|
نجم هلالي يبدع في الدوري الفرنسي .؟؟ عادل هرماش بصراحه يا اخوان احنا بالفعل خسرنا لاعب كبير بحجم عادل هرماش للامانه كان شايل عبئ كبير وكان يغطي كل العيوب اللي ما شفناها الا بعد ذهابه لفرنسا واحمد الله ان اللاعب راح اعاره والموسم القادم لازم يكون موجود بدل اللاعب بوليفار اللي ما اشوف له اي فايده صراحه هرماش كان اساسي ف الهلال ولما راح فرنسا لعب اساسي يعني بالمنطق هل احنا بنفهم كورة احسن من الاوربيين ؟؟ حطو تحتها مليون خط اللاعب قاعد يقدم مستويات كبيره لا ومدرب تولوز غير مركزه الى محور متقدم ونجح فالدور والمدرب اثنى عليه فالصحافه وقال : انا كسبت لاعب يلعب في مركزين المحور المتقدم والقشاش هرماش يا اخوان في اول موسم له مع الهلال ما كنا راصين عنه بس الارقام تقول : هرماش في اول موسم لعب 17 مباره و 1449دقيقه 16 مباراه اساسي ووحده بديل سجل هدفين وصنع 5 وهو لاعب محور حط تحتها خط و6 كروت صفرا الموسم اللي بعده لعب 14 مباراه منها 13 اساسي ولعب 1170 دقيقه سجل هدف وصنع 3 وكرت اصفر واحد بوليفار اول موسم له لعب 9 منها 8 اساسي 722 دقيقه طبعا بافي ف الموسم بالكثير 6 مباريات يعني المجموع يمكن يلعب 15 مباراه ماسجل وصنع هدف واحد يعني بمقارنة الموسم الاول لهرماش مع الموسم الاول لبوليفار من الافضل باعتقادك ؟؟ اتمنى اعادة النظر في عادل هرماش اللاعب مكسب كبير للامانه تحياتي لكم واسف على الاطاله ملاحظة الاحصائيات من موقع احصائيات الدوري السعودي |
اتمنى الرفع حبايبي المشرفين وشكرا |
هرماش افضل بكثير والكل يعرف بس احنا قلنا نبي افضل من هرماش او اتركوه ""( بس وين اللي يفهم !! |
هرماش + بوليفار = محور متقدم والمطلوب محور دفاعي بحت انا معك هرماش يصنع بس بوليفار تمريرات في المبارة لا تقل عن 95% وهذا اللي راح يفيد الهلال |
المشكله ماهي بلاعب متقدم كل لاعبين الوسط متقدمين المشكلة من عقب خالد عزيز ماجانا محور متأخر وعادل هرماش ماعطانا المطلوب في المحوووور وتسلم :rose: |
هرماش افضل من جستافو نعم طالبنا بأفضل من هرماش وجانا جستافوا اقل مستوى بكثير من هرماش اتمنى يرجع هرماش اذا لم يوجد افضل منه |
-بوليفار دفاعي -هرماش هجومي -بوليفار مفيد ولايوجد بديل له -هرماش غير مفيد وعندنا الفرج واقرني وعبدالله عطيف بدلاء -بوليفار حاليا مبدعع مبدعع وشايل الوسط هذا ف اول موسم له ولعب 9 مباريات فقط فقط -هرماش اول موسم لعب 19 مباراة وكان عالة ع الهلال -بوليفار تمريراته وتوزيعاته صحيحة -هرماش اغلب تمريراته خاطئة -بوليفار سريع في تمريراته ف بوليفار لايتفلسف ولا يستعرض مهاراته أي:تسحيبات مراوح الخ -هرماش بطيء في تمريراته ويحب الفلسفة والاستعراض والمراوغات والتسحيبات الخ ,وهذي اشياء ليست مطلوبة ف لاعب مركز محور -بوليفار يحاول حماية مرمى الهلال -هرماش يبحث عن التسجيل والتقدم للامام اكثر من حماية مرمى الهلال -بوليفار يجيد قطع الكرات والتغطية الدفاعية -هرماش لايجيد قطع الكرات وضعيف جدا في التغطية الدفاعية ـــــــــــ اتمنى البقاء على بوليفار |
بوليفار محوردفاعي تخصصه قطع كرات وليس صناعة اللعب هرماش محور هجومي يعني المقارنة بينهم غير صحيحة |
