أحلى ما في المباراة الجايّه صعوبة الهدف



عشان كذا .. نبي الهلال يحسمها وبقوّه

انا سمعت فيه باصات بتتحرك لـ قطر .. بس مدري من وين بتمشي ؟؟
اذا احد يعرف لا يبخل علينا

طيب ياخوان واللي السياره مو باسمه باسم شركه ماخذها من الوكاله ايجار منتهي بالتمليك
وشلون اقدر اطلع فيها سالت الوكاله قالوا يبغى لك تفويض.....
يعني لو يكون معي تفويض اطلع عادي...؟؟

أي والله متحمسين و ناوين نحضر بإذن الله تعالى .. عطونا خبر لو فيه باصات بـ تطلع من الشرقيه يا جماعه عشان نتجهز ..

.. اللي بـ يسافر على سيارته أقولة ترفق و على هونك و إذا كنت بـ لحالك لا تروح ,,
لو فيه باصات بتطلع لـ قطر نتجمع بالشرقيه و نطلع معهم ..

اللي بيطلع من الرياض و حواليها يطلع بالقطار لـ الشرقيه أشوفها أسلم و أفضل و هذا اللي بسويه انا ,,

بـ التوفيق لـ الزعيم

السلام عليكم...
هل توجد باصات بطلع من مدينة الأحساء أو لا؟؟؟ نريد الاجابة منكم...
أذا توجد ممكن معلومات عن كيفية الحجز و موعد الانطلاق من الأحساء؟؟؟
نرجوا الاجابه..
وشكرا

يا زعماء فيه باصات ؟ نريد تجاوب

إقتباس الرسالة الأصلية كتبت بواسطة الحزن الاكيد@ ياخي ماعندك احساس ي خلووو هاللعيبه يحسوون ساندناهم بما فيه الكفايه لو اشوف واحد معتب باب الملعب بحش رجله

تكلم عن نفسك !!

اكثر الجمهور يبي يحظر.واذا على الدعم انديه كبيره وعالميه ماتاخذ بطولات وتنهزم ومازال الجمهور يحظر لانه عنده ثقافه وعنده وعي انه محد راح يرجع فريقه لسابق عهده الا الجمهور ..وش الفايده نهجر الملعب !!

حركات قديمه ذي مانحضر عشان الاعب يتحطم ويادي كلام قديم وماصار يفيد

اذا ماتبي تحظر عندك التلفزيون والمعلق ولقطنا بسكوتك واذا تاهلنا لاتجي هنا وتقول هذا فريقي والحمدالله وكنت واثق فيه !!!!

تكفل حسن الناقور بنقل الجماهير من الاحساء الى قطر .. يوم الاربعاء.

السلام عليكم ورحمة الله وبركاته..

اسعد الله اوقاتكم بكل خير ..

صراحه اللي قاعدين يحبطون بالجمهور لاتحضرون ومن هذا القبيل

مو مطلوب رأيكم بهالموضوع نهائي

وبخصوص اللي بينزل لقطر

ترى مو بعيده نهائي سواء من الرياض او الشرقيه

طبعاَ اللي سيارته ماتدخل المنفذ عنده كدادين تقريباَ بـ200 ريال للمكان اللي تبي

ويرجعك الوقت اللي تبي بمجرد ماتتصل عليه

اللي بيطلع من الرياض وعنده دوام الاربعاء الافضل له يستأذن قبل صلاة الظهر ويمشي

بيوصل المنفذ الساعه 4 تقريباَ او اقل بعد

مباراة السد والهلال مشيت من الرياض الساعه 2 الظهر وصلت المنفذ قبل صلاة المغرب

وعطلوني بالجوزات القطريه ساعه وربع وعلى اليمين 4 باصات هلاليه

وجماهير هلاليه وكانو متعمدين التعطيل فلذلك حرصاَ على سلامتك ودخولك الافضل انك تكون

بالمنفذ مع صلاة العصر طبعاَ من المنفذ الى الدوحه 90 كيلو فقط

وللي يسأل فيه باصات بتحرك او لا طبعآَ بتحرك من الاحساء باصات تبع مجلس الجمهور الهلال

نتمنى لمن لديه خبره يفيدنا , متفائل

أنا وثلاثة بأذن الله ماشين لقطر وبأذن الله راجعين مبسوطين

هلالنا سيعبر من قطر
انا باحضر المباراه

بالتوووووووووووووووووووووووووووووووفيق للزعييييييييييييييييييييم

طيب عندي استفسار قطر عندهم ساهر ولا