اهم مباره للهلال بالمجموعه هي مباراه الاربعاء وخاصه انها بالرياض .. فيديو ما يتمناه ياسر وباقي اللاعبين .. ياسر الشهراني .. - نادي الهلال السعودي - شبكة الزعيم

al-jouf · #1 02/04/2013, 02:50 AM

بسم الله الرحمن الرحيم

الكل عارف ان الهلال راح يلعب مباراه مهمه يوم الاربعاء القادم امام الاستقلال في الرياض والبعض يقول انها سهله
وانا اقول انها اصعب مباراه لنا .. لاسباب كثيرة اهمها : اذا فزنا راح نتصدر المجموعه وم راح نلعب تحت ضغط باقي المباريات واذا خسرنا لا سمح الله مع فوز العين راح نرجع للثالث وتبقى لنا مباريات صعبه خصوصا ان مباراتين راح تكون خارج ارضنا وحده ب قطر والثانيه ب ايران والمباراه الثالثه راح تكون بالرياض ومع فريق قوي جدا ومن اقوىالفرق اللي هو العين .. يعني مباراه الاربعاء نكون او لا نكون .. والفريق الايراني فريق صعب لازم نحترمه ومعروف ان الفرق الايرانيه تلعب دفاع + هجومهم قوي جدا لانه سجل 5 اهداف في مباراتين منها 3 خارج ارضه ..

جماهير الهلال ياسر ورفاقهه محتاجين دعمنا .. اليد الوحده ما تصفق يعني مافيه لاعبين من غير جمهور
مانبي نشوف مثل اللي شفناه في مباراة الاتحاد او اغلب مباريات الرياض .. اعتبروا اللي راح استراحه محارب لنا
كجماهير .. نبي من يوم الاربعاء نفتح صفحه جديده مع المدرجات .. كلنا سمعنا تصاريح اللاعبين او رئيس النادي بعد
مباراه الاتحاد وش قالوا .. ابو فيصل يقول نحتاجكم بالشده اكثر من الرخا .. وحنا قدها ان شاء الله ..
هذا مقطع اتمنى اتمنى اتمنى من كل هلالي يسمع ياسر وش يقول .. من الدقيقه 1:30 الـى 2:10 ..

‫تصريح الكابتن ياسر القحطاني بعد نهائي كأس ولي العهد|2013|‬‎ - YouTube

سأله المذيع عن سبب دموعه في النهائي وقال دموعي هاذي بسسب الجمهور الحمد لله اننا ما خيبنا الجماهير اللي
حظرت وكل قطره نزلت من اجل الجمهور ..
وهذا مقطع يوجه رسالته بعد النهائي .. الدقيقه 2:30

‫كواليس فرحة الهلال بنهائي كأس ولي العهد أمام النصر‬‎ - YouTube

ياسر الشهراني

ضحى بالملايين من اجل الهلال .. وقالها الهلال او الاعتزال ... اتمنى من الجماهير في المباراه القادمه ترديد اسمه في الدقيقه 12 ..

مدري انتت الوفا ولا الوفا طبعكك ^^

ياليت تتكرر الصوره هاذي "

للجماهير الهلاليه الحاظره :

* اتمنى لبس الهلال او اي شي ازرق لجمال شككل المدرجات واتمنى الابتعاد عن الثوب والشماغ م انت رايح لعرس

..

* ترديد اسم ياسر الشهراني بالدقيقه 12 لوفائه للشعار الهلالي ..

* اتمنى التفاعل من الجماهير الهلاليهه نبي طرب نبي ليله ما راح ينساها اي هلالي ..

* واتمنى نسمع صافرات استهجان لأي لاعب ايراني يمسك الكره ..

* لا سمح الله وسجلوا علينا اتمنى اننا م نتشائم لاخر دقيقه وتفائلوا بالخير تجدوه .. واللي يعرف الازرق يتفائل لاخر ثانيه

* اتمنى ما نخرج عن الروح الرياضيه مهما كانت النتيجه وساءت الظروف .. وصلاة العشاء لا ننساها ..

السبت عندي اختبار بالجامعه يحدد مصيري ومع هذا ماشي الاربعاء الصبح للرياض وراح ارجع الخميس والمسافه 1000 كيلوا ..

اتمنى من اللي م يبي يحضر المباراه من اهل الرياض يتخيل نفسه بمكاني .. بالله وش عذرك اذا الملعب عندك وم تحضر ..
دعواتكم للهلال بالتوفيق ولي باختباراتي واني اوصل بالسلامه .. واذا فيهه احد من اهل الجوف يبي يمشي معي
حياه الله

شطحه بيت شعر

:

حبيت بالدنيا ثلاث انتي وقلبك والهلال

وكرهت بالدنيا ثلاث صدك وبعدك والنصر

وآسف على الاطاله ""

سبحان الله وبحمده سبحان الله العظيم

استغفر الله العلي العظيم واتوب اليه

اللهم ارحم المؤمنين والمؤمنات والمسلمين والمسلمات الاحياء منهم والاموات ..

