بسم الله الرحمن الرحيم

ياصباح السهرات والويكندات يا صباح الشاهي بالمكسرات <~ جلست ساعه عشان اوزن القافيه
آن شاءالله اموركم عَ مايرام ,, بصراحه مدري من وين انتهي
,,
اسبوع ا اسبوعين لا نوم زي خلق الله ولا روتين زي العالم اصلا الرياض روتينها واحد ملل
من استراحه لدوام لبيت لي يومين كأني واحد متقاعد نوم متقطع واصحى بدري اجلس اطبخ واحيان
ودي اسوي مراصيع بس ماعرف واجلس افطر مع زقزقه العصافير ومن الطفش احيان اخذ التلفون و أألف ارقام بيت
واسوي نفسي غلطان الا ان ردت علي عجيز مثلي مستصبحه اجلس اسولف معها تبون صامولي ولا اجيب القدوع [القهوه والتمر ] القدوع <~
واجلس اسقي الثيل حق البيت والزرع اللي برى واسولف مع هنود حقين البلديه انتا كم سنه اشتغل
نفر سعودي كويس ولا مافي كويس والوالد له سنتين يبي تقاعد ورافضين لين وافقوا له وتوه متقاعد مبسوط مثلي
وماغير احيان نقوم الصبح انا وياه ونجلس نقلب المطبخ منال العالم
ابوي بصلح كبده ويقول حاط معها خلطه سريّه ولاجيت اكلها نفس الطعم العادي اللهم مكثر فلفل
وانا اقول وش حاط معها قرفه .؟ شيره ؟؟ <~ قايلكم مالي فَ الطبخ
واحيان امي تصحىآ بدري ونتقهوى آنآ وياها حبيبتي وااسال عن خالاتي واني مشتاق اسلم عليهم ولاجتمعوا مارحت
والمشكله تجلس تتقهوى شوي ويرن التلفون الصبح عاد ياَ مره خالي يا خالتي
هذول احس امي لاصحت تكتب بالواتساب نص ساعه واتصلوا ويتصلون وسواليف
وانا جالس اشوف قناه بدايه اشوف ظرافتهم ولا mbc3 توم جيري

واذا حطو فطور افطرت معهم ثانيه مافي مشكله اهم شي الجمعه
و لا جاء العصر اصير اقلب النت ولا منبطح العب بلاي ستيشن مالي خلق اطلع استراحه ولا شي
والعصر خواتي الكرام وش تبي غدا وانا اقول مكرونه ولاجاء الغدا اشوف رز طيب مكرونتي وينها بكره
وهالايام جايني زهاير ماش احس اني مانب طيب
اخطط اطلع مكان والبس وكل شي اشغل السياره اجلس اهوجس وين بروح ؟؟!!
ودي اركب ذاكره 4 قيقا حتى النوم نسيته والله البارح نايم بـ حبتين بنادول نايت
لاني صاير ف الطبيعه مانب ارقد احط راسي احس اني مشغول بشي مدري وش اذكر الله استغفر اصلي اوتر اتبطح اتسدح
واتقلب على جمر الغضى ولا شفنا شي من النوم
حتى عند اخوي الصغير فارس دواء شراب حق نوم اذكر تعطيه اياه الليل لاصار ساحبها طول النهار
عاد انا ماخذ فكره انه حق اطفال لازم اشرب كثير
ما اصبه بملعقه لا اقلبه ببسي افكر وجالس على اللاب واشربه عادي على اساس انه علبه ببسي
امزمز عليه لين يخلص ثم النهايه توي اتثاوب
عموما هذا مالدي وهذا أنـا ,,
اللي مايرد بتجيه عوافي الله

استغفر الله العظيم ..

ههههههه تبي الصراحه


احس عمرك قريب من عمر ابوك


هههههههه سوالف شايب

اجل تسأل هنود البلديه...كان كملت جميلك ونظفت معهم يمكن يتغير الروتين لو مره وحده بدل الملل



عوافي


:-)


....

إقتباس الرسالة الأصلية كتبت بواسطة *زعيمه جنوبيه* ههههههه تبي الصراحه احس عمرك قريب من عمر ابوك هههههههه سوالف شايب اجل تسأل هنود البلديه...كان كملت جميلك ونظفت معهم يمكن يتغير الروتين لو مره وحده بدل الملل عوافي :-) ....

بصراحه فطينه انتي
فعلا ابوي اكبر مني بسنه وشوي لاني اذكر انه برابع جيم يكتب بقلم حبر
وانا برصاص

ههههههههههههههههههههههههههههههههه

وش تحسبووووووووووووووووووة

إقتباس الرسالة الأصلية كتبت بواسطة @@almoreb@@ هههههههههههههههه ام الموضوع اللي قعدت اقراه 3 مرات عشان افهم وش تبي انت أول شئ قبل ما أرد .. من وين مطلع ه الفيس الاخضر ... خابره ايام الماسنجر بيني وبينك ياخوي لازم تعمل لك هدف في الحياة وتخلي لك بصمة واضحة فيها .. مش تعيش وتموت ومحد درى عنك الا أهلك وجاركم وعمال البلدية اللي قعدت معاهم .. أحس ان الواحد اذا كان اخر همه في حياته دوام وبيت وزوجة واستراحة راح يمل كثيرا وخاصة انه ما أضاف للحياة شئ مهم بقدر ما هو زائد عليها ... اعمل اي شئ تحس انه راح يفيدك انت دنيا واخره .. اقرأ في سير العظماء والرجال في التاريخ يمكن تنحل مشكلتك لك ودي

