بستقبلهم بطبق بيض وكرتون زنوبات ..

كلامك سليم فمن احزننا اليوم سبق و ان افرحونا ايام عديده

فكره رائع لكن لاتنسى ان فيه بعض الجماهير اميين ولا ينفع معهم مثل هذا الكلام كل همهم يترززون في الاستراحه وهم فازين هم يشجعون الفوز ولا يشجعون الهلال والبعض يشجع لاعب فقط . البعض جحا اذكى منهم وهم من اسباب تدهور الهلال

كلامك جميييييل
اتمنى ذلك


شششششكررا

انا ضدك صرااااحه
الله يعلم بحبي للهلال وعششششقي له بس ارفض هالفكره

لاااازم اللاعبيين يحسون بحزننا وتعبنا
وربي تعبنا وحنا نجاامل

انا مع الفكره واقسم بالله لو اني بالرياض لكون اول المستقبلين.
فهم ياما افرحونا.
نعم المستوئ من بداية الموسم مو مستوئ الهلال لكن الظروف
كثيره من ابرزها الأجانب اللي خط110
اسيا يبيلها لعيبه مثل رادوي وولي وتياقو مع المجموعه الشابه
راح نكسر الحجر.

ارى مستقبل مشرق وواعد بقدوم الذيب سامي
بس بشرط الحزم والشده ورجوع تمارين الصباح.
والأجانب الأجانب حسب حاجة الفريق

لا والله اللي ما يقدر جمهوره ويحرث الملعب حرث ويهتجم بقوه ويدافع بقوه فحفهم والله باص من باصات المقاولين يرجعونهم فيها من قطر نستقبل اﻷبطال فقط

حنا نومن ان الكورة فوز وخسارة ولكن خسارة بدون مجهود او اداء اجل الاعب الجزائري
يخترق الفريق كامل ومع الوسط ولا احد قدر يوفقه هاذي مشكلة للاسف ماكان فية روح
الحمد لله على ككل حال!!

إقتباس الرسالة الأصلية كتبت بواسطة $الشفق الأزرق$ بسم الله الرحمن الرحيم أخواني أخواتي السلام عليكم ورحمة الله وبركاته هاردلك الخروج الحزين والحمد لله على كل حال طبعا الموضوع باين من العنوان واللي هو طلب ابيكم تنفذوه ياجمهور الهلال بالرياض ، أبيكم تستقبلو لاعبين الهلال بالمطار اي خرجنا وكان آدائهم سيئ الا في ثلث ساعه فقط ، لكن سيكون هذا بداية العلاج النفسي بإذن الله ، افعلو مااطلب فقط ، وستجدون النتائج في قادم البطولات ، اهتفو وشجعو وكأنهم عادو ببطاقة التأهل ، اقسم بالله سيكون مردودها إيجابي ميه بالميه ، اهتفو للاعبين للمدرب للرئيس اعلم ان بعضهم سيغادر ، لكنها ستعطي حماس لاي لاعب سيلعب للهلال مستقبلا لان وسائل الاعلام ستتناقل هالخبر ، لاتجعلو الاعلام والجمهور المضاد يعيشو ليال ملاح بخروج زعيمهم احرقوهم بإستقبالكم للاعبين والاداره ، فقط افعلو مااقول وستحصدون ثمار هذا الفعل . تقبلو تحيات محب الهلال للأبد ( أخوكم الشفق الأزرق )

هذا الكلام تقوله بنص الموسم او بدايته مو نهايته لانه كما تعرف هذي آخر مباراة وبعدها اللاعبين إجازه ومعسكر
تدريبي وفيه لاعبين بيجوا ولاعبين بيروحوا فلذلك ريح نفسك ما حولك

صحيح الهلال قدم نصف ساعة حفظ فيها قليل من كبريائه بس النتيجة الاجمالية وتوقيت المباراة يجعل ما دعوت
اليه اخي الكاتب آمر من الصعب الجزم بنتائجة


بالتوفيق للهلال الموسم الجاي وباي باي كورة حتى ذلك الوقت

يستاهلوووون زعماء آسيآ ...يآمى فرحووونآ وأسعدونآ بالبطولات..

انت زي اللي ولده جاي من المدرسه ساقط ويسويله حفله هتهه المفترض تجهز الفلكه وترنه الين يذن

طيب احنا ياما زعلتا وهاجمناهم بالانتقاد وكل شي

ابيكم بس تجربو هالشي وبس

ترا له مردود ايجابي متأكد من هالشي

وربي ماالومكم اللي معارضني صدقني حاس فيكم

بس خلونا نجرب هالشي هذي اعتبرها بداية العلاج النفسي

انا معاك استقبلهم بس اذا فيه فريق لعب من قبل وحرث الملعب استقبله من اللحين في المطار بس ماهم كفو الواحد يستقبلهم لا روح وانضباط داخل الملعب

لو هذي الطريقه تفيد كان فادت لاعبي النصر
يارجال لا تستقبلهم ولا هم يحزنون لاعبين ماعندهم رووووح

إقتباس الرسالة الأصلية كتبت بواسطة الاسكافي انت زي اللي ولده جاي من المدرسه ساقط ويسويله حفله هتهه المفترض تجهز الفلكه وترنه الين يذن

بالعكس هذا الخطأ وانا اخوك تقدر تعاتبه بطريقه ارقى

الضرب نهائي ماينفع لمثل هالحالات

دام فيه امل للنجاح اذا لنعمل ونتساعد لتحقيقه

شجعه وحمسه حتى يحقق ماتتمناه

ياناس تكفون افهمو مقصدي انا ابي تهيئه نفسيه لكل لاعب حالي وقادم للهلال