كومة تطبيل .. واحد يقول قوارديولا .. ياعزيزي تقارن اوروبا في " آسيآ " كلها مانيب قايلك الدوري السعودي !!

واللي يقول مندسين ،، اخوي المندس انت و اشكالك الي يتمنون النجاحات للاعبهم المفضل آكثر من ناديهم

وانا ماني جاي هنا منزل الموضوع في شخص منزله ،، وتصريحة موب في وقته الهلال يمر بمرحلة صعبه في آسيا ومباراة و الفريق يحتاج آستقرار


وعندما تقول آن سامي كفاءة لقيادة تدريب الزعيم ،، فمن آي منطق حكمت !!

منطق العقل آم العاطفة ،، اكيد بكل تاكيد العاطفة .. ولا بالعقل نعلم آن سامي لاعب معتزل !

وطموحه تدريب ولكن ليس على حساب الزعيم ،، وسجل عندك اكبر مندس لصالح الزعيم

يابو مشجع لاعب ،،

إقتباس الرسالة الأصلية كتبت بواسطة مجنونك18 كومة تطبيل .. واحد يقول قوارديولا .. ياعزيزي تقارن اوروبا في " آسيآ " كلها مانيب قايلك الدوري السعودي !! واللي يقول مندسين ،، اخوي المندس انت و اشكالك الي يتمنون النجاحات للاعبهم المفضل آكثر من ناديهم وانا ماني جاي هنا منزل الموضوع في شخص منزله ،، وتصريحة موب في وقته الهلال يمر بمرحلة صعبه في آسيا ومباراة و الفريق يحتاج آستقرار وعندما تقول آن سامي كفاءة لقيادة تدريب الزعيم ،، فمن آي منطق حكمت !! منطق العقل آم العاطفة ،، اكيد بكل تاكيد العاطفة .. ولا بالعقل نعلم آن سامي لاعب معتزل ! وطموحه تدريب ولكن ليس على حساب الزعيم ،، وسجل عندك اكبر مندس لصالح الزعيم يابو مشجع لاعب ،،

كان ودي ارد عليك بس اخر سطر خلاني ادري ماعندك ماعند جدتي

هههههههههه

سامي افضل عقليه رياضية بالمملكه في وجه نظري اتمنى إعطاه فرصه التدريب
وسيحقق الانجاز والاعجاب في الزعيم انشاء الله

لا لا اكبر خط لو اشرف على فريق نادى الهلال
الاعلام الاصفر راح يحاربك ويبحثوا عنك اى غلط او هزيمة حتى يحطموك ويحاربوك نفسيااا
وانت فى بداياتك وتنقص الخبرة بمجال التدريب
ليس تقليل منك فانت حبيب الجمهور الملكى ولاكن تحتاج الى الخبرة فانت راح تشرف على اكبر الاندية فى اسيا

واتمنى الابقاء على مدربنا الناجح والرائع زلاتكووو
ماجد

إقتباس الرسالة الأصلية كتبت بواسطة SAMIR_NASRI 8 كان ودي ارد عليك بس اخر سطر خلاني ادري ماعندك ماعند جدتي هههههههههه

مبين من تاريخ تسجيلك ومشاركاتك بآنك هلالي صميم وتهتم في الهلال .. و افضلك ماترد لانك لو بترد بتلقى رد يلجم آشكالك !