^^

اخاف اقرا بسيره العظماء وبكره تشوف امريكا تطاردني بين دهاليز منفوحه وخنشليله لأني من النوع اللي يتريش على طول وحماسي زايد ,, وشدعوى لهدرجه طايح من عينك
عندي اهداف كثيره ان شاءالله بس منسدح في البيت والعب مصاقيل واحتري التوفيق

إقتباس الرسالة الأصلية كتبت بواسطة FAISAL AL7RBY انا من سكان القصيم و اذا طقني الطفش نزقت للمزرعة و اخذت معي السكتون و قنص بـ هالطيور و اذا طفشت من الصيد رحت للعامل بالمزرعة و جلست اسولف معه عاد عاملنا لو تسولف معه 24 ساعة متواصلة ما يمل لانه يدور اي واحد يسولف معه

والله يافصيل من شاف عدد مشاركاتك عرف انك فاضي بالحياه
اتمنى تقرا سيره العظماء والتاريخ وهيك يمكن يطلع لك هدف
بعدين ماشاءالله تلعب ع الحبلين دايم الله لايضرك شغَال هنا وتويتر
دامك فاضي ليتك تقدم على رئاسه مصر يمكن تصير رئيسها

ههههههههههههـ

لبى قلبك ياااااشيخ

انا بسسسس عطيت موضووووعكـ نظره من بعيد فطسسسسسسست من الضحكـ

الفيسااات الخضر وشكلها المتلائم مع قلوب الحب صااايره توووحفهـ

أخشى ماااأخشااااه ان تكون عااااشق ومفلس

إقتباس اخطط اطلع مكان والبس وكل شي اشغل السياره اجلس اهوجس وين بروح ؟؟!! ودي اركب ذاكره 4 قيقا حتى النوم نسيته والله البارح نايم بـ حبتين بنادول نايت

كخخخخخخخخخخخخخخخخخخخ

نسيت النوم اوا ينسى النوووووم

انسى عيوووني ومااااانسى النوم

اشكركـ بعمق على هالموضوع حتى يغمى علي..

هااااااكـ امسسسكـ

إقتباس الرسالة الأصلية كتبت بواسطة مجنون الزعيم(9) والله يافصيل من شاف عدد مشاركاتك عرف انك فاضي بالحياه اتمنى تقرا سيره العظماء والتاريخ وهيك يمكن يطلع لك هدف بعدين ماشاءالله تلعب ع الحبلين دايم الله لايضرك شغَال هنا وتويتر دامك فاضي ليتك تقدم على رئاسه مصر يمكن تصير رئيسها

اي والله اني فاضي و هالفضاوة ما جبت لي غير الشيطان و ذريته

كل شوي جايب لي معصية غير شكل و يقول تخاوي



انا محسوب على جماعة البرادعي يعني مافيه امل اترشح

اسعد الله ايامك يا زعيم

موضوع يجيب الربشة !

من جانب يبدو انه وساعة صدر

ومن جانب اخر هو يحاكي يوميات كثير من الشباب الذين وجدوا انفسهم كما الوصف الرائع الذي ابدعت فيه :

إقتباس اخطط اطلع مكان والبس وكل شي اشغل السياره اجلس اهوجس وين بروح ؟؟!!

وهو تماما كما العلاقة بين عنوان الموضوع ومحتواه


وفق الله الجميع لما يحب ويرضى

يعطيك العافية يا مبدع ،،،

إقتباس الرسالة الأصلية كتبت بواسطة هلالي من ارض اليمن اسعد الله ايامك يا زعيم موضوع يجيب الربشة ! من جانب يبدو انه وساعة صدر ومن جانب اخر هو يحاكي يوميات كثير من الشباب الذين وجدوا انفسهم كما الوصف الرائع الذي ابدعت فيه : وهو تماما كما العلاقة بين عنوان الموضوع ومحتواه وفق الله الجميع لما يحب ويرضى يعطيك العافية يا مبدع ،،،

اهلن طارق تصق كم مره امر على مواضيعك واستفيد منك بالكلمات الفصحى
احاول اجمع من هنا كلمه ومن هناك كلمه لعلى وعسى تمشي الامور معي بالفصحى

حياتك بهذا الشكل ممله جدا
حاول تغير في الروتين اليومي لك

بالتوفيق لك يا اخوي

^^

الله يجزاك خير اشوى انك علمتيني انها ممله
احسبها ساعه صدر انا عاد من اول تصدقين ..

حبيبي إنت والله ههههه هالموضوع المفروض يآخذ لقب ( أفضل موضوع فاشل )

هههههههههههههههه

لا أمزح يآخي .. وأنا أقرا كلآمك أقول ذا شكله يعرفني ويتكلم عنّي .. الحال من بعضه يا خوي ههههه



بعدين عنوان موضوعك

إقتباس ][ من هزازي لـ هزه العنزي للعارضه وياقلب لاتحزن ][ ..

وموضوعك للحين مافهمت يتكلم عن إيش .. وش الرآبط ههههههههههههه


أكثر شي أعجبني بالموضوع .. أو بمعنى أصح أكثر شي لفت إنتباهي بالموضوع (( لأن مافيه شي أعجبني )) هههههه

إقتباس ودي اركب ذاكره 4 قيقا

مدري وش اللي خلاك تشطح وتقول كذا .. مالها دخل في الجملة اللي قبلها ولا اللي بعدها هههههههههههههههههههههههه



أهنيك على الشي اللي كتبته ههههههههههه المدري وشو


تقبّل مروري