عبدالله الزوري وماجد المرشدي الى اين ياجماهيرنا - نادي الهلال السعودي - شبكة الزعيم

نواف ون بيس · #1 25/04/2013, 02:22 PM

السلام عليكم

بكل اختصار

عبدالله الزوري خصوصا يقدم مستويات كبيره جدا جدا وخصوصا هجموميا

ليه مانشوف المسانده مثل ماشفنا العتب والسب على هاللاعب المبدع

بكل حب لك ياعبدالله استمر وربي انك مبدع

ماجد المرشدي اكثر يعجبني فيه عشقه للهلال حقيقه بدا يتحسن مستواه لكن لم يصل للمطلوب ارجو ان تقفو معاه خصوصا في هذي المرحله

واسف ع العتب حبايبي

silva 21 · #2 25/04/2013, 02:30 PM

اتفق معاك بمسأله الزوري....
ظهير يتألق اذا الجناح اللي امامه يعطي كوره ويتحرك مايوقف... مثل ماشفنا بمباراه العين الاخيره

بالنسبه للمرشدي لابأس به كأحتياط بس اساسي في نادي ينافس بالاسيويه ؟؟؟

نواف ون بيس · #3 25/04/2013, 02:36 PM

silva 21

شكرا ع مرورك ياعسل

اتمنى من كل الجماهير الوقوف معاه ودعمه ع هالمستوى

زعيم الذهب والبطولات · #4 25/04/2013, 02:43 PM

المرشدي ماينفع حتي احتياط ولاتحسن مستوي ولاشىء اصلا ماعنده فكر كوره و وصمه عار وجوده في تشكيله اساي ويتمشي في الملعب واذا وصلت له كوره مايعرف يلعب باص صحيح واذا جات عليه هجمه انواع النكبه والهفوات والاستهبال الله يخارجنا منه بإنتقال والا اعتزال والا اصابه

نواف ون بيس · #5 25/04/2013, 02:47 PM

زعيم الذهب والبطولات

حبيبي شكرا لمرورك

ابدا ما اتفق معاك اقل شي احترم كونه انسان ولاتقلق من قدره بهذي الطريقه

انا اشوف ان ماجد في اخر السنوات طاح مستواه كثير لكن في المباراه الاخيره رجع شوي من مستواه ولازال لدى ماجد الكثير ليقدمه
المفروض توقف معاه بدل من انك تكتب عنه بهالطريقه

Nader wjoody · #6 25/04/2013, 02:56 PM

اتفق معك بخصوص الزوري
أما المرشدي مباراة يكون توب ومباراة الله لايوريك هفوات عجيبه
لاكن الله يوفقهم كلهم يارب

أبـو حيـه · #7 25/04/2013, 04:04 PM

استغرب منك اخوي جالس تقول المرشدي جالس مع الوقت يتحسن

الي يسمعك يقول توه منتقل للزعيم بهالموسم تراه معاك من 2006 ونقطة ضعفه واضحه

المهم عندي التجديد مع اوزيا وجلب مدافع بجانبه واتمنى يكون عبدالله الحافظ

ابو رمش9 · #8 25/04/2013, 04:15 PM

والله من بعد المباراة وانا بكتب موضوع عن المرشدي والزوري بس للاسف اكتب وامسح

عحجزت اكتب فيهم واوفي حقهم والله في مباراة العين ابدعو وللاسف جمهور الهلال مايتذكرهم

الاوقت الخسارة

بتوفيق لزعيم في قادم الايام

ثائرالهميجان · #9 25/04/2013, 04:32 PM

بصراحه مستواهم جيد والفريق يتحسن بشكل عام فقط يعيد المدرب كل لاعب الى مركزه الاساسي وراح يضبط الفريق اكثر
مثلا الفرج لاعب جيد ولكن يتم قتله باللعب بالمحور وعندما تم ابعاده عن المحور تحسن اداء الفريق اتمنى ان يتعظ المدرب ويعلم ان أي لاعب لا يلعب بمركزه الاساسي يكون نقطة ضعف
شكرا لكل نجوم الهلال وشكرا لك

rayan31 · #10 25/04/2013, 04:56 PM

الف شكر اخوي على الموضوع الرائع

فعلا الكابتن عبدالله الزوري يقدم مستويات رائعة في الفترة الاخيرة

وكذلك ماجد المرشدي صخرة في قلب الدفاع وخصوصا للكرات العرضية

اتمنى من جميع الزعماء دعم جميع لاعبين الملكي بالتشجيع

تحياتي

هلالي ديار حاتم · #11 25/04/2013, 05:13 PM

كلامك ماعليه خلاف وبمحله لاكن لله درك يامرشدي ويازوري ومن معكم. للتوضيح ٥ مباريات او ٤ لم يسجل في مرماهم اي هدف
تحياتي للملكي

العقد الهلالي · #12 25/04/2013, 05:21 PM

الزورى لاعب يبدع هجوميا اتمنى ان يلعب في الوسط الايسر لان تاخره في العوده يحرج
قلبي الدفاع

او يستمر في الظهير اذا كان في الهلال محورين يتفرغ المحور لتغطية تقدم الزوري
مباراة العين اظهر الزورى مقدره على الهجوم غير عاديه ابدا ماشاء الله عليه الا الامام يا الزورى

نواف العلي · #13 25/04/2013, 07:06 PM

إقتباس

الرسالة الأصلية كتبت بواسطة زعيم الذهب والبطولات


	المرشدي ماينفع حتي احتياط ولاتحسن مستوي ولاشىء اصلا ماعنده فكر كوره و وصمه عار وجوده في تشكيله اساي ويتمشي في الملعب واذا وصلت له كوره مايعرف يلعب باص صحيح واذا جات عليه هجمه انواع النكبه والهفوات والاستهبال الله يخارجنا منه بإنتقال والا اعتزال والا اصابه

اي والله صادق ما شفنا منه الا الشوارع والاهداف الابداعيه في مرمى الهلال
الي كان صعب انك تسجل فيه
وانا قلت سابقاً الزوري و المرشدي حدهم نجران او دوري ركاء واحتياط بعد
اتمني كذلك ما احد يمجد لاعبين لايستحقون البقاء
وارتداء الفانيله الزرقاء هذا اذا كنا فعلاً
نطمح للبطولات الاسيويه !
تحياتي للجميع

مجنونه كريستيانو · #14 25/04/2013, 09:10 PM

الف شكر للمرشدي والزوري بتوفيق للهلالنا ي رب ي كريم في مباريات المقبله

نواف ون بيس · #15 25/04/2013, 10:22 PM

Nader wjoody

شكرا لمرورك ياعسل