تجديد الثقفه و الولاء لإدارة عبدالرحمن بن مساعد _ و عودة سامي - نادي الهلال السعودي - شبكة الزعيم

MARU9 · #1 28/05/2013, 10:34 AM

بسم الله ارحمن الرحيم

اعضاء الشرف أعطو الثقه لإدارة عبدالرحمن بن مساعد

اتوقع ان اعضاء الشرف أو( بندر بن محمد )
أدرى بمصلحة النادي و ما اعطوه الثقه الا لأنهم شايفين العمل المبذول من شبيه الريح ولكن البعض خانه

ف في اول إدارته الهلال فاز في كاس ولي العهد و كان الجمهور يطالب ب كأس اسيا و شبيه الريح قال على خشمي
و كان الهلال في افضل حالاته الدفاعيه و نوعآ ما الهجوميه
اللي حصل بعد كأس ولي العهد كوزمين انطرد ب سبب انه فصخ الفنيله

< هنا الهلال طلع من اسيا
و كمل الهلال مشواره في اسيا ب قيادة عبداللطيف الحسيني
و طلع من ام صلال
______
و كان الجمهور متخوف و متحسر ع ايام كوزمين
ف احضر الامير قيريتس و اربع اجانب سوبر ستار
وكانو الاجانب
1- ميريل رادوي
2-الكوري لي يونق
3- كريستيان ويليهامسون
4- تياقو نيفيز

وكان الهلال مسيطر ع كل الارقام
افضل دفاع : الهلال
افضل هجوم : الهلال
وكل شي الهلال

كان الحضور الجماهيري في كل مباراة ممتاز
حتى مباريات الهلال مع الانديه الصغيره كان الجمهور يحضر عشان يشوف الجمل التكتيكيه و الطقطقه

‫جمهور الهلال طرب على اصوله‬‎ - YouTube
وهنا الجمهور كان في افضل موسم له
‫جمهور الهلال .. مقطع خرافي لـ جماهير الزعيم . !‬‎ - YouTube

‫اكبر جماهير في آسيا - The largest audiences in Asia‬‎ - YouTube

‫المعلق عامر عبدالله يتفاعل مع جمهور الهلال‬‎ - YouTube

‫جمهور الهلال اقوى جمهور في اسيا‬‎ - YouTube

^
جمهور الهلال في عز توهجه = عودة روح الهلال

و جت مباراة ذوب آهن و كان قيريتس تفكيره في المغرب

و كان تفكيره بالمغرب من مباراة الغرافه < هنا خذل الامير للمره الثانيه

________

و موسم بعد موسم نطلع
و للمعلوميه اي مدرب عالمي لا يكمل شخصية الفريق الا ب اللاعبين

و عندنا بالسعوديه

اجانب سوبر ستار + مدرب سوبر ستار = موسم استثنائي

ف سمو الامير ما قدر يجيب مدربين عالميين بسبب صعوبة ظروف التعايش بالسعوديه

الا من قل , و اللي يجي للسعوديه بالعاده يخليها بوابة عبور للدول الخليجيه
و الشواهد كثيره

_____

الحلول ؟

الهلال مشكلته دفاعيه بحته
ف انا اقترح التعاقد مع عامود فقري للفريق اجنبي
يعني قلب دفاع و محور و مهاجم اجنبي و ظهير اجنبي
ف مافيه مانع انك تتعاقد مع اجنبيين في نفس الخانه إذا ماعندك محلي يسد الخانه

او

قلبين دفاع و محور و صانع لعب اجنبي

انا افضل التعاقد مع مهاجم اجنبي هداف , ف زعيمنا تنقصه اللمسه الاخيره

من اجل اسيا يجب انك تضحي ب بطولة الدوري و تضع كل مجهودك في اسيا

ف الهلال لايبحث عن بطوله جديده
الهلال يبحث عن لقب سابع يجدد زعامته لاسيا

الهلال الموسم القادم احتمال كبير ان سامي يمسك الكفه التدريبيه
يجب علينا ك جمهور مؤازرة الفريق في جميع مبارياته و ندعم سامي