ياأخوي الله يرضى عليك أنت وأي شخص يقارن بين الاعبين أتمنى تفهم كلنا عارفين أن هرماش نجم ومبدع وذهابة خسارة ولكن هرماش يلعب محور متقدم وهذا مركزة الأساسي ولكن بالمحور الدفاعي لايقدم المستوى المطلوب لأن هالمركز ليس مركزة وبوليفار محور دفاعي والاعب ممتاز وراضين عنة وهذا هو لسى مو بمستواة وزنة زايد كيف لو تأقلم وخفف من وزنة راح يكون لة ثقلة نتمنى يرجع هرماش ويكون محور متقدم وبوليفار محور دفاعي وقتها بيكون العامود فالهلال قوي جدآ.... أوزيا فالدفاع وبوليفار محور دفاعي وهرماش محور هجومي وأمامة الشلهوب صانع لعب وأمامهم مهاجم أسيوي جيد بيجوار القحطاني أو السالم وكذا لانحتاج صانع لعب راح يكون الوسط قوي بوجود بوليفار وهرماش والشلهوب فية الخير والبركة بصناعة اللعب ومبدع ماشاء الله علية |
ندري ان هرماش لاعب جيد بس مايناسب لعب الهلال قبل لا ينقل عن الهلال طالبنا بمحور دفاعي ويكون افضل من هرماش بس للاسف جانا لاعب مو قد الطموح انا اقول اذا الاداره مي متعاقده مع محور سوبر ستار اتمنى عودت هرماش بدال العاهه كستافو |
أخي الكريم انا اوافقك في كل ماذكرت لكن فيه نقطه ماانتبهت لها اللي هي إذا مان بجانب الاعب المحترف لاعب محور دفاعي محلي ممتاز راح تشوف الفرق كيف واضرب لك مثال وقت خالد عزيز كان بجانب رادوي اول ماحضر لاحظ كيف كان الدفاع مرتاح ووقتها إذا ماخانتني الذاكره أننا أخذنا الدوري بدري وكان اقوئ خط دفاع من نصيب زعيمنا لماذا لان كان هناك ساتر دفاعي بمنطقة المحور عليه الكلام تروح من هنا عزيز عندك ومن هنا رادوي عرفت الآن وش الفرق ؟؟لأنكر ان هرماش افضل من بوليفار ولكن كان رأي الجمهور لاعب افضل من هرماش |
لكن اللي راح راح الآن خلونا ندعم الفريق لانه مقبل ع كم مباراه مهمه بالنسبه لنا كجماهير وفي نهاية الموسم لكل حادث حديث هذا رايي الأفضل أننا ندعم وبعدين في النهايه كلن يقول رأيه ووجهة نظره.. |
هررررررررررررررررررماش ماينفع مع الهلال صح انه لعيب بس مو هذا المطلوب للهلال نبي محورر دفاااااعي والا محوووور مثل ررررررادوي |
آكيد هههرمآش ، لآعب كبير ، والله يكتب الي فيهه الخير ، يآرب لهه ، وللهلال ... |
حنا مشكلتنا في الهلال اننا تعودنا دائماً على محور دفاعي من عبادي الهذلول لخميس العويران لفيصل ابوثنين وعمر الغادمي لخالد عزيز وبعدهم جاء رادوي اعني ان لم يكن افضل من الاسماء هذي والا فلا مع احترامي لك عادل هرماش مو اللاعب الي نأمل عليه في منطقة المحور لانه ضعيف دفاعياً وايضاً بوليفار لاعب ثقيل مع العلم ان الاثنان من الناحية الهجومه والاستلام والتسليم رائعان ولكن دفاعهم ضعيف |
مانبيه ولانبي نسمع طاريه...... |
هرماش افضل من جستافو نعم طالبنا بأفضل من هرماش وجانا جستافوا اقل مستوى بكثير من هرماش اتمنى يرجع هرماش اذا لم يوجد افضل منه |
بس لا تنسى ان بوليفار جاء في نص الموسم وجاي من اجازة بعد وتوقف موسم عندهم |
هرماش معسكر مع الفريق من البدايه .. هرماش محور متقدم مثل ما تفضلت و لا نحتاجه مع انه مبدع .. و من يوم كان مع الهلال و هو مبدع مو شئ جديد .. جوستافو محور دفاعي متميز و معروف مع منتخبه اللذي يصنف من العشر الأواخر على العالم ،، جوستافو جاي منتصف الموسم و فقط يحتاج مزيداً من الوقت .. يجب أن يلعب في منطقة المحور وحيداً كما حصل في مباراة العين .. |