مع احترامي للكل اذا الادارة تخلت عن زلاتكو اتمنى اشوف سامي يقود الزعيم

واللي يتكلم عن مدربين سابقين اخر موسمين كالديرون ودول وهاسيك وكمبواريه هذولي تسمونهم مدربين

لو تجمعهم كلهم سامي يتفوق عليهم مع انه ماعنده خبرتهم والا عشانهم اجانب حتى وهم فاشلين اجيبه بمبلغ كبير وليته يستاهل ربع المبلغ اللي يأخذه

ع الاقل سامي يحب الهلال وولائه للهلال مو اجنبي يجي يجمع كم قرش ويخبص ام الفريق واخر الموسم يقولك مع السلامه ويجي نادي خليجي ويشيله وهكذا

ويقعد يدور في الخليج ويلهف منهم اموالهم وتستمر الحياة

هذي الانديه الكوريه تحقق البطوله الاسيويه بمدربين وطنيين لان الشخص المنتمي لك بيحترق عشان تكون بالقمه

يعطيك العافيه

إقتباس الرسالة الأصلية كتبت بواسطة هــF.B.Iـــلالي أفضل قرار : تسليم الكابتن سامي الجابر تدريب الفريق الأولمبي لمدة موسم وبعدها يصعد للأول مع اللاعبين إلي يحتاجهم

من افضل الاراء والردود بمعن اصح نطبق تجربة المنتخب الاماراتي لكن على مستوى الاندية

أفضله يدرب خارج السعودية، ليس بسبب الاعلام، بسبب الأنظمة الرياضية المتقلبة !!

الصراحة انا من مؤيدي رجوع الاسطورة الكابتن سامي الجابر
هو الوحيد الذي يستطيع انتشال الهلال من اخفاقه الاسيوي
ومن حقه ان يدرب الهلال
هو ابن من ابناء النادي
الهلال دربه مدربين اقل من سامي بنظري
احمد العجلاني وكالديرون واكلوا بالخمسات

سوال لكل من لا يريد سامي يكون مدرب سوء بعذر او بدون عذر
هل مدربين الهلال السابقين افضل من سامي ,دول كمبوريه والخ
هل نجاح قريتس بدون مساعدة سامي له؟

والله استغرب من اللي يقول سامي ماهو قد المهمه
ترا من اكبر اسباب نجاح قريتس مع الهلال "" سامي""
ثانيا الهلال لو يمسكه سباك تحصله يجيب بطولات
كيف واحد يعلم بمعظم خفايا الدوري السعودي والاسيوي وقبل لمن كان لاعب مؤثر كقائد فقط داخل الملعب وهو على الواقف.

إقتباس الرسالة الأصلية كتبت بواسطة العقد الهلالي الغريب ان يفكر الانسان بمصلحته على حساب مصلحة من يحب الهلال يسير في الطريق الصحيح مع زلاتكو رغم الارهاق الكبير وياتى من يعرض نفسه للهلال هذا وقته ياابو عبدالله

اي طريق صحيح واحنا مره فوق ومره تحت وخطاءه يوم اصابه الزوري في ذهاب الابطال بمكه ونزل البيشي والمفروض يصحح خطاءه وينزل راس حربه سعد او الكوري
طريق صحيح والا لعب لاعب واحد من الاولمبي جبااااان
طريق صحيح ويسلي سئ طول المباراه والا يستبدله
طريق صحيح والدكة المفروض يكون فيه ثلاثه اولمبي وفيه اكثر بعد ع سبيل المثال عطيف والسعيد والعازمي ومبارك البيشي اقل شي مبارك ينزل مكان الشلهوب الشوط الثاني
الزعيم يلعب باسمه فقط والله يستر مباراه لخويا


وفي الاخير لازم ندعم سامي وهو رجل المرحلة

سامي الجابر جزء لا يتجزاء من الهلال

لا لا لا للتجريح بالاسطورة


كل واحد له وجهه نظر لكن الغلط مرفوض
واللي مايبغى سامي يدرب اقل شي يسكت وينتظر ويحكم
انا والمؤيدين متفائلين جدااا كيف لا وهو جابر العثرات


المفروض مانختلف ع حب سامي مثل مايفعل غيرنا مع اسطورته الورقيه <<<< بزعل المندسييين هههههههههه

كل الانديه السعوديه دربها لاعبينها السابقين جت ع زعيمنا والله انه افضل من غيره


سامي ماركة