فكري)(الارتجالي..



بـــادر بــوصــل الــلــي بــــدا بـاتـصـالـه

واعطـه مجالـه.. لا سمـح لـه مجـالـه


واقصد من حقوقـه مثـل مـا قصـد لـك

واحــذر تخـونـه.. لا تـخـون بـوصـالـه


صارح.. وعامل مـن يعاملـك بوضـوح

واوصي.. تجمل من صـدق بالجمالـه


والـيـا عـرفـت انـســان وقـــت الـشـدايـد

خـلــه يمـيـنـك.. مـــا يـحـطـك شـمـالــه


لــكــن تـنـبــه مــــن رفــيــق الـمـصـالــح

الــلــي يــــردك عـــــن جــوابـــه ســؤالـــه


والنـاس بالدنيـا تـرى اجـنـاس وانــواع

كــلـــن يــواجـــه مـــــا يـــواجـــه قــبــالــه


كـم واحــدن يـوفـي ومــا هـمـه الـنـاس

همـه رضـى الله مـا يـبـي شــي بـدالـه


وكـم واحــدن مـمـزوج بـيـن احتمالـيـن

بيـن الـردى والطـيـب.. حــط احتمـالـه


مــن بـعــد آدم شـــف صـنــوف اﻷوادم

يا كثر مـن يجفـي عقـب ماانوفـى لـه


وكـم واحـدن طيبـه علـى طيـب نفسـه

لـكــن بــــزود الـطـيــب نــــال الـشـكـالـه


دنـيـاك (لــو هــي تمتـلـي زيــن) دنـيــا

مــــا طــــارت الا تــاقــع بــوكــر عــالــه


ويـا وجـد قلبـي وجـد مـن عــاف أولاه

لـجـل اﻷخـيــره.. كـــود يـحـقـق مـنـالـه


والا وجـــودي وجـــد مـــن هـــو تــوجــد

واعـطـى وجـــوده مـــن روايـــع خـيـالـه


يكتب مـن احسـاس المشاعـر ويـزداد

عـلـمــن يـفـيــده لــيـــن حـــــد الـثـمـالــه


أواه مــــن هــوجــاس ودانــــي اقــصــاه

شــيــب أبــــو فــكــري وكــهـــل عـيــالــه


لانــــي مـكـبـرهـا عــلــى هــولــة دعــــاة

ولانـــــي مـصـغـرهــا ســـــواة الـجـهـالــه


قلتـه واقـول الصـدق والـقـول مـوثـوق

والـواقــع اثـبــت بـــه عـلــى كـــل قــالــه


عندي يقيـن ان اكثـر الهـرج مشكـوك

فــي صحـتـه.. بــس الحـيـالـه حـيـالـه


يلعب بها اللـي كـل مـا جيتـه اونسـك

من طيب وجهه! لكن اخفـى الحثالـه


وعنـدي يقيـن ان اكثـر النـاس غيـاب

لــــو مــااحــدن مـنـهــم تــحــرى زوالــــه


وعنـدي يقيـن الحـق فــي يــوم يظـهـر

وبيـنـكـشـف بــطــلان نــاســن بـطــالــه


وعندي يقين انه مااحد عاش ضامن

ومــــن يـمـلــك ريــالــه يـضـيــع ريــالــه


حـبّـيــت اوسّـــــع خــاطـــر الارتـجــالــي

(فــكــري) ومــاهــو مـيـزتــه بـارتـجـالــه


المـيـزه ان كـانـه عـلـى الـواقــع يـسـيـر

ويـــــوازن الـعـيـشــه بـــحـــق وعـــدالـــه


والا تــــرانـــــا خـــــلـــــق والـــــدّايـــــم الله

واستـغـفـر الله واخـتــم بـــذي الـجـلالـه


كلمات// بـنـدر الخـنيـفر

صح لساااانگ وعلا شاااانگ،،،

وفااالگ الطيب والعلم الغاااانم،،،،


قصيده جزلهـ ومليئهـ بالنصااائح القيمهـ...


لاهنت بندر،،،

ما شاء الله عليك اخوي بندر

فن وأدب وحكمة

هكذا قصيدة مميزة لا تتيح لك فرصة انتقاء بيت عن اخر

الا ان هذا البيت استوقفني به التشبيه الذكي جدا والبليغ جدا :

إقتباس لــكــن تـنـبــه مــــن رفــيــق الـمـصـالــح الــلــي يــــردك عـــــن جــوابـــه ســؤالـــه

وللقارئ ان يتخيل عندما يقصد احدهم شخص ما يطلبه خدمه .. فيكون جواب الآخر استفسار عن سبب طلب هذه الخدمة ؟! .. او كما يقال باللهجة الدارجة ( ليش ؟! )

وكان حري به اما ان يلبي السائل او يعتذر منه اذا كان الطلب فوق طاقته .. بدل محاولة التملص بكيف وليش وفيش ؟!


مبدع بارك الله فيك

يعطيك العافية ،،،

جميلة هي حروفك كالعادة

من الأقلام اللي احرص على متابعة جديدها

صح لسانك

بالحب واﻹشراق

الله يسلمكم جميعاً

واتمنى تقديم ما يليق
والحقيقه .. انبسطت ع التثبيت
والمهم اني اثبت لكم حضوري من خلال ما أقدّم

شاكر ومقدّر تواصلكم ومشاركاتكم