السعودي (2009 -2010) و(2010-2011). وكأس ولي العهد أربع مرات (2009 و2010 و2011 و 2012) .
بمعنى آخر كل موسم تقريبا الهلال لازم يخرج ببطولهـ ..
فهل هذا ما يشفع لهـ إنا نعطيهـ فرصهـ يكمل تصحيح الأخطاء ؟!!..
خلاص سوا إللى عليهـ وقاعد يحاول تصحيح الأخطاء ..فليش ما نوقف معاهـ ؟!!..

نجي للمدرب الأسطورهـ "سامي الجابر" وياسر والشلهوب ..
من يوم ما إنتشر خبر إحتمال إنهـ يصير مدرب ع الكتيبهـ الهلاليهـ ..وخلق اللهـ مب تاركينهـ في حالهـ ..وهو ما شاء اللهـ عليهـ مسوي طآآآآآف لكل الكلام السلبي اللي ينقال عنهـ ..ومركز في شغلهـ ...ويحاول لوصول لهدفهـ وهو إن يرجع الزعيم لمستواهـ الحقيقي ..
ووصل الأمر إنهـم يحاولون يفرقون بين جمهورنا الغالي بكلامهم عن وجود خلافات بين سامي وياسر ..وإن سامي خير الشلهوب بين الإعتزال واللعب إحتياطي ..!!!
قبل ما أبدأ حملهـ الدفاع عنهم ..بسألكم ليش كل ما جينا ندافع عن لاعب ولا نقول رأينا بصراحهـ فيهـ .. نقزتوااا وقلتوا ما يهمنا الكيان يهمنا اللاعب ؟!...
ليش مب هالاعب يمثل جزء من الكيان الهلالي ؟!!!!!...
ولا قلتوا يا مندس يا مطبل ..!!!

يا إخواني وأخواتي من حق كل واحد منا يقول رأيهـ بإحترام ومن غير ما حد يجرح فيهـ ويتهمهـ بتفضل لاعب ع الكيان الهلالي ..!!!

وإختلاف وجهات النظر بين الجماهير ما يعني إختلافهم بحبهم لمصلحهـ الزعيم ..
كل واحد يقول رأيهـ ويعطي الأدلهـ ع كلامهـ ...يمكن يقنع الطرف الثاني ..؟!!..

نرجع لموضوعنا ياسر والشلهوب ..صراحهـ هذا أمر ما ينسكت عنهـ نهائيا ..أنا وحدهـ من إللى يعتبرون ياسر وسامي والشلهوب خطوط حمراء في الهلال ..

لأني هالثلاثهـ بذات واثقهـ فيهم ثقهـ عميان إنهم من عشاق الزعيم ..وما ظني في أي لاعب يعشق الهلال كثرهم ( أقصد الموجودين حاليا بالزعيم )... والدليل ع كلامي سامي يوم إحتاجهـ الهلال لبا النداء من غير تردد..

أما بخصوص اللي يقولون ياسر إنتهى وما رح يفيد الهلال ..ردي عليهـ كيف إنتهى وآخر إنجاز خارجي لهـ بطولهـ الدوري 2012 مع العين ..
يعني في أمل إن الهلال يستفيد منهـ ..!!!
لا أحد يقولي العين ضعيف ..كيف العين ضعيف وهو زعيم الدوري الإماراتي ..ومشاركـ بدوري أبطال آسيا أكثر من مرهـ ..وقد أخذ كأس آسيا ..!!!

أما الشلهوب الموهوب .. هذا بذات أجزم إنهـ يلعب بذمهـ وضمير ..ومخلص لشعار اللي يلبسهـ .. وفي أكثر من دليل ع كلامي أهمها يوم لعب منتخبنا وخسر ضد الكويت نهائي خليجي 20 ..وكان يومها الشلهوب هو الكابتن ..بكى من قهرهـ وإن الفوز ضاع من بين يديهـ .. بكى علشان بطولهـ مدتها إسبوعين فقط ..!!!

فكيف تبون تقنعوني إنهـ الهلال ممكن يستغني عنهـ ؟!!..
وهو من لعب مع الهلال من يوم ما كان عمرهـ عشر سنوات إلى الآن ..
يعني ولد النادي ..قبل ما يكون لاعب للمنتخب ..!!!

كيف جايين تقابلون حبهـ وعشقهـ لزعيم لكل هالسنوات ..بإنكم تطلقون عليهـ إشاعهـ إن سامي خيرهـ بن اللعب إحتياط وبين الإعتزال ..!!!

هالكلاااام صرااااحهـ يرفع الظغط ..ومب مقبوووول نهاااائيا ..

تدرووووون متى رح أقتنع إن سامي وياسر والشلهوب مب أهم العناصر في الهلال ..
يوم تقنعوني إن النصر يستحق لقب العالميهـ ..

فلااااا تحااااولووووون تقنعووووني... لأن هذوووول أعمدهـ أساسيهـ في البيت الهلالي ..

