إقتباس إقتباس من مشاركة عــــ الهلالي ــارف لحظه خلوني اطلع القهر اللي فيني ... مراحب اخواني واخواتي ... الحقيقه معاناه صااارت لي مع شركه الاتصالات قبل سنه وانا الى الحين مع وجهي اطامر وراءهم ) ... القصه بالتفصيل الممل ... قبل سنه تقريبا كان معي جوال عايله ... لا احد يقول وش دعوه الحمد لله انا عندي تقريبا تسعه ارقام ثابته ومتحركه وافكر ان اشتري لي برج ... ،،، وكان كله من حبي تيماوي وسهل 888 والبارق كنت مخزن ارقامهم دبل يعني كل واحد مرتين ... وبعد تقريبا اسبوع ادق عليهم حسبي الله عليهم ولا احد يرد يعني طلعت الجوال على الفاضي ... ,,, قلت ياولد وش رايك تروح وترقيه الى رائد في الاتصالات ... وغديت الى شركه الاتصالات وقلت لهم السالفه وقالوا اوكيه ( حبي تيماوي ) الرجال اللي على اليمين اول ما تدخل مكتبهم (( خوينا )) ... المهم بعد الترقيه جااات زياده في رصيدي الفاضي مبلغ وقدره 100 ريال فقط لاغير ( تسعه وتسعين ريال + روبيه هنديه ) ،،، قالوا راح نخليها لك رصيد في الفاتوره الجايه ... المهم جلست انتظر هالفاتوره الى ان جااات واطالع فيها إلا المبلغ المذكور اعلاه غير موجود ياولد وين راحت الميه ريال واتصل على 902 ... الو : شركه الاتصالات السعوديه مرحبا بك بخدمه الهاتف الجوال ... على طووول ضغطت على الرقم (( 4 )) الاعتراضات ... وكنت ناوي شر عليهم ... المهم بعد اخذ وعطاء قال لي ابشر بالخير اخوي عارف الفاتوره الجايه راح يجيك فيها رصيد جااات الفاتوره الثانيه والثالثه والرابعه والفاتوره العدد (( 6 )) يعني بعد سنه ولا حس ولا خبر عن المبلغ المذكور اعلاه ... اللي خلاني اكتب معاناتي ذي انهم اذا تأخرنا عن السداد يوم واحد جهزوا المقص وقطعوا الخط ... ماعندهم رحمه ونحن نطالب بحق وهم ما دقوا خبر لي ..؟؟ يا جماعه من كثر ما انا اتصل عليهم صاااروا يعرفوني على طول يردون ويقولون هلا اخوي عارف بالنسبه للموضوع ابشر بالخير ... واخرتها ما اشوف شي ... والحين ياجماعه الخير اللى عنده واسطه ياليت يسوي فيني خير ويحل مشكلتي وراح اعطيه البرج اللي راح اشتريه ... واهاااات عليكم يا حبي تيماوي ويا سهل 888 ويا البارق ... ودمتم على خير

يا جماعه هذا الموضوع في تمام الساعه 07:16 مساءً وتاريخ 05/10/2002 يعني صار الحين
اكثر من خمسه شهور ...!!!

المهم كل واحد منكم يطالع الموضوع وانا بعدها اسرد لكم المعاناه الثانيه ...

بعد مانسيت رقم جوالي اللي عليه الاختلاف ،،، قلت يا ولد اطمر عند السكرتي حق الهاتف واسحب رقم ...
وسحبت رقم وابشركم طلع لي رقم مميز (( 850 )) مع لوحه سياره مميز (( 508 )) المهم جاء واحد عليه الكلام في الاتصالات وسلمت عليه وما رد السلام وقلت آآآه يا حمام ...

طال عمرك عندي مشكله >>> هذا كلامي على طول ...
قال اذلف للمكتب الرئيسي بالدمام ...
طيب اعرف وش المشكله ...؟؟؟
قال يا اخي ماني فاضيلك ...

النفس طالعه ريحتها ومبخره المكتب نعبوا وش سويت له ...!!!

دقيت السلف (( مفتاح السياره )) واهب ركض للدمام >>> ماتركب سياره وركض ...

وصلنا الاستقبال حقهم طبعا خذيتها درس امنع السلام عليهم ...

يا اخوي انا عندي كذا وكذا ...!!! قال شف المصعد ارقى للدور الاول ومن ثم انزل للدور الثاني واخر مكتب على يدك اليمين تحت تلقى مكتب المسئول ...
طبعا جبت الخريطه حقت المكتب واتبع خطوات السلامه ...

وصلت اخيرا للمكتب ودخلت لا شماغ ولا طاقيه ام جنيه ولا شي ،،، والشعر ...
وين فلان ولــد علان قالوا مهوب فيه ...

ياخي انا جاي من راس تنوره وعندي مشكله قالوا ان الحل عنده ...
واحد الله يجزيه كل خير قال :: راح يفطر وجاي الحين استرح لين يجي ...تقهوا

وشرف اخينا واطمر عليه وبعد سدح وطرح ،،، قال خلاص رح ادفع اخر فاتوره وتعال وكل شي
يضبط ان شاء الله ...!!! يعني حلها هو الحين ...
طيب وشلون والشركه مديونه لي بمبلغ وقدره القليل من الريالات ...
ياخي رح ادفع وتعال ...!!! بسرعه قبل ما طلع لفتره الغدى ...