إقتباس:
| قال كل اللي بصدري |
مافيه احد احسن من احد خيو هرماش محور هجومي وجيته اساسا غلط للهلال لان فيه اكثر من لاعب يؤدي نفس دوره ويمكن افضل منه بعد جوستافو محور دفاعي بحت لايمكن ان يتقدم وهذا هو المطلوب لان مافيه لاعب هلالي بعد خالد عزيز اللي دمر نفسه وفقد احترام الجمهور الهلالي يؤدي نفس الدور حتى لو وجد ليس بنفس القوه والتركيز وما يميز جوستافو تمريراته القاتله واجادته تنويع اللعب ١٠٠ % فقط لو يجيد التسديد لاصبح مقاتلا من طراز نادر يعجبني في جوستافو تمريراته الطويله لا تكاد تخطئ وتجيك بالمقاس على الصدر على القدم ايضا قرأءته للعب وهو داخل الملعب وهذي صدقني تتطلب تركيز عالي جدا جدا جدا ومافيه امل تشوف لاعب عربي يجيد قراءة اللعب وهو داخل الملعب .. |
إقتباس:
انا معك في كل كلمه قلتها ... محور دفااااااااااااااااااااااااااعي تبيه يصنع ويسجل ... انت عندك نواف وسالم والشلهوب وعزوز والقرني والشهراني حتى الزوري كلهم يتقدمون ... من اللي يحمي المرمى سؤال للي يقول بوليفار غير مفيد ؟؟؟؟؟؟؟؟؟؟؟ |
المطلوب من جوستافو انقاذ الاهداف ولم يطلب منه التسجيل المطلوب محور مدافع وهو جوستافوا وليس محور هجومي مثل الكبتن هرماش حاجة الفريق حتمت الاستفادة من المدافع لدعم الخطوط الخلفيه كم سجل الخصوم في مرمى الهلال منذ قدوم جوستافوا وكم سجل في مرمى الهلال بوجود هرماش هل انظباطية الدفاع الهلالي اليوم افضل ام سابقا ؟ كل لاعب له مميزات لاتقارن بالاخر نصبر علي جوستافوا مثل صبرنا على هرماش وثم نحكم مع ان مباريات الهلال الاخيره في بطولة ولى العهد او في ايران وموقعة العين تقول الهلال الان افضل بكثير |
هرماش ماينفع ابدا بوليفار محور دفاعي |
حبيبي ..هرماش سيء إذا قارنته برادوي وجيد إذا قارنته بوليفار هذي هي الحقيقه الأغلبيه الساحقه كانت تطالب بإبعاد هرماش لأنه ضعيف بالتغطيه ويميل للاستعراض كلنا الآن نطالب بمحور أفضل من هرماش وبوليفار مجتمعين .. أنا شخصيا أرشح المحور الياباني اللي يلعب بالدوري الروماني واللي رشحه رادوي بنفسه وكوزمين .. واعتقد بأنه سيحل هالمشكله على الأقل مؤقتا حتى يرتفع مستوى القرني وعطيف ويكتسبون المزيد من الخبره ... تحياتي لك .. |
اتمنى استمرار بوليفار الاعب بدا يتاقلم ويقدم مستويات جيده ،، هرماش كفى ووفى |
وعصام الراقي افضل منهم هو خليفة رادوي |
يا شباب لاتنسون يوم قلنا إن بيجي بوليفار الكل وافق والحين تلومون الأدارة؟؟؟؟ |
إقتباس:
|
مشكورين حبايبي على المرور احترم وجهات نضركم واحد واحد |
و الله هرماش افضل بمراحل كثيره عن بوليفار صحيح ان بوليفار دفاعي لكن كلنا لاحظنا هرماش باخر فتره له قبل لا يروح اعاره كان مبدع اتمنى من ادارة عبدالرحمن بن مساعد انهم ما يفرطون فيه الا اذا كان فيه واحد افضل منه و انا اتمنى يرجع يا اما هرماش او رادوي او واحد افضل منهم الاثنين |
هرماش لاعب كبير وما في اختلاف في هذا الموضوع لكن هو لاعب محور هجومي احنا نبي لاعب محور دفاعي اتمنى يجيبون لاعب افضل من بوليفار بالناحية الدفاعية |