وأخير نجي نتكلم عن دور الجمهور :

إقتباس لاحول ولا قوة الا بالله اللاعب منسق من الاتفاق حسب كلام الدوسري وكبير بالسن ايش سالفة التعاقدات الاخيرة مع كبار وين ثنيان التعاون الموسم القادم يخوف وكل سنه اردي من اللي قبل

إقتباس مع احترامي تعاقد غير مناسب أبدااا يعني فرحانين يوم ظفرتوا بالسبيعي ، سويتوا انجاز كبير ؟ ياليتنا باقين على قردناااااا، وياخوفي بكره يضمون مبروك زايد والخوجلي .................!!! شئ محير فعلااااااا بعد التميز في التعاقدات نقبل رجيع الأندية .

الحين أنا ما رح أتكلم عن فايز السبيعي بالتحديد ..بتكلم بشكل عام ..

باللهـ عليكم من متى جمهورنا يقول هذا كبير في السن وهذا رجيع الأنديهـ ..!!!!

مغير هالموسمين صرت ألاحظ هالعبارهـ كثيييير ....
كل من يحمل شعار النادي الملكي ..يعتبر هلالي ..ولا يهمنا وين كان قبل ..
الحين كيف حكمتوا ع السبيعي إنهـ ما رح يفيد النادي بشيء وهو ما بعد يبدأ لعب معانا ؟!!...تونااا مااا عرفنااا خيرهـ من شرهـ ..

اللهـ يهداكم ...مااا تعرفوووون تتفااائلوووون خير ..وش دراكم يمكن مع الهلال يقدم أحسن من اللي قدمهـ مع الإتفاق ؟!!..

قبل ما تقارنون بين اللاعبين الحين وزمان ..
قارنوا بين جمهورنا قبل والحين ..
تقولون اللهـ ع أيام قبل اللاعبين يحترقون والحين باردين ..
ونسيتوا تقارون بين جماهير قبل والحين ..!!!

إقتباس انا لست متفائل بفايز فانا اعرف فايز جيدآ ولعبت معه في نادي الساحل بمدينة عنك وهو حارس عادي جدآ وهو في عمر 30 عام واقسم باالله العلي العظيم انه اسر لي شخصيآ بميوله النصراويه ولاكن اذى نجح مع الزعيم وكان الحارس الاول فا انا استحق الطرد من هذا المنتدى والله علا مااقول شاهد ان فايز حارس عادي جدآ وهو ابن عم خالد المليحي السبيعي عضو مجلس ادارة الهلال واراهن علا عدم اقناعه لنا كحارس يخلف الدعيع او حسن العتيبس

كل الردووود بكفهـ ..وهذااا بكفهـ ثااانيهـ ..

الحين دامكـ كنت تعلب معاهـ في نادي الساحل ع قولتكـ ..وراء ما كملت وصرت بمستواهـ وشهرتهـ ..يمكن كنت مكانهـ الحين وتلعب في الزعيم ؟!!..

أما بخصوص ميولهـ نصراويهـ ..وش الدليل ع كلامكـ ؟!!...
هو أي شخص يشجع نادي غير الهلال ..لازم تخلون الكل يكرهـ ..ليش ؟!!

ع أساس حكمت إن ميولهـ نصراوي .. أنا عن نفسي ما قد سمعتهـ تكلم عن نادي النصر لا بخير ولا بشر .. غير وقت المبارهـ ..!!!
و ع ما أعتقد إللى يحب شيء أفعالهـ بتفضحهـ .. !!!

فبصراحهـ مب مصدقهـ هالكلام نهائيا ..واللي مخليني متأكدهـ إن مب ميولهـ نصراويهـ هو كلامكـ نفسهـ ..

تقول ميولهـ نصراوي ..وبنفس الوقت إبن عم عضو في الهلال ..!!!
مب المفروض يكون الأقرب إن ميولهـ تكون هلاليهـ ؟!!..

ياااا جعل اللهـ يوفق السبيعي إن شاء اللهـ ويصير الحارس الأول .. علشان نشوف وش يصير بهالناس إللى ما عندها وظيفهـ غير محاولهـ إحباط اللاعبين ونشر الإشاعات ..

عموما جمهور الزعيم الحقيقي واعي وفاهم هالحركات ...وما رح يسمح لأحد بإنهـ ينشر الفتنهـ بينااا ..وبإذن اللهـ ياسر والشلهوب والسبيعي ..بيحقوووقووون الإنجازات مع سامي والزعيم ..ويسكتوووون كل من ششككـ فيهم ..

جمهورناااا الغااالي ..أدري إن بعد ما يبدأ الهلال باللعب ..رح تنسون كل الخلافات وتوقفون صف واحد خلف الزعيم ..ولكن أتمنا نتوحد الحين ونشجع اللاعبين خصوصا اللاعبين الجدد ع الفريق ..
لأني متأكدهـ إنهم يقرؤن المواضيع اللي تنكتب عنهم ويشوفون وش ردت فعلنا عنهم ..!!!
لاااا تسمعووون كلااام المندسين وتسمحون لهم بتحقييق هدفهم ..<

هذا هو الكيان الهلالي ..إدارهـ ومدرب ولاعبين والجمهور الداعم ..
فهل فهمي صحيح للكيان الهلالي ولا أنا غلطانهـ ؟!..

واللهـ يوفق الزعيم وين ما راح إن شاء اللهـ ..ويحقق كل طموحاتنا هالسنهـ ..