اوزيا افضل مدافع بالدوري كله
ومن افضل لاعبين الهلال الآن وأداؤه عالي جداً بل انه حلم ان لاعب مثله يلعب معانا!
و والله اي واحد هلالي يطالب برحيله ما يتساهل ان اوزيّا يلعب في فريقه
فرق كبير بين تافاريس وبين أوزيّا!
من حيث المهارة والبنية والسلاسة في اللعب والاستخلاص للكورة بدون كروت ووفالات والمساندة الهجومية وقوة الشخصية
تافاريس كان فدائي وعشوائي كثير على الرغم من قوته,, اذكر كان اذا لعب معنا الاتحاد راح تافاريس وطي!!
,,
انا اتابع الهلال من سنين طويلة و لا اجد افضل في ذاكرتي من اوزياً من بعد النعيمة وليتانا والاخيرين لعبوا سنين مع الهلال
يعني الله يهديك يا بو محمد تقارن الكوراثي عبدالله سليمان بالمتقن الرزين أوزياً؟!!
فنيا هو افضل من تافاريس ولو تذكر اول موسم لتيفا كان كان سيء او حتى عادي,, اذكر بعض الجماهير كانت تسميه مطاريس! مين هو؟ تيفا اللاعب اللي ابدع مع الهلال فيه جمهور ماكان يحبه!
لكن أوزيا من اول مباراة كان نجم
من أول مباراة!
ووالله اني لا ابالغ في وصفي انه هو اللي شايل الدفاع والمرشدي لحاله
تلقاه يغطي في كل محل واتجاه
الغريبة انك تقول انه بطيئ وثقيل!!! والصحيح انه اسرع من اغلب من قارنتهم في سواءً في التسارع او في الاسبرنت او الدريبل
بل ازيدك على الرغم من طولة الفارع الا انه من اسرع المدافعين طويلي القامة واسرع من كثير ممن هم اقصر منه.. والفـنت عنده اسرع حتى من اغلب لاعبي الهلال واولهم المحاور والمدافعين!
والله ماتستاهلون لاعب نجم مثله في الفريق,,
طيب من تبغون ؟؟؟ بيكنباور مثلا
والله مستعد احط فلوس انه لو يجي يلعب معانا واحد مثله ان لازم يطلع ناس تنتقده وحتى على الشوط
وهذا اللي دمّر لاعبين مثل عادل هرماش اللي كانوا مايحبونه واتضح انه ملك المحور وانه راح و ترك محله فاااضي,, ولوتبحث في ردودي تجد اني كنت اعده افضل لاعب في الفريق
ويجي ويطلع لك من ينتقده حتى ابتلاكم الله بجوستافو! يعني يترك التعبانين في الفريق وينزل لك موضوع عن هرماش! وهو افضل عنصر!
نفس الشيء حصل مع تياقو نيفيز وولهامسون غيرهم كانوا يقولون تياقو مزاجي وحرمته مبهذلته! وولهماسون لاعب تكــتيكي!!!
محد يعجبكم الا واحد يوسف الثنيان,, حتى الحارس لازم يصير زي يوسف ويسحب ويستهبل
يعني انا نفسي قايمة من المنتدى من كمية المبزرة اللي قلبت المنتدى فوق تحت وصارت المواضيع كلها انتبهوا جيبوا حطوا نبي مانبي وصرائخيات ونياحة واستهداف للرئيس واللعبين واي واحد تسول له نفسه انه يحاول ينتج في هالنادي,, مع انه نادي دائما توب في المقدمة وكل سنة ذهب في ذهب
صدقني الهلال لو هو جنسيّه لأسحبها من بعض الهلاليين لو اقدر احولهم اجباري للنصر او الاتحاد,,
اصبح في عزوف واضح من قدامى اعضاء المنتدى والكبار واصحاب الاقلام والرؤى والتحيليل والمباتعات بسبب الانتقاد غير المنطقي ,, المنتدى يئن والمدرج يئن بسبب هذه النوعية الجديدة من المحبطين ولا اسميهم بالمشجعين او بالمناصرين لان دورهم عكسي
ونوادي مثل الاهلي اخر دوري له عام 1404 ! ,,لا واللاعبين الدوليين كلهم غابوا بشكل كامل عن ذاك الدوري لانهم كانوا مرتبطين بالمنتخب,, دوري كامل بدون دوليين
ومع ذلك مازالوا يحضرون وتماسك ,,وجو اخر حلاوة,, ومبسوطين
والنصر من سنين حتى ماشموا ريحة بطولة ومع ذلك مازال رئيسهم مستمر ويحاول ويحاول ,, وجمهورهم يحضر لو حسوا انه فيه ريحة فوز
لكن انت يابو محمد هذي ماتطلع منك ابد؟؟؟ انت رايك سديد وناضج و رايك محترم
وينك عن سعد غونزاليس الحارثي لك ثمان حلقات!!
بالله هذا لاعب؟؟ رجيع النصر سوبر احتياطي حق تصوير وكدش وله قريب الستنين لياقته ما اكتملت؟؟ وستمية لاعب جو من بعده ولعبوا وطارت عقودهم ووصلوا المنتخب
وأخر مباراة ضيع أربه فرص امام المرمى,, ويطلع المدرب يقول اعذوا الحارثي لان لياقته غير مكتمله وهو غير جاهز!!!!!!!!!
يعني عند محاولتك لحصر أي قائمة اولا : يجب عليك حذف الاسوأ فالاسوأ .. ثم تصل الى مرحلة المفاضلة في مرحلة متقدمة,, لكن انت مادري عاكسها الظاهر ,, أو ناسي الحارثي ومن هم على شاكلته
يا عزيزي يعني لاعب مثل الشلهوب واضح جداً انه قل عطاؤه في الفترة الاخير وخاصة في اخر المبارايات كان يكسر الهجمات تكسير على الرغم ن انه في بعض اللمحات ممتاز,, هذي واضحه ويبغالها واحد يتكلم فنيا موش بالعاطفة,, خاصة اذا لعب خلف المهاجم
وبغض النظر عن مسألة تحديد هل يبقى ام لا,, لانها مسألة اخرى
لكن اوزيّا ما يصلح؟؟ كبيرة والله كبيرة
هذي ما فيها حتى احترم رايك وتحترم رأيي
هذي كارثة الصراحة,,
43Likes
الوضع العادي