ذكرته في موضوعي السابق و سوف اذكره في هذا الموضوع

الهلال يجب عليه ان يضع لكل خانه مدرب
العالم تطورت وحنا من يوم ماعرفنا الكوره فيه مدرب واحد بس اللي هو المدير الفني

مدرب مدافعين : يعلمهم كيف ياخذون الكوره ب اقل مجهود

مدرب وسط : يعلم اللاعبين كيف يصيرون صناع لعب ماهرين

مدرب مهاجمين : يعلمهم كيف يتمركزون و الخ ..

و الهلال لاينقصه الا السرعه و اللاعب اللي عنده ميزة الرجل القويه و هذا من حلول التكتل الدفاعي , منذ رحيل طيب الذكر رادوي والهلال يفتقر للاعب صاحب القدم القويه

___

همسه
يجب علينا ك جمهور ان نقف مع شبيه الريح , لانه بيكمل الفتره المتبقيه من رئاسته
اللي فات مات
و شبيه الريح يعمل كي يرضي طموحكم ف كونو خلفه ي جمهور الزعيم

abu-Nawaf- · #2 28/05/2013, 11:12 AM

كفاك تطبيل ومجاملة الهلال ماراح يوقف عليه يارجل الهلال بدون هيبه ولا هويه داخل وخارج الملعب دكة الاحتياط الغنام الحارثي نامي مسعد يعني فريق مفكك والله مادري وش أقول بس خمس سنوات كفايه يعني الناس تتطور وتستفيد من الأخطاء وتعديلها إدارة بن مساعد ما تستفيد من الأخطاء ولا يعترف بالأخطاء مجرد تبريرات لها وفرق بين انك تعترف بالخطا وبين التبرير والله أنا بصراحه في وجود عبدالرحمن بن مساعد خائف على الهلال ومستقبله

العضياني · #3 28/05/2013, 11:23 AM

ياشين التطبيل ياشيخ افشل رئيس في العالم لو يهمه الفريق كان ماسكت على المهزله الي صارت وصحح اوضاع الفريق
رئيس بارد لايفهم في الكورة شي باختصار ضعيف شخصية كل شيء عنده بعدين لين انهار الفريق وكذلك التفريط في الاعب اسامه هوساوي والبقاء على المرشدي ونامي والتعاقد مع الحارثي وعدم جلب حارس بالله هذا يفهم كورة ولا معلق على كاس ولي العهد كفاكم تطبيل الفريق اهم من الف رئيس اين هيبة الزعيم

عادل617 · #4 28/05/2013, 11:27 AM

أنا على طول الوقت مع شبيه الريح وأشوف انه ماقصر
صحيح بعض القرارت جانبه التوفيق والكمال عند الله وحده

العار والتقصير من الاعبين
روح انهزاميه وتكاسل واضح على ارضيه الملعب

بيجي واحد يقول دور الاداره شحن الاعبين !!!!!!
ارد عليه اقول الاتحاد اكثره مشاكل اداريه وضيق مالي
ومع ذلك كلهم روح واصرار وحبّ للكيان

MARU9 · #5 28/05/2013, 11:32 AM

ما باليد حيله __ الرئيس بيكمل فترة رئاسته _ أنا موب مطبل للإداره بس لو نجلس نزاعق من اليوم الى بكره , ماراح يطلع من النادي ! .. يعني نخلي الرجال يكمل فترة رئاسته و نجلس نطالب برحيله .. ولا بما انه بيجلس نسانده إلى ماتنتهي فترته و نقول جزاك الله خير و ماقصرت سويت اللي عليك و الحين الدور على غيرك ؟ .. خلوكم واقعيين و تقبلو الحقيقه _ ف انا اول المطالبين برحيله ولكن مافي اليد حيله !

هلالى وكلى ذوق · #6 28/05/2013, 11:39 AM

اطالب يالامير الظاهرة الرائع محمد بن فيصل يرئس النادى
ماجد

zizo7 · #7 28/05/2013, 11:43 AM

اجدد موقفي ضده واطالبه بالإستقاله لأنه ما يعرف قيمه الكرسي اللي هو جالس عليه ولو سمحتم يا مطبلجيه لا تقعدون تمنون علينا بتعاقداته الأولى فلو بنقعد نتذكر حسنات ما قبل 4 سنوات غرقت السفينه

wAiLi · #8 28/05/2013, 11:53 AM

اكثر ناس تطالب بأستقالة شبيه الريح مندسين الله يفكنا من شرهم ويشغلهم بأنفسهم يارب
أتفق معكك في كل كلمة قلتها لابد من الوقوف مع الأدارة لمصلحة ( الكيان الهــ

ـلالــي )

كلنا مع شبيه الريح ومع المدرب الأسطوري سامي الجابر وراح ندعمهم بكل قوة وسينجحون بأذن الله بعد دعم الجمهور لهم

ي الله يارب ي كريم ان توفق الزعيم في كل مكان و زمان

الف شكر لكك ع الموضوع الجميل

MARU9 · #9 28/05/2013, 12:01 PM

إقتباس

الرسالة الأصلية كتبت بواسطة wAiLi


	اكثر ناس تطالب بأستقالة شبيه الريح مندسين الله يفكنا من شرهم ويشغلهم بأنفسهم يارب أتفق معكك في كل كلمة قلتها لابد من الوقوف مع الأدارة لمصلحة ( الكيان الهـــلالــي ) كلنا مع شبيه الريح ومع المدرب الأسطوري سامي الجابر وراح ندعمهم بكل قوة وسينجحون بأذن الله بعد دعم الجمهور لهم ي الله يارب ي كريم ان توفق الزعيم في كل مكان و زمان الف شكر لكك ع الموضوع الجميل

اسعدني تواجدك

و لازم نوقف مع الاداره في وقت الشده < ماله داعي الجحود ل جميلهم
و اسوء موسم للهلال _ لانه اخذ المركز الثاني بالدوري و اخذ كأس ولي العهد و طلع من دور ال16 من اسيا _ فعلآ انت عظيم ي الهلال

نواف نادي · #10 28/05/2013, 12:19 PM

الله يوفق الزعيم ان شاء الله .....

ويااارب تجي اسيا.....

للمتابعة على التويتر(F15NAWF@)

ابومشاري الهلالي · #11 28/05/2013, 05:16 PM

الله يوفق بن مساعد وادارته وسامي ومساعديه واللاعبين والجمهور لما فيه خير الهلال

Sempon · #12 28/05/2013, 06:02 PM

عبدالرحمن بن مساعد وبس والحمله الصفراء لن تغير موقفي هل احقق ما يريده الفاشلون

زعيم الكل@ · #13 28/05/2013, 06:24 PM

السلام عليكم:
الــــــــــحل الأكـــــــــيد والـــــــــرأي الســـــــــديد
هو رحــــــيل بن مـــســـــاعد الــــــــــعـنيــد
يــــــكفــينـا تطـــــبيل وتــمــجـــــيد
تـــرى هـــــذا كــــله مـــايــفـيـــد
ولو جــلس ســــنة وإلا يـــزيـــــد
والله ثم والله مـــا عـــنده جــــديـــد
وســــــــــــــــلامتـــكم يـــــــا زعـــــــــــــــــمـــــــاء
@زعيم الكل@

الارسنال الزعيم · #14 28/05/2013, 06:26 PM

تجديد الثقه والولاء والمابيعه وفي النهايه ستخرج من بطولة آسيا
4 سنوات وأكثر ونحن نجدد الولاء وماذا حدث !!!!

الهلال أحبك موت · #15 28/05/2013, 06:35 PM

ياليت تصحح أوضاع الفريق واحنا مع الإداره في السراء والضراء ،، وياليت الإسراع في التعاقد مع يحيى الشهري ومع حارس مميز ،،