محسن الكربي · #2 02/04/2013, 10:50 AM

الله يعطيك العافيه موضوع رائع جدا وتوقيته ممتاز اتمنى من جمهور الرياض ان يفللو الملعب وهذي عاداتم جمهور الملكي

اتمنى من الجمهور ان يرفعوووووو علم كبير مرررره في عبارة (( الــــمـــلــــكـــي ))

قصة انتماء · #3 02/04/2013, 10:55 AM

موضوع رائع جدا ..

الله يديم عليك العافيه .. هذي المواضيع اللي تستاهل التثبيت ..

و ان شاء الله الجماهير يملؤون الملعب و يبدعون و يرعبون الإيرانيين في المباراة القادمة ..

شكرا لك ..

Nader wjoody · #4 02/04/2013, 10:56 AM

ألف شكر على الحماس الرائع
وجمهور الملكي بإذن الله راح يكونو بالموعد
تحياتي لك ياملك

! دحـوم الهـلالـي ! · #5 02/04/2013, 11:43 AM

موضوع رائع وحماسي ..
اتمنى اتمنى ان الجماهير تحضر وتكون فعاله بشكل كبير جدا ..
اتمنى الحضور مثل مباراة بني ياس واكثر حتى وضع الفريق متحسن بشكل كبير جدا ..
والمباراة مفصليه ومهمه جدا جدا لنا في المجموعه لانها مثل ماقلت تحدد مصير ترتيبنا بشكل كبيرا ..
اما انها بتسهل علينا المجموعه او بتصعبها كثير وهالشي ماراح يتم الا بتوفيق ربي وبدعم قوي جدا من الجاهير للاعبين في المباراة حتى يفجرون اللاعبين ابداعاتهم على ارض الملعب ..

بالتوفيق للملكي ،،

مجنون ابويعقوب · #6 02/04/2013, 11:47 AM

راح تكون كلمه للجمهور الهلالي غداً وعندي احساس راح تكون النتيجه حاسمه

ومشكور ع الموضوع التشجيعي

عشقي موج ازرق · #7 02/04/2013, 11:49 AM

ذكرتنا بفرحة كاس ولي العهد كانت فرحة جميلة في قلب كل هلالي وان شالله ادوم هالافراح
بصراحة كلمة ياسر وتعبيره في الكلام ما تخرج الا من قلب محب وعاشق من قلبه لهذا الكيان ودموعه غاليه علينا
قال هذا الجمهور ما يستحق الا البطولات
وانت ياسر تستحق تشيل هالبطولات وكبتنية الزعيم
بأذن الله الجمهور ما يقصر وما يخيب ضنكم
ونبغى حضور ما تفعال كبير يا زعماء
مباراة مثل ما قلت يا اخوي من اهم مباريات اسيا
ان شالله ان شالله الفوز
ولا تخاف الجمهور ما راح يخيب ضن الاعبين في هالمباراة

× الأوتار الزرقاء × · #8 02/04/2013, 12:16 PM

الله يعطيك ألف عافية

وربي يوفقك باختباراتك

أتمنى من الجميع الحظور

وأتمنى يكون شيء مخصص لحبيبنا ياسر الشهراني 3>

بن جبله المطيري · #9 02/04/2013, 12:25 PM

كلگ على بعضگ حلو....

موضوووع اكثر من رااااائع وجميل.....

ان شاء الله نرى عشاااق الزعيم بالموعد....

الحمدلله اني هلالي.! · #10 02/04/2013, 12:37 PM

موضوع مُحفززز وجاء في وقته

وماشاءالله عليك جااي من الجوف ألف كيلو علشان المبااراة ! بيّض الله وجهك

هههمتتتكككم يازعماااء .. نبي الملززز يهتززز !

وألف شكر للمشرفين على تثبيت الموضوعع يستاهل

sheva_7_22 · #11 02/04/2013, 01:15 PM

اتمنى من كل مشجعي الملكي وبالخصوص الي في الرياض
الحضوووور الكثيف في الملعب

واعتقد ان الجمهور ما عنده اي عذر لان المباراة في ملعب الملز وليس في استاد الملك فهد
( يعني المسافه قريبه مره ) في قلب العاصمه

ابو سلطان اليامي · #12 02/04/2013, 01:28 PM

اكثر من موضوع متميز في موضوع واحد ماشاء الله عليك

الله يوفقك في اختبارك

ويوفق الهلال في البطولة الاسيوية وفالنا الفوز ان شاء الله

ا.غريتيس · #13 02/04/2013, 01:33 PM

موضوعك جميل ولكن هناك نقطة مهمة و هي ترديد أسماء اللاعبين ال 11 الذين سيلعبون المباراة في شوطي المباراة و هذا افضل لهم و عدم استخدام صافرات الاستهجان على لاعبينا ..

زعيم القارة الاسيوي · #14 02/04/2013, 01:47 PM

أن شاء الله الفوز من حليفنا وان شاء الله الجمهور ما يخيب ظن الهلال

امبراطور هلالي11 · #15 02/04/2013, 01:49 PM

مباراة صعبة وخصوصاا ان الاستقلال متصدر الدوري الايراني بس بالتوووفيق للملكي ان شاء الله مانطلع الا بفووز ونبي المدرجات متروسة مثل اللي بالصورة