نقطة التحول اليوم في المباراه دخول البيشي وتسبب بهدفين ببروده !!!


ابسط مشجع يشاهد كيف كان يتمشى بالملعب وقت الهدفين واللي مالاحظ كيف كان يجري يعيد مشاهده الهدفين


قد يخطئ اللاعب بكنترول وقد يخطئ بتمريره وكل هذا مقبول متى ماكان الاعب مقاتل ولكن البرود واللامبالاه لبس له عذر

بوجود الفرج والزوري والشهراني ومسعد يالبيشي لانحتاج لاعبين ببرودك !



العذر الوحيد للبيشي هو نفسه مايدين الاداره وهو ان اللاعب غير جاهز وتم الزج والمغامره به واستبعد هذا الخيار جدا ولكن يبقى احتمال ؟





مشاهدات من المباراه :


1- سالم الدوسري كثرت بطاقاته ودائما مايحرج الفريق اليوم مثلا الكرت الاصفر ليس له مبرر لتعطيله اللعب بطريقه غبيه ومكشوفه جدا وطبيعي انه ينذر


2- اوزويا حماسه الزائد له نتيجه عكسيه احيانا صحيح ان البلنتي تسلل ولكن دخوله على كره ميته بهذه الطريقه غير مبرر ابدا

3- بغياب عزوز الدوسري ونواف العابد خيارات الوسط شبه معدومه اليوم تقريبا مافيه ولا لاعب وسط ممكن ينشط الفريق


4- ياسر القحطاني مكانه شاغر جدا ولكن للاسف الفتره الماضيه كثرت اصاباته بوقت حساس جدا



5- القرني والشهراني اليوم نجوم المباراه قاتلوا وابدعوا



6- الكور العرضيه بين المرشدي واوزيا نقطه ضعف كبيره على الدفاع الهلالي

اتمنى من المشرفين تعديل العنوان اقصد الممشى وليس المششى

لاتنسى سلمان الفرج

من بعد ماجدد عقده مستواه نازل

يعني هاللاعبين ماعندهم طموح ومستقبل?!

مجرد مايجدد عقده ينزل مستواه

ياليت الفرج يراجع نفسه

فعلا الفرج اصبح تكمله عدد اغب المبارايات السابقه يحتاج التفاته قويه من الاداره والمدرب

نزول البيشي قلب المباراااة راساً على عقب واليوم هو من سبب النكبه للهلال بالهدفين

من المفترض عندما انصاااب الزوري. رجع سلمان الفرج للضهير فهو عااائش جوا المبارااة

ان شاء الله ابطااال الزعيم قااادرون على الفوز بالرياض يوم الخميس وخاااصه ان 1× 0 يوهلهم

وهم قاااادرون على اكثر من ذلك

فعلا كان سلطان البيشي سيء سيء سيء لابعد الحدود , فعلا كان يتمشى ابو الشباب وكان سبب مباشر في الهدفين الثاني والثالث للإتحاد , ليته يتعلم من النجم ياسر الشهراني الروح والقتاليه والسرعه والقتال على الكره ... يخرب بيت ام البرود والدفاشه في سلطان البيشي قسم بالله قهرني قاعد يدربي راسه ابو الشباب وهو مايدري وين الله حاطه ! شكله كتب بداية النهايه لمسيرته مع الزعيم !

من اليوم ورايح لازم المدرب يثبت ياسر الشهراني ظهير ايمن وعبدالله الزوري والفرج في الظهير الايسر .

والله من شفنا هالولد الداااج وحنا ماعينا خير

إقتباس الرسالة الأصلية كتبت بواسطة الطالبB المباراة ضاعت بسبب سلطان البيشي هدفين حقات الاتحاد ماهو عارف وش يسوي غير المتابعة وبليفار ساعدة بس العمي يضل عمي والله ماضيع الهلال اليوم غير 2 المدرب الكمخة وسلطان البيشي الدرج انا نفسي يرفع راسة لما ياخذ الكورة بس منزل راسه يمكن رقبتة بها بلا بالله شف سلطاااااااان البيشي وربي هالاعب حراااام يلعب مع هجر وشلون لعب مع الهلال ‫هدف الاتحاد الثاني على الهلال - مختار فلاته -ذهاب د8 كأس الملك 2013‬‎ - YouTube ‫هدف الاتحاد الثالث على الهلال ، عبدالرحمن الغامدي ll ذهاب كأس الملك 2013‬‎ - YouTube

البيشي مثله مثل محمد نامي اتمنى من ادارة عبدالرحمن بن مساعد التنسيق له

البيشي شكله زعلان على المدرب انه مايلعبه تصرفه غريب يركض بشكل بارد وكانه يقول للاعب الاتحادي روح

بوليفار كنه يمشي على بيض ماتغير من يوم جاء وهذي حركته بطيه

السبب الأول والأخير في هزيمة الهلال (الحارس عبد الله السديري) ، ياجماااااعة الخير حارس من جنب جنبها ماينط ولا يبي يتعب نفسه وكل الكور إللي بالزويا يجلس يناظر فيها ما عنده سالفة ، قسم بالله ان فيه قصور هذا الحارس الله يعجل بإعتزالة او نقله إلى نادي آخر ..

بالتوفيق والسداد لزعيم نصف الأرض ،،،

حقيقة أتفق معك في أن اللاعب البيشي كان سبب رئيسي في ولوج الأهداف ببرودته، ولكن إجمالاً لكي تعرف أسباب تفوق الاتحاد فإن العشر دقائق الأخيرة كفيلة لتلخيص الفرق بين الفريقين:
برود عجيب من أكثر اللاعبين.
انعدام الحماس.
انعدام الطموح.

كما لا أنسى القرني أغلب كراته مقطوعة وتسبب ضغط على الفريق، يحسب لهم شيء واحد فقط كثرة المباريات وتقاربها في الفترة الأخيرة ممكن يكون سبب في ضعف اللياقة والجهد البدني الكبير.
لذا آمل من الإدارة حصر جهد الفريق على الاسيوية فالفريق الخصم لخويا القطري لن يكون سهلاً أمام الهلال في الذهاب والاياب، وتترك كأس الأبطال لمن وجه له.

تحياتي للجميع،،،

أنا مع الأغلبية في أن سبب الخسارة هو البيشي برود عجيب وإهمال مركب وعلة قاتلة يجب البحث عن ظهير يحل مكانه والباقي ياسر الشهراني الجوكر يلعب بأي مكان وبمستوًا عالٍ

البيشي و القرني إلى أين برود وكرات مقطوعة وعمى عين ... جاني قهر عجيب البارح بالهدفين

البيشي والقرني لازم يطلعو من الهلال