واخيراً وليس اخراً قلت يا ولد الميه روبيه زكــاه لمثل ذي شركات ...
والله يرزقنا بدال الميه ريال >>> واحد مهوب طماع ... وخلك مع الزعيم ابرك

مسلسل اخر من النصب والاحتيال من الشركه ...

الله يستر لا ينحذف الموضوع ...

اخوكم المسكين / عويرررررف ...

[ALIGN=CENTER]يا ابن الحلال هذا والجوال عائلي سوو فيك تسذا

المهم شنهي المشكله بالضبط عشان نعرف السالفه

بس تدري ردد ياليل ما طولك معهم
وانت نقطه في بحرهم في مثل هالمشاكل


تحيـ( تحدوهـ ,,, )ـاتي ,,,[/ALIGN]

الله يعوضط خيــــر بدل الميه ريال

يا رجـــال ماعليك منهم .. لو ان عندك واسطه زي اللي معي
كان عطوك الميه ريال بســاعتها

الـحـاتـمـي .......


مــر مـــن هـــنـــــا .......


ويـقـول : معليش ,,,, تعيش وتاكل غيرها يا عويرف

أخوى عارف هونها با الصبر تهون

أرسلى على الخاص اللى تبيه وأبشر با الخير

ولا يصير خاطرك ألا طيب يا الطيب

لا تنس توضع رقم الجوال

تحياتى لك

[ALIGN=CENTER]الله يعطينـــــــــــاويعطيــــــــــــــــــك

ياكثراللي يعانون من مشاكل الأتصالات00’’
ودنايجي يوم واحد يمدحهم00,,مافيه امل00,,


تحياتي عويرف00,[/ALIGN]

تحـــــــــــــدوه انت قصدك هو جواله عائله وسوى فيهم كذا .................

عــــــــويرف غيرك مليون.

تصدق لو إني مكانك .. كان ألغيت كل أرقامي الثابته والجواله !!!!

خلهم عشان يخسرون ..وينقهرون ..


<----- الله من زين الفكرة


أتوقع البلاء بالاسم .. غيره يمكن تضبط .. قلهم إسمي البارق ترى له هيبه..

بعدين تراك خسرت أكثر من المية .. احسب صرفية البنزين والفطور .. والعصير .. تقلاك غلقت المية وأكثر ..


تحياتي لك ،،،

إقتباس تقلاك غلقت المية

<=== في مقلات السنبوسك !!!!!!!!!!!!!!

@ برايفت لصدى الأمس مع التحية لأبو الثمانيات .

ياأخ عارف مشكلتي ماهي أهون من مشكلتك.
الي صار لي تعذيب أول شي فصلو جوالي شهر وشوي وأنا مسدد الفاتورة علشان خطأء في رقم الحساب لأن رقم حسابي مثل رقم حساب شخص أخر . ومن 902 إلى مكتب الهاتف بتبوك وكلهم يعطوك من الكلام الحلو الي يخلي تنخ مثل البعير وعلى هذا الحال إلين مارحموني وحلو المشكله .
والمشكله الثانيه قبل يومين كان جوالي مفصول له 22 يوم وقبل لاينفصل ماكان معي جهاز لفتره وطلعت الفاتورة 539 بلعناها سددتها بحمد الله ويوم أتصلت على 902 أطلب إعادة الخدمة إلا الرجال يقولي عليك 855 ريال يبن الحلال أنا ماكلمت بالجوال إلا قليل وأصلاً مامعي جهاز قبل لاينفصل الجوال الرجال شكله كان معصب لأني متصل عليه الظهر قالي الخدمة ماراح ترجع إل إذا سددت المبلغ المطلوب وأنا من الخوف قلت على أمرك. والأن وبعد ماقريتو مشاكلي من المسؤول عن هذه الأخطا (وإذا أنت يا أخ عارف طارت عليك مية أنا راح يطيرو علي 855) حسبي الله عليهم

شووووهد ما سبق

و الله يعينك وكل مسلم على هذى الشركه

أخوكم / بو فيصل عم جواهر *** 14240313هـ

[ALIGN=CENTER]

إقتباس إقتباس من مشاركة البارق2000 أتوقع البلاء بالاسم .. غيره يمكن تضبط .. قلهم إسمي ^^^^^^ ترى له هيبه.. تحياتي لك ،،،

إقتباس تقلاك غلقت

اجل تقلاك
تلقاك الله يرجك
حتى الاملاء راسب فيه


تحياتي
الداوود[/ALIGN]

عادي عادي تعيشون وتاكلون غيرها


انا فاتورتي الاخيره جات 1000

600 كلها مكلمات دوليه مصر والكويت ورسايل ليونان انا وين لي اكلم مكلمات دوليه المهم رحت وادق عليهم يقولون لي هذي المكالمات انت مكلمها بتسدد والا قطعنا الفاتوره


وش اسوي بعد انا