لاعب كنت اتمنى استمراره بالخارطه الزرقاء الله يوفقه مع ناديه الحالي تولوز الفرنسي |
السلام عليكم ... أنا مستغرب بصراحة من المقارنة بين هرماش و بوليفار مع أن أدوراهم تختلف عن بعض يعني كأنك تسوي مقارنة بين يو بيونغ سو و بين أوزيا ، البرازيلي أفضل بس الكوري مسجل أكثر أهداف هذي حال المقارنه في الموضوع بصراحة . بقدوم بوليفار و أوزيا دفاع الهلال أصبح أكثر تماسكاً ممكن أول مره بالموسم أربع مباريات لم يلج مرمى الهلال هدف واحد أمام الإستقلال في طهران و أمام الفيصلي بالمجمعة وأمام التعاون بالرياض وأمام العين بالرياض وعقبال أن شاء الله لنهاية الموسم . تحياتي ... |
بوليفار لاعب مستواة متواضع وأعتقد أن محمد القرني أفضل منة بكثير .... عادل هرماش لاعب ممتاز بخانتة وهي محمر متقدم وهذا إنا لا نريدة نريد لاعب محور مدافع ... بالتوفيق لزعيمنا |
مشكلتنا في خانه المحور شئ واحد ان رادوي لعب بالهلال وكلنا نبي مثل رادوي وهذا صعب |
من قال انو بوليفار سيء انا اشوف انو بوليفار وهرماش متقاربين في المستوى و بوليفار تمريراته كلها دقيقة بوليفار توه جاي ما كمل 6 شهور .. عطوه فترة سنه نفس الفترة اللي قضاها هرماش بعدين قارنوه بهرماش أو قيمو أدائة إلى الآن اداء بوليفار جيد وما شفت اننا متحسفين على هرماش هذا احنا يالهلاليين .. نطالب بإبعاد لاعب ونسبة ونكرهه واذا طلع تحسفنا عليه !!!! |
هرماش افضل بكثير والكل يعرف |
هرماش محور هجومي وينفع بالهجوم وشفنا كيف اهدافه لكن بوليفار محور دفاعي ويقطع كور احيانا ويمرر تمريرات سريعه ودقيقه كل لاعب يلعب بـ مركزه يبدع وشفنا كيف هرماش سيئ بالمحور الدفاعي وغوستافو بالمحور الهجومي :) بس ياليت لو يجيبون لنا محور اجنبي دفاعي + هجومي زي رادوي |
لا هرماش ولا بوليفار نحتاج الى محور دفاعى اوربي بمواصفات ميرل رادوى مقاتل لعبة قوى يضبط الدفاع والوسط ماجد |
نحن تعاقدنا مع هرماش لاعب محور متاخر وليسى دوره صناعة اللعاب نحن نريد لاعب يقطع كور الخصم ويبطل هجماتهم ويكون ساتر دفاعي امام قلوب الدفاع حتى لاينكشفون |
اتوفع بوليفار وضح مستواه العام مانقول ان اللاعب سيءء لكن بما انه محترف حنا نطمح للأفضل وهرماش أفضل من بوليفار من نواحي كثيرة - |
السلام ياسمو الامير يا بوفيصل ليش التعب وجلب مدربين بمبالغ عاليه حط من هالمنتدى وفكنا من هالرواتب العاليه على الاقل نور مبلغ جيد نتعاقد مع لاعب محلي والا اجنبي لا حول ولا قوه الا بالله |
نوفر بدل نور اسف على الخطاءs13ss13s |
بوليفار لاعب ميت مدري على اي اساس جابه السباك كومبواريه |
يا الاخو تقارن هرماش لعب موسم كامل مقارنة ببوليفار اللي نصف الموسم هو قادم لا اعلم اي مقارنة انت تقارن بها |
الحين افتكينا من هرماش قلتو رجعوه بعد ذهاب هرماش تحسن دفاع الهلال كثير انا اقول بقاء قوستافو افضل من هرماش |
نبغا محور مثل رادوي وخالد عزيز نبغا واحد دفاعي صلب وبالنسبة للمحور الهجومي متوفرين عندنا في الزعيم |
اذا لم يأتي الهلال بـ لاعب افضل من عادل هرماش فـ اتمنى ان يعود اللاعب الموسم الجـاي |
