طلبات اغلبها لاتلامس الواقع
احد الاعضاء يطالب بلاعب مغربي عمره 23 ويلعب بالدوري الاسباني بالله عليك هذا يترك الدوري الاسباني وميسي وكريستيانو عشان يجي يلعب مع محمد مسعد
مع احترامي له شخصياً
والثاني يطالب بلاعبين من الدوري الانجليزي ومستقرين مع انديتهم
ثم هناك من يطالب بلاعبين اسعارهم تفوق الخيال 11 مليون يورو ترى الاسعار هذي اللي تقرونها بالنت هي مايطلبه النادي لفك عقد اللاعب اما راتب اللاعب وشروطه هذي بعد ماتتفق مع النادي على المبلغ تدخل معه في مفاوضات ثانية يعني ممكن النادي يطلب 2 مليون يورو = 10 مليون ريال تقريباً يجيك اللاعب يقول ابي راتب 2 مليون يورو بالسنه يعني 10 مليون ريال في السنه وتتعاقد معه 4 سنوات يعني يطلع كامل الصفقه 50 مليون ريال
على كذا انا اطالب ادارة النادي بجلب الفلته التي لاتنتهي
رونالدينهو (ولو انه راعي فله ماراح يرتاح في السعودية بس قيمته مقاربه للي ذكرت للتو)
خلونا عقلانيين شوي في (طموحاتنا) وتأكدوا انكم تتعبون نفسكم هنا ماحد يدري عنكم ولاترفعون سقف الطموح عشان لاتنصدمون.
في نقطه مادري اذا كان المفاوض الهلالي يستغلها والا لا لما يتفاوض مع اللاعبين وهي ان الرواتب عندنا خالية من الضرائب على عكس جميع دول العالم هذه ممكن تكون الاغراء الوحيد لاي لاعب في اوربا انه يجي عندنا.
اخ بس لو اقدر اوصل لهالمفاوض واعلمه كيف يشتغل.