إقتباس السلام عليكم استضافه مميزه للاستاذ خالد

وعليكم السلام ورحمة الله وبركاته
يالله حي ريس الإنتر ، التميز طلتك للموضوع

إقتباس س1 - وش رايك بالانتر ؟

الموسم الحالي ؟ موسم للنسيان للأسف ك سابقه .. الإنتر غلط يوم فرط بأغلب نجومه تحديداً بعد تحقيق الأبطال ، برضو تغيير المدرب بشكل متواصل مأثر بشكل كبير .. ولعل إدارتكم مب بعيده عن تشلسي بالتعامل مع المدربين خخ .. نرجع ل نقطه التعامل مع نجوم الفريق والتفريط فيهم .. تتكلم عن إيتو عن شنايدر هذا الموسم ، عن فورلان اللي فجأه إختفى ! عن مواهب مثل كواريزما عن كوتينهو واللي يقدمه حالياً مع الليفر .. عن مايكون والأسماء تكثر .. الإستقرار والتغييرات المستمره ف الاعبين أكبر غلطه والضرر يعود للنادي بالأخير .. الإنتر فالبدايه كان ماشي صح إلين أصيب ميليتو ودحدر الفريق بعدها .. مع إني م أشوف أي عيب ف مدربكم الحالي .. مدرب شاب يملك فكر وتكتيك عالي بس النوعيه بالأسماء اللي عنده خذلته .. الإنتر محتاج للاعب له إسمه وثقله فالملعب .. مع تدعيم بسيط بكم خانه وأموره فالسليم .. للأسف التأهل للأبطال صعب في ظل توهج ميلان ونابولي وصحوة الفيولا ولاتسيو مؤخراً ..

إقتباس س2 - من هو افضل مدافع حالي (لاتقول ما اقدر اجاوب ! ) ؟

سيلفا بنظري أفضل مدافع بالفتره الحاليه بالرغم من إصابته الأخيره ، ويجي بعده هولمز دورتموند ..

إقتباس س3 - كافاني - فالكاو - فان بيرسي - ابراهيموفيتش من الافضل ؟

إبراهيموفيتش الأفضل .. وإذا قصدك أرتبهم لك بيكون بالشكل التالي ( الأفضلية من اليمين لليسار )
إبرا ، بيرسي ، فالكاو ، كافاني .

إقتباس س4 - رأيك فيني ؟ << تراه اتقبل

ما أعرف شخصياً ، لكن بالمظهر العام شخص ما أكن له إلا كل تقدير وإحترام ، من النوعيه اللي نفتقدها بالعالميه بالفتره الحاليه
شاكر لك تواجدك ، ومعليش طولنا عليك بالرد ، لي 3 أيام بعيد عن الاب ..

والسموحه من الجميع ، لي باك لباقي الأسئلة

إقتباس ألا ترى بأن تشلسي ببطولة التشامبونز الأخيرة كان محظوظ ؟

أهلن ب الروماوي ، مثال ل ( حي الله من زار وخفف ) ، ليت كل الأعضاء مثلك > أمزح خخخخخ
بما إن سؤالك خفيف ووقتي صاير ضيق ها اليومين ، بجاوب عليه وبعدين برجع للبرشلوني بالقريب العاجل ..

بطولة التشامبيونز بوجهة نظري تحتاج ل عامل الحظ ، مهما كنت تملك من أسماء وخبرة إذا الحظ ماخدمك فيها مستحيل تاخذها ، إيه نعم تشلسي كان محظوظ ، بس بالشكل اللي نشوفه واللي متصورينه العالم ؟ لا ، تشلسي إشتغل على أشياء ثانيه وعوامل أخرى توجته ل التتويج بالبطولة .. أولها عامل الروح اللي طغى على كل شي .. وحرس تشلسي القديم اللي كان طموحهم تحقيق هذه البطوله لأول مره بتاريخهم .. تيري تشيك لامبارد دروقبا أشلي .. الأسماء هذه بالحالها تعطيك نبذه عن الإصرار وتحقيق المستحيل .. وماننس فضل دي ماتيو بعد الله وشغله بالفترة القصيرة واللي ماكان أحد متوقع إنه يوصل لها المرحلة أبداً ..

شاكر لك طلتك ، عقبال نشوف الأمير توتي رافع البطولة قبل إعتزاله ..

أهلن ب البرشلوني ، وأسف جداً جداً ع الإطالة .. ها الشي مب ف يدي أبد ..

إقتباس 1/ هل تتوقع أنه بإمكان الريال و السيتي و دورتموند العودة للمنافسة على دوريّاتهم ؟

صعبه جداً ، الريال والفارق بينه وبين البرشا كبير ، وأتوقع راح يكرس جهده هذا الموسم للأبطال .. نفس الكلام للسيتي ، الفارق بينهم وبين المانيو صار أصعب بعد م توسع ل 15 نقطه ، أما دورتموند ف من سابع المستحيلات عودته .. الظاهر إن الفارق بينه وبين البايرن أكبر فارق من بين الدوريات الأخرى !

إقتباس 2/ لاعب شد إنتباهك هذا الموسم ؟

سواريز ليفربول ، توتي روما ..

إقتباس 3/ من ترّشح للفوز بدوري الأبطال والدوري الأوربي هذا الموسم ؟

الأبطال أحساسي يقول ماراح تطلع من بين فريقين ، واللي هم البايرن والريال ..
أما الدوري الأوروبي ف أتوقعه ل تشلسي ، إن م كان لهم بيكون ل لاتسيو الإيطالي

إقتباس 4/ ماذا تفضل بعد الكرة الأوربية "الإفريقية أم الآسيوية" ولماذا ؟

لا ذي ولا ذي تقريباً الكرة الأوربية طاغية على خالد بشكل كبير ، التفضيل بين الكرتين اللي ذكرتها أشوفها مناصفه فيني إن ما كانت مجهولة نوعاً ما ..

إقتباس 5/ أفضل دوري عربي بالنسبة لك في آخر 10 سنوات ؟

دوري زين ما فيه غيره

إقتباس 6/ "لازم تجاوب" أفضل من تعرّفت عليه من أعضاء العالمية ؟

والله الكثير تعرفت عليهم تحت هذا الصرح الكبير وأتشرف فيهم واحد واحد ، وفيه كثير يعرفوني شخصياً ويدرون وش معزتهم عند خالد ، بس دامك غصبتني على الجواب بالأفضلية وجوابي ما بيكون بالأفضلية لأن كل اللي تعرفت عليهم على راسي من فوق وكلهم عندي واحد ، بس اللي طاحت بيننا ميانه ومقابلات شخصيه وأخذ وعطا وما إلى ذلك ، المانشستراوي عبدالله ..

إقتباس 7/ معنى كلمة "kun" بيوزرك ؟

أبد ، شل إسم أغويرو وحط إسمي تقدر تقول إضافة بسيطة للإسم ك لقب
مثل كرستيانو يلقبونه ب الدون ، وهكذا ..

شاكر لك مرورك