الجريدة الرياضية تم إلزامها بدفع التعويض بعد نشر صوره من تصويري بدون إذن - نادي الهلال السعودي - شبكة الزعيم

أحمد الخضير · #1 17/04/2013, 10:18 PM

السلام عليكم ورحمه الله وبركاته

اولاً : كل الشكر حق اخواني لي رد على الموضوع و نصحني باخذ حقي من الجريدة الرياضية بعد سرقه صوره من تصويري

وهذا الرابط الموضوع

http://vb.alhilal.com/t1066795.html

ثانياً : تم والحمد الله أخذ حقي من الجريدة الرياضية صح المده طويله بس المهم اخذ حقي منهم مهما كان قليل او كثير
وهو الكاتب عبدالرحمن النمر في يوم الاحد 30 محرم 1433هـ في الصفحه 15 العدد 8852

ثالثاً : كل الشكر حق الإدارة العامه لحقوق المؤلف في اخذ الموضوع والاهتمام فيه بدون اي تعب مني ابد
فقط مره الاول رحت اقدم الشكوى ومعها الصوره الاصل والصوره لي عليها الحقوق وضعت ارقامي
ويتم الاتصال منهم اذا في جديد الحقيقه انا اشهد انهم كفوووو ومايقصرون

ونصيحه مني شخصيا حق اي مصور يحصل صوره منشوره وبدون اذن منه يقوم بشكوى حق الإدارة العامه لحقوق المؤلف
فهم في خدمتكم وهذا لي فهمته منهم ,.....

هذي الصوره من الجريدة الرياضية وتم مسح الحقوق من الصوره وعدم كتابة اسم المصور او الموقع لي تم اخذ الصوره منه
وهو منتدى الزعيم الرسمي

هذي الصوره لي تم اخذها من منتديات الزعيم ومسح الحقوق من الصوره

وهذي صوره القرار لي صدر من الإدارة العامة لحقوق المؤلف وفيه إلزام صحيفة الرياضية بدفع مبلغ ( 2000ريال )
بتاريخ 14 / 11 / 1434هـ ومن هذا التاريخ الى اليوم توهم يصدرون الشيك

صوره الشيك

......

اخوكم

احمد الخضير

ملك في حكمي · #2 17/04/2013, 10:25 PM

الحــــــــــــــــــــــــــــــــــــــــــمد لله أنك أخذت حقك زين أنهم ما سحبوا عليك

هلالى وكلى ذوق · #3 17/04/2013, 10:29 PM

كفووو والله انك ذيبان وبطل
والحمدالله اخذت حقك منهم
والله يعطيك العافية اخوى ويحفظك الرحمن
اخوك ماجد

الحمدلله اني هلالي.! · #4 17/04/2013, 10:32 PM

حقـك مايضيع مهما طال الزمـن !

الامع · #5 17/04/2013, 10:33 PM

.
ما شاء الله حقك وتستاهله,,, وهذا إن دل فهو يدل على كسل وعدم احترافية صحفنا والتي تبحث عن المواقع وقص ولزق وكأنها منتديات مو صحيفة, بالرغم من تواجد المصورين والميدانيين.
.

زعيم متوسط · #6 17/04/2013, 10:33 PM

هذا الي منزل الموضوع في الجريدة الرياضية شكله مدنس ما أظن إنه يجي واحد يسويها من الانديه الاخرى غير النصر
.
.
صراحه تستحق يا أحمد التعويض وهذا أقل شيء من حقوقك و حقوق ناديك المفضل

.
.
كفو إنك اشتكيت و صبرت على هذا الموضوع لأنك لو ما اشتكيت كانوا بيأخذون الصور كل مرة

(عـ الخـوي ـز) · #7 17/04/2013, 10:37 PM

بصراحه مفروض الغرامه تكون كبيره لو انت اللي اخذت حقوقهم مدري كم بيطلبون منك
لكن يالله اهم شي اخذت حقك وعساك ع القوة

النادر999 · #8 17/04/2013, 10:57 PM

جاك الفين. طيب كم صرفت على المراجعه والشكاوي وتعب الروحه والجيه

لك سنه. الله يعين.

هـــــــلالي · #9 17/04/2013, 11:06 PM

مايضيع حق وراه مطالب بإذن الله

الحمدلله أخذت حقك وعطيتهم درس ماراح ينسونه

بالتوفيق للهلال

بن جبله المطيري · #10 17/04/2013, 11:12 PM

يالله عااااد لاتنسى اخوگ بن جبله من هالمبلغ......

ترى انا قنوع لو ٢٠ ريال حق وجبه انا رااااضي كخخخخخخ....

كفو والله يااالذيب ون شاء الله يتبع طريقگ كل من سرقت له صوره ومسحوا حقوقها......

بالتوفيق......