بسم الله الرحمن الرحيم
أولا هاردلك لنا جميعا على هلال لم يبيض الوجه ولم يقدر الجماهير التي ضربت مشوار إلى الدوحة وتركت أعمالها وأهلها لأجل الهلال وإدارته الموقره وأعضاء شرفه الكرام < نغزه .

ثانيا من العقل والمنطق في عالم كرة القدم إذا ماعندك فلوس وفكر وتخطيط لم تحقق الهدف المطلوب وهو البطولات
الأمير عبدالرحمن بن مساعد طلع أكثر من مره وفي تصاريح إعلامية يقول لدينا عجز مادي وهذا هو اللي خلا الفريق مشلول ولم يحقق المطلوب طيب أذا كان لديك عجز مادي خياران لك وهم أولا الإستقالة أو البحث مع أعضاء الشرف لحل الأزمه هذي .

ثالثا وهو الأهم اين فلوس نيفيز وأيمانا ويوسف العربي ورادوي ومانقان وهرماش وين صرفتها الإدارة هل على ويسلي او بوليفار أو الكوري او اوزيا وين فلوس كأس ولي العهد وين فلوس مكافأة موبايلي كاس ولي العهد وين فلوس موبايلي من قيمه العقد قسم بالله العظيم أنا نستطيع نجلب لاعبين على مستوى عالي بس مع الأسف الإدارة ماتبي تصرف فلوس كثير على الفريق حتى لايكون هناك أزمه مادية تجلب لاعب على حسب المثل رخيص وكويس هل الهلال يستحق 65 مليون في السنه من موبايلي !!! شويت عقل فقط .

رابعا وهو الحقيقة المره جدا واللي قاهرني أخبار الهلال تتداول في تويتر من الإعلاميين بتال القوس والفراج وشلتهم سؤال واحد بس منهو اللي يعطيهم الأخبار هل هو عضو شرف يرحل ويفكنا منه ومن إعلامه معه خلونا نششتغل بصمت ماتعرفون انتم أسالونا وحنا نعلمكم أبتعدو عن الإعلاميين هم من يدهورون الفريق بأفكاهم واسلوبهم .

خامسا حضور الجماهير للمباريات انتم تطالبونا في الحضور وتشترون التذاكر عشان نجي قسم بالله ماحنا عاجزين عن عشرين ريال بس حنا نوصل لكم رسالة غير مباشرة وهو ان الفريق ماقام يمتعنا نفس السابق ولا قمنا نشوف لاعبو يحترقون من أجل الشعار ولا قمنا نشوف لاعبون يلعبون لعب جماعي كل لاعب يبي يجيب هدف كل لاعب يقول انا اللي شايل الفريق لحالي والإدارة صصصامته مع الأسف .

سادسا إذا كانت الإدارة تريد الإستثمار يوجد نشاطات اخرى غير الرياضة لا تستثمر على حساب الجمهور .

سابعا يوجد مستشارين فنيين وهم فيصل ابو ثنين و سامي الجابر وخالد الشنيف وعادل البطي ونواف التمياط هم محليين وفنيون ككرة قدم يعني فاهمين الكرة صح هؤلاء فقط اللي يبي يقول مشكلة الفريق و حلها ويقدمون لك لاعبون سواء اجانب او محليين يفيدون الفريق مو نقاد رياضيين او مقدمين برامج وغيرهم .

ثامنا إذا لم تستطيع الإدارة جلب لاعبين اجانب ومحليين وجهاز فني وإداري وطبي على مستوى عالي عليها الإستقالة الآن تريحنا وتريح نفسها واللي يبي يجي بعدها فيه الخير والبركه .

ملاحظة / قسم بالله العظيم إني لا اتحامل على عبدالرحمن بن مساعد ولكن إني اعشق الهلال وأحب ان يكون الهلال في المركز الآول ولاغيره مايهمني زعل فلان او مازعل الأهم الهلال يكون في المركز الأول وبس رضي من رضي وزعل من زعل .

انتهى

كلام في الصميم اتمنى يصل الى الامير