09/05/2003, 01:35 AM
|
| زعيــم مميــز | | تاريخ التسجيل: 09/04/2003 المكان: الرياض ..
مشاركات: 1,501
| |
قالت قصيمي.....
قالت قصيمي قلت فخر ومعزة أهل الكرم والعلم والحلم والباس
قالت قصيمي قصدها بي تهزء ما تدري اني بفتخر وأرفع الراس
الحـــــــمد لله روسنـــــا دوم رزة اللي خلقنا بس نحنيله الراس
صافي نسبنا والحسب فيه عزة أصل أصيل وفصل والعرق دساس
أهل الوفا والدين صافي منزة عن كل ماصاب العقيدة من أدناس
حنا العقيلات أنشدي رجال غزة حنا هل الدنيا وللدين حراس
حنا سنايد نجد في كل حزة لاخانت حلوق الرجاجيل الأنفاس
حنا جبال يعجز الريح هزة حنا لنجد حزام وعصابة الراس
نارد حياض المرجلات ونلزة مانمشي دروب الرذيلة والأدناس
من يغلط لسانه علينا نجزة واللي يحقر قدر الرجاجيل ينداس
منا العدو تكفيه بالعين خزة يقضي عليه الخوف مع كل هوجاس
من ذكرنا في قلبه تثور نزة من طاري القصمان يبلاه وسواس
نومة كوابيس وروعة وفزة دقت نواقيس الخطر له والأجراس
وأن هو لقى له من علينا يوزة هون له الصعاب وإبليس خناس
ما يدري أنه للمهالك يدزة عجل على مبناه يمحى من الساس
يابنت حنا من نخانا نعزة يأمن بنا الملهوف وتهابنا الناس
مرسولنا للخير دايم نكزة ولصرخة المحتاج نرخي الأكياس
تاريخنا مجد لبسناه بزة نمشي بوسط السوق ماندحم الساس
لك ماتركنا بكاس الأمجاد مزة واجد عليك ومثلك حثالة الكاس
وش جاب حر الطير لفرخ وزة منهو يساوي جوهر ألماس بنحاس
لاتحسبين أنك لنا مستفزة وش ياخذ الباعوض من ريش قرناس |
الوضع العادي