الله يعطيكـ العافيه ع الاجتهاد .. لكن ؛ عآدل هرماش × بوليفار صعب الحكم ع اللاعبين من ناحية إحصائية الاهداف او صناعتها ... هذان اللاعبان في خط المحور .. فــ من الصعب الحكم ع اللاعب في صناعة الاهداف أو التسجيل .. وأكبر دليل ع ذلكـ > طيب الذكر ،، الكابتن / خالد عزيز .. ما أذكر إنه صنع هدف أو سجل أو حتى سدد ع المرمى .. مع العلم أن الكل متفق عليه أنه المحور الأول في السعوديه آنذاكـ .. أتمنى المقارنه ع سرعة التمرير والدقه ،، وقطع الكور وتوزيعها ،، وتغطية المناطق الدفاعيه وسرعة الارتداد > وهذا > ما يمتلكه المحور الفنان وتقبل رأئي والله يعطي الجميع العافيه .. تـــ ح ــــياتي ,,, |
الله يرضالي عليك بوليفار مساند للدفاع ولاحظ لعباته الطولية للمهاجمين مفيدة جداً لكن هرماش خشونته كثيرة ومشاكله كثيرة فايدته عنده رجل ماشاء الله عليه ماتغالط المرمى وانا متفائل في بوليفار والله انه مكسب كبير للزعيم ولاحظو بوليفار ماجاك الا بنصف الموسم اشكرك على طرحط اخوي |
بوليفار يناسب الهلال بتمريرات متقنة للاطراف وتوزيع اللعب ومستواه في تصاعد ويكفي ان اللاعب دولي بمنتخب بلاده , ماادري وش تبون اللاعب يسوي اكثر من كذا جالسين تتصيدون على اي خطاء ومقارنته برادوي ,بهالفترة الفريق لا يحتاج ولا ننصح بتغييرات جذرية الموسم المقبل لأن بناكل علقة مثل ماصار لنا خلال هالموسمين ترى التجانس هو المطلب الأهم. |
بوليفار افضل تكتيكيا من هرماش هرماش هجوميا مفيد لكن دفاعيا سئ بوليفار تمريرات وتمركز وتحركات ومان تو مان هرماش كل مباراة له مستوى بوليفار في تصاعد واضح في المستوى بالتوفيق |
كيف ماصنع ولا هدف بوليفار وهدف الزوري على الاتحاد من اللي صنعه !! شكلك ماتابعت المباراه |
لا هرماش ولا بوليفار إذا ابوفيصل جايب الشهراني والسالم وعطيف والحافظ وفالطريق الشهري مع حارس وفالأخير نصبر على محترف أقل من المحلي !!! فأعتقادي الهلال لازم يغير ثلاثة لاعبين أجانب باستثناء اوزيا أوزيا و محور دفاعي أسيوي وصانع لعب برازيلي ومهاجم برازيلي |
الله لايعيد ايام هرماش ايام سيئه مدرس كيف كنا متحملين |
المشكله ان الهلال كان بحاجة لمحور متأخر وعادل هرماش متقدم ويحب التقدم لذلك نشوف هفوات لما يحطونه متأخر طبعا اكيد كل مدرب له فكر واتوقع ان مدرب الفريق الفرنسي عرف قوة هرماش وين تكون ووظفه في المكان المناسب مو مثل كمبواريه اللي جاب العيد |
آكيد هههرمآش ، لآعب كبير ، والله يكتب الي فيهه الخير ، يآرب لهه ، وللهلال ... |
صراحة احس ان بوليفار احسن من هرماش لان بوليفار لاعب مهاري وهرماش يعتمد على القوة فقط ترا بوليفار توه جاء بتحديد بنص الموسم يعني مايمديه اتأقلم مع الفريق وشكرا |
اللي يبي يعرف ليه بوليفار ما يقدم مستويات من الناحيه الهجوميه يرجع شوي لخالد عزيز ما كان يقدم شي من الناحيه الهجومية بس كان شايل الفريق من الناحيه الدفاعية مثل قطع الكرات وتغطية السناتره وهذا هو حال بوليفار انا من وجهة نظري ان بوليفار راح يتحسن في المباريات القادمة بس نصبر عليه |
| الوقت المعتمد في المنتدى بتوقيت جرينتش +3.
الوقت الان » 05:37